يا جماعه العربيه اتحكت و مش عارف اعمل اايه

**devil_storm** · 30-12-2011 03:11 PM

المشاركة الأصلية كتبت بواسطة mahmoud_afifi

في كارفور و سبينيز ولو مش موجود في الاماكن دي ممكن تجيبه من الموزع نفسه.
العنوان :
مدينة نصر, أمام وندرلاند. هتمشي تخلي وندرلاند على ايدك الشمال وبعدين تلاقي مكتب مصر للطيران على ايدك اليمين على الناصيه وتدخل الشارع يمين. وبعدين اول شارع يمين في شمال (شارع الدكتور احمد محمد كمال). عماره رقم 16 على ايدك الشمال. المكتب في الدور الارضي.اسمهم الفرعونية للتجاره.

انا لما رحت هناك جبت شوية منتجات حلوه قوي. وفي برضه بوية بلون العربيه بس دي لازم تقولهم على كود اللون بتاعك وهما يجيبوه. بيبقى معاه ريشة تستخدمها. انا ماجربتهوش لسه بس شكله جامد جدا !

متشكر جدا على الوصف التفصيلى, انا من زمان بدور على محل بيبيع بويا بلون العربية او منتجات لازالة الخدوش... بجد كتر الف خيرك

**loshabih** · 30-12-2011 06:47 PM

طيب انا معايا فيرنا فيراني اللي هوا رصاصي ده بس في الرخصه فراني....العربيه كرهتها من كتر الحك والخربيش شكلها خنئني ممكن اعرف ازاي اجيب كود اللون بتاع العربيه وsontax ايه اقرب لون للعربيه وياتره الشركه بتبقي فاتحه جمعه وسبت؟؟؟
عفوا للاطاله

**mahmoud_afifi** · 30-12-2011 07:52 PM

المشاركة الأصلية كتبت بواسطة devil_storm

متشكر جدا على الوصف التفصيلى, انا من زمان بدور على محل بيبيع بويا بلون العربية او منتجات لازالة الخدوش... بجد كتر الف خيرك

تحت امر حضرتك, البويه دي مش كبيره يعني عبوة صغيره اكبر من عبوة طلاء الاظافر ونفس الفكره بتاعة الريشه. بس نصيحه حاول قبل ما تشتري اي منتج انك تاخد فكره عن المنتجات الموجوده الاول يمكن يكون في حاجه احسن من الي انا قولتها.

**mahmoud_afifi** · 30-12-2011 07:55 PM

المشاركة الأصلية كتبت بواسطة loshabih

طيب انا معايا فيرنا فيراني اللي هوا رصاصي ده بس في الرخصه فراني....العربيه كرهتها من كتر الحك والخربيش شكلها خنئني ممكن اعرف ازاي اجيب كود اللون بتاع العربيه وsontax ايه اقرب لون للعربيه وياتره الشركه بتبقي فاتحه جمعه وسبت؟؟؟
عفوا للاطاله

لو عاوز البويه يبقى تشوف كود اللون بتاعك من القايم الي عند باب السواق. ولو عاوز البوليش الي بنفس اللون يبقى مفيش مشكلة في موضوع الكود عشان العبوه تنفع لكذا درجة مرسومين على الغلاف. هجيب لحضرتك صورة ليه عشان اوضح قصدي.

**mahmoud_afifi** · 30-12-2011 08:00 PM

حضرتك هتلاقي تحت تدرج للألوان. في عبوات لباقي الالوان سواء ابيض بدرجاته واحمر بدرجاته وهكذا.
تقريبا لون حضرتك ممكن يكون موجود في العلبه دي.

**mahmoud_afifi** · 30-12-2011 10:15 PM

المشاركة الأصلية كتبت بواسطة loshabih

عاجز عن الشكر هوا فعلا نفس اللون الاخير او اغمق شويه
هيا العبوه دي بكام؟
وشكرا لتعبك معايا

تحت امرك يا باشا, كلنا بنخدم بعض
تقريبا في درجات تانيه للرصاصي. وبالنسبه للسعر بصراحه مش فاكر بس في حدود 60 - 70 !

**mahmoud_afifi** · 30-12-2011 10:17 PM

المشاركة الأصلية كتبت بواسطة khaled_bibo

شكرا ليكوا جدا يا جماعه و الحمد لله اللون راح بس اتبقت س\شوية خرابيش كده كأنها معموله بمسمار و الحمد لله على كل شئ و هسيبها بقى تاخد العين شويه لحسن الناس حواليا كلهم مستكترينها على الواحد

معلش ربنا يكفيك شر الحقد والحسد بتاع الناس.
وربنا يباركلك في عربيتك