دواسة البنزين منعدمه تماما فى الشارك

**ma7oo** · 29-12-2011 10:39 PM

خوليو باشا وحشنى والله ....طالما الراجل ده قال حل المشكلة متسمعش كلام تانى ده كبير الشاركاوية ..عاوز اكلمك ان شاء الله ياخوليو

**nibrahim** · 02-01-2012 11:21 AM

الموضوع ده ... حصل معايا و طلع بسبب حساس الاكسجين و تقبلوا مرورى

**فتح الباب** · 02-01-2012 08:43 PM

المشاركة الأصلية كتبت بواسطة nibrahim

الموضوع ده ... حصل معايا و طلع بسبب حساس الاكسجين و تقبلوا مرورى

الحساس ده بكام ومنين وتخصص كهربائى ولا ميكانيكى اشرحلى يافندم اللى حصل مع حضرتك واكون شاكر لحضرتك لانى تعبت فعلا من التشخيص

**مصراوي جدا** · 03-01-2012 08:52 AM

بعد استشارة المهندسين الفنيين في شركة مصرية عن المشكلة دي افادوا ان ممكن فعلا سبب المشكلة زي ما اشار بعض الأخوة الأعضاء هي وضع فلتر الهواء بشكل مش مظبوط وربما مقلوب وده سبب ان اللبادة قفلت مدخل الهواء

لكن بالطبع الكشف على العربية في مركز متخصص هو اللي هيحدد بدقة المشكلة فين

**dr_darsh** · 04-01-2012 05:15 PM

انا حصل معايا موضوع زى كده فى الأوكتافيا بس لمبة التشيك مش نورت وديت العربية التوكيل وقاللى حساس شكمان وسيب العربية يومين .... طبعا سيبت العربية وتانى يوم اتصل بي المهندس وقالى العربية خلصت والعيب كان سوفت وير ... !!!!؟؟

**M_Marwan** · 04-01-2012 11:34 PM

المشاركة الأصلية كتبت بواسطة tjp

الحساس ده بكام ومنين وتخصص كهربائى ولا ميكانيكى اشرحلى يافندم اللى حصل مع حضرتك واكون شاكر لحضرتك لانى تعبت فعلا من التشخيص

أنا قولتلك على الحل وانت مش مقتنع ومعذب نفسك صدقنى انا مش بفتى ولو معرفش بقول معرفش

**فتح الباب** · 05-01-2012 07:39 PM

المشاركة الأصلية كتبت بواسطة m_marwan

أنا قولتلك على الحل وانت مش مقتنع ومعذب نفسك صدقنى انا مش بفتى ولو معرفش بقول معرفش

انا متشكر لحضرتك جدا ومقتنع بكلام جضرتك تماما انما لو افترضنا انى محتاج الحساس ده اجيبه منين وبكام

**kholio** · 06-01-2012 11:41 AM

المشاركة الأصلية كتبت بواسطة tjp

انا متشكر لحضرتك جدا ومقتنع بكلام جضرتك تماما انما لو افترضنا انى محتاج الحساس ده اجيبه منين وبكام

لو افترضت ان العيب في الحساس يبقى محتاج تنظيف بالاسبراي بس وهيرجع يشتغل زي الفل لكن مش هيبقى محتاج تغيير انشاء الله وموضوع تنظيف الحساس ده مبياخدش 5 دقايق بالظبط

**فتح الباب** · 06-01-2012 01:31 PM

المشاركة الأصلية كتبت بواسطة kholio

لو افترضت ان العيب في الحساس يبقى محتاج تنظيف بالاسبراي بس وهيرجع يشتغل زي الفل لكن مش هيبقى محتاج تغيير إن شاء الله وموضوع تنظيف الحساس ده مبياخدش 5 دقايق بالظبط

اوكى ياباشا يوم السبت سوف اذهب الى الميكانيكى لعمل التنظيف اللازم وسأوافيكم بما تم للافاده العامه واشكر حضرتك جدا وايضا اشكر جميع الاخوه الزملاء لمساعدتى