الموضوع: بونتو 2003

المشاركة الأصلية كتبت بواسطة syd

ياباشا احنا مش اتكلمنا عن البونتو في موضوعك التاني ؟؟؟

انا كذا مرة اسمع من كذا واحد انها مش بتاعة شقي وشغل وان موتورها لو اتفتح مرة مش بيرجع زي الأول

وبعدين 43 كتير اوي ادفعهم في بونتو الصراحة وكمان 2003

بجانب التدوير علي النت انزل السوق وشوف العربيات علي الطبيعة واسمع بنفسك الأسعار

وادخل قسم فيات واسأل هناك واعمل موضوع وحط فيه صور العربية واسمع اراء الناس الي راكبة نفس الموديل

والله المستعان
،
،

و الله يا جماعة مش عارف أشكركم ازاي على تعبكم معايا

أنا نزلت السوق امبارح و بصراحة يا رتني ما نزلت , 90% من العربيات اللي هناك رشة و حالتها تعبانة و الأسعار لا تتناسب على الاطلاق مع حالة العربيات و معظم اللي موجودين تجار

المشاركة الأصلية كتبت بواسطة himalking

و الله يا جماعة مش عارف أشكركم ازاي على تعبكم معايا

أنا نزلت السوق امبارح و بصراحة يا رتني ما نزلت , 90% من العربيات اللي هناك رشة و حالتها تعبانة و الأسعار لا تتناسب على الاطلاق مع حالة العربيات و معظم اللي موجودين تجار

من الآخر عشان تبقي علي اقتناع.. ماحدش بيبيع عربية غير عشان يجدد أو عشان عيب.
اللي بيبيع عشان يجدد بيقول قبل ما ينزل من البيت أنا حابيع العربية.. قبل ما يفتح الباب بيلاقي اللي بيشتريها منه (لو حالتها فابريقة بجد)
أما لو فيها عيب هي دي بقي اللي بيروحو بيها للسماسرة والتجار.
حاول تدور علي حاجة كويسة يكون حد عاوز يبيعها في مجال العائلة والصحاب.. وفي المستعمل ماتهتمش بنوع العربية قد ما تهتم بالكفائة. يا اما كدة يا اما حط اللي معاك مقدم عربية وقسط الباقي بس برضه ماتزنقش نفسك.

رجالة المنتدي , أنا قدامي عربية و أتمنى ما تبخلوش على أخوكو بالنصيحة

اوبل فيكترا موديل 1999 فبريكة من الداخل ورشة بلخارج , 200000 كم ,جميع الكماليات مانيوال 1600 سي سى , عفشة مجددة بلكامل فى التوكيل سرفيس حديث تكيف باور اربعة زجاج كهرباء, وحدات رفع مريات كهرباء ابى اس اتنين اير باج كاوتش تيوبلس حديث

و دي صور ليها
http://www.contactcars.com/Images/Po...340g7mg8jq.jpg
http://www.contactcars.com/Images/Po...340tgsjl3v.jpg
http://www.contactcars.com/Images/Po...340uumcvbj.jpg

هو طالب 48500 يا ريت تقولو لي رايكم فيها و هل السعر كده مناسب و لا غالي

المشاركة الأصلية كتبت بواسطة himalking

رجالة المنتدي , أنا قدامي عربية و أتمنى ما تبخلوش على أخوكو بالنصيحة

اوبل فيكترا موديل 1999 فبريكة من الداخل ورشة بلخارج , 200000 كم ,جميع الكماليات مانيوال 1600 سي سى , عفشة مجددة بلكامل فى التوكيل سرفيس حديث تكيف باور اربعة زجاج كهرباء, وحدات رفع مريات كهرباء ابى اس اتنين اير باج كاوتش تيوبلس حديث

و دي صور ليها
http://www.contactcars.com/images/po...340g7mg8jq.jpg
http://www.contactcars.com/images/po...340tgsjl3v.jpg
http://www.contactcars.com/images/po...340uumcvbj.jpg

هو طالب 48500 يا ريت تقولو لي رايكم فيها و هل السعر كده مناسب و لا غالي

أقولك بصراحة.. انت عاوز تشتري عربية وخلاص وبأسرع ما يمكن.. صح؟
48500 ايه اللي يدفعو ف عربية عاملة 200 ألف كيلو؟ وبعدين أساسا انت عندك نية تشتري عربية عاملة 200 ألف كيلو؟ ولو الراجل أقسملك انه ماعملش عمرة موتور وفعلا كلامه طلع صح.. حاتمشي بيها قد ايه عشان تدخل في عمرة موتور؟ وما أدراك ما عمرة موتور الأوبل..

المشاركة الأصلية كتبت بواسطة crayvor

أقولك بصراحة.. انت عاوز تشتري عربية وخلاص وبأسرع ما يمكن.. صح؟
48500 ايه اللي يدفعو ف عربية عاملة 200 ألف كيلو؟ وبعدين أساسا انت عندك نية تشتري عربية عاملة 200 ألف كيلو؟ ولو الراجل أقسملك انه ماعملش عمرة موتور وفعلا كلامه طلع صح.. حاتمشي بيها قد ايه عشان تدخل في عمرة موتور؟ وما أدراك ما عمرة موتور الأوبل..

بصراحة فعلا أنا عاوز أشتري عربية بسرعة , و خلاص قربت أيأس
محدش ياخد اللي معايا و يجيب لي أي عربية بمعرفته

يعني أصرف نظر عن أي عربية فوق 20000 كم؟

المشاركة الأصلية كتبت بواسطة himalking

بصراحة فعلا أنا عاوز أشتري عربية بسرعة , و خلاص قربت أيأس
محدش ياخد اللي معايا و يجيب لي أي عربية بمعرفته :copy of majd(4):

يعني أصرف نظر عن أي عربية فوق 20000 كم؟

أعتقد ان قصدك 200 ألف كيلو.. لأ طبعا ولا حتي 100 ألف. ممكن مثلا 110 ولا 120 ألف لو العربية من التسعينات.. بس برضه أنا معارض أساسا موضوع الموديلات القديمة.
لو قربت من الخمسين شوفلك كليو 2005 أو 2008.. بس برضه ماتلتزمش بالماركة بس الحالة هي اللي تحكم.
من الآخر يا فيه حد تعرفه عاوز يبيع عربية نضيفة وتوكل علي الله.. يا اما تشوف عربية عيبها مش كبير وزي ما حاتبيعها بسعر أقل زي مانت أساسا اشتريتها بسعر أقل.. يا اما الحل الأخير انك تشتري جديد وتريح دماغك.