الموضوع: ترموستات الكوعه بتاعه السيينا

المشاركة الأصلية كتبت بواسطة misoalex

شكرا ليكم جدا جدا يا جماعه على الكلام المفيد ده

انا مشيلتش ترموستات الكوعه عشان اصلا لقيتها متشاله هههههههههههههههههه

انا فى ال 128 كانت مش موجوده وكانت العربيه مريحانى جدا ومره وانا راجع من القاهره الصبح بدرى فى الشتا كنت ماشى عكس اتجاه الهوا والموتور كان درجه الحراره عند الربع وكانت العربيه بتجرى وجابت 140 معايا
والمروحه من اول بوابات القاهره لحد اسكندريه مشتغلتش طبعا بس كانت بتلف من قوه الهوا اللى داخل ليها

اظن الخطر مش كبير اوى من شيل الثرموستات
بس الميزه الوحيده اللى انا شايفها انها حتخلى الموتور سخن على طول وبيستجيب للجرى والتسارع افضل واستهلاك بنزين اقل بسيط

بس الخطوره منها والمشاكل بتاعتها اكتر من ميزتها لانها لو علقت وانت ماشى فى طريق سفر ولا فى اى حته مش حتعرف تمشى بالعربيه خاااااالص لان الموتور حيجيب وش سلندر لو مشيت على كده

علي فكره ترموستات الكوع على سوسته لو باظت بتفتح مش بتقفل
اعتقاد خاطئ عند ناس كتير انها اما تبوظ العربيه هاتسخن و مش هاتبرد
و لكن العكس صحيح

المشاركة الأصلية كتبت بواسطة saadelden

علي فكره ترموستات الكوع على سوسته لو باظت بتفتح مش بتقفل
اعتقاد خاطئ عند ناس كتير انها اما تبوظ العربيه هاتسخن و مش هاتبرد
و لكن العكس صحيح

تمام اوى شكرا على التوضيح

انا بفكر اركبها فى اقرب فرصه

المشاركة الأصلية كتبت بواسطة hashiesh

أنا لسة عامل وش السلندر في مركز روكسان والميكانيكي قاللي شيلتهالك عشان العربية متسخنش

بس أكيد برده ليها هدف مهي فيات مش حطاها منظر .. نفسي أفهم بجد

مهو الهدف انها تحافظ على درجه حراره الموتور وتخليه سخن بأستمرار

وده مفيد اكتر فى الدول الاوروبيه لكن عندنا هنا فى مصر الجو مش بارد اوى زى عندهم وده غير فصل الصيف اللى ماشاء الله الحراره بتوصل ل 40 فى بعض الايام ومفيش نسمه هواء تبرد الموتور

على فكرة ,,, مقولة ان دي معمولة لاوروبا عشان الجو هناك برد قوي ,,, لكن الجو عندنا عادي,,, المقولة دي غلط شكلا و تفصيلا :) :)
لان انا خضت التجربة دي ,,, كان الثرموستات باظ ,, في العربية سخنت ,,, و الراجل اب الحلال قاللى لازم تشيلل الثرموستات ملهاش لازمة دي معمولة لاوروبا ,,, فشتلها ,,, بس لما بقيت بسافر بالعربية في الشتاء ,,, مع الهوا البارد طبعا ,, مؤشر الحرارة بقع خالص و بيبقى تحت الصفر كمان ,,,, انا قلت دي تهيسه ,,, لحد ما جربت و فتحت قربه الميه و حطيت ايدي فيها و الميه كانت سقعه ,,,, ده اكيد غلط للموتور ,,,, لان زي انتوا ما قلتوا الميه لازم تبقى في حدود 90 درجة ,,, فم بالك و الميه ساقعة