تجربتى مع زيت شل هيلكس الترا

**mido_soliman** · 04-01-2012 02:06 PM

الفيسكو زيت كويس مش جيد
الكاسترول ايدج وليكوى مولى lite lauf دول الزيوت اللى اتمنى الناس تجربها
مفيش بخر وافضل كتير من فيسكو وشيل وموبيل على الرغم ان فيسكو نفس شركة كاسترول
انا استخدمت الفيسكو 5000اول 10000 فى العربية ومعجبنيش وبعدها استخدمت كاسترول ايدج واستمريت علية حتى غيرت الان لليكوى مولى وتقييمى لة لم يتحدد وان كانت النتائج مبشرة

**KoDaK_Gti** · 04-01-2012 02:56 PM

المشاركة الأصلية كتبت بواسطة mido_soliman

الفيسكو زيت كويس مش جيد
الكاسترول ايدج وليكوى مولى lite lauf دول الزيوت اللى اتمنى الناس تجربها
مفيش بخر وافضل كتير من فيسكو وشيل وموبيل على الرغم ان فيسكو نفس شركة كاسترول
انا استخدمت الفيسكو 5000اول 10000 فى العربية ومعجبنيش وبعدها استخدمت كاسترول ايدج واستمريت علية حتى غيرت الان لليكوى مولى وتقييمى لة لم يتحدد وان كانت النتائج مبشرة

انا بحط شيل اللى بيتغير كل 5 الاف ايه المقابل له فى الليكوى مولى وبيتباع فين ؟؟؟

**gassarian** · 04-01-2012 07:32 PM

المشاركة الأصلية كتبت بواسطة MMamdouh

النهاردة الصبح روحت نزلت الشيل و حطيت فلش و رجعت تانى للفيسكو (بقى ب250 جنية) و قررت كمان مجربش حاجة تانى فى موضوع الزيوت طالما الزيت اللى انا شغال بية مبشتكيش منة

MMamdouh

إنت ممكن تجرب الكاسترول إيدج الذهبي 5-40w أنا ماشي بيه للأن حوالي 4000 كم برضو بعد نفس القصة في صوت الكستبانات اللي معاك من غير كشف على حاجة لأني معرفش أكشف عليهم و كان مع موبيل XHP بعد 800 كم من التغيير بس رحت على طول منزله و غيرته لكاسترول إيدج بعد الراجل ما جابهولي مخصوص عشان مش موجود في الإسكندرية عندنا (موافي اللي في السيوف) و من ساعتها الحمد لله حتى في التسخين الصبح أحسن و أسرع 7000 مرة من الموبيل

**AutoTycoon** · 04-01-2012 11:17 PM

بصراحة شل بقى زيت تعبان اوي يا جماعة شوفوا مشاركتي دي:
http://www.nilemotors.net/Nile/3874027951-post84.html

**haggag80** · 05-01-2012 10:24 AM

المشاركة الأصلية كتبت بواسطة haggag80

يا باشمهندس ممدوح ..
انا متابع موضوع الزيوت دا باهتمام شديد عشان عربيتي مشيت 312 الف كيلو بزيت معدني لما شتريتها من 3 شهور وغريتلها عمود كامة بالكستبانات اول ما اشتريتها .. غيرت الزيت ببترومين الترا 7 بعد ما عملت فلش وكان اداؤه جيد جدا ولزوجتة جيدة بس من كتر الخوف على موضوع الكستيانات دا خاطرت وحطيت زيت شل الترا التخليقي من حوالي اسبوع وماشي كويس واتمنى اني اقدر استمر على الزيوت التخليقية ..
انا عارف انك بتستخدم فيسكو 5000 بس السبب اللي خلاني خايف منه انا لما دخلت موقع بي بي ملقيتهمش جايبين سيرة فيسكو من قريب او بعيد .. وكل كل الكلام عن كاسترول ونوع تاني اسمة أرال !!.. فهل هما كدا بطلوا ينتجوه عالميا ؟؟ عموما كنت عايز اسالك في الموضوع دا وادي المناسبة جت .. ومنك انت :)
لينك بي بي :
http://www.bp.com/productslistsearch.......Id=7013511

انا بعتذر على نظرية ( بطلوا ينتجوه عالمياً ) لاني لاقيت لينك تاني ليه تبع شركة بي بي

BP Visco 5000 5W-40 | BP Visco Engine Oil | API SL/CF Engine Oil | ACEA A3/B4 Engine Oil | BP

وان كنت مش فاهم ليه ميبرزوش كل المنتجات في الصفحة الرئيسية اللي جبت منها اللنك الاول

السؤال الأوحد لحضرتك دلوقتي ... ازاي فيسكو 5000 تخليقي ودرجة تصنيفة SL وطبعا هي اقل من اي زيت تخليقي في مصر SM او SN

دا حتى مصر للبترول والتعاون منزلين زيوت تخليقية SM
واللي اعرفه كويس بحكم اني شغال في مصر للبترول ان مفيش اي امكانيات في مصر تقدر تخلط زيت تخليقي وان اي زيت تخليقي اما مستورد في عبواته او بلك ومعباً فقط بمصر

يبقى ايه السر في ان فيسكو 5000 SL وهل دا مش ممكن يؤثر على الكستبانات عشان نقص الاضافة المسئولة عن حمايتها عن زيوت الـ SM

آسف ع الإطالة بس دايماً بنستفيد منك

**ramyraby** · 05-01-2012 11:47 AM

نفس التجربة دي حصلت معايا بالنص مع اختلاف الزيت انا بحط زيت كاسترول ايدج ولما حطيت الشيل حسيت صوت المكنه اعلى وصوت التكاهات ظهر عندي نزلت الزيت بعد اسبوع ورجعت للكاسترول تاني وكل حاجة رجعت زى الاول والحمد لله مشكور محمد بك ممدوح على نقل تجربتك وتقبل خالص شكر وتقديري لك يا محترم

**MOK3336** · 05-01-2012 12:25 PM

المشاركة الأصلية كتبت بواسطة MMamdouh

لما حطيت الزيت كانت 113 الف و لما نزل كانت 122 الف

طيب مبدئياً كده ايلي أنا اعرفه ان التخليقي غير مفضل للسيارات ايلي وصلت لـ 100 ألف

اسال عن عربيتى و انت تعرف...

أسأل عليها فين يا باشا و بعدين من غير ما أسئل كفاية انها عربيتك

معنى كدة انى بالف مثلا او بقول اى كلام؟؟...

أنا مقولتش كده يا عم و الله بس حاجة غريبة

يعنى استخلص من كلامك ان شل هيلكس الترا لا يصلح للعربيات اللى موتورها بحالة ممتازة و فايق و بيتعملة صيانات فى ميعدها و نسبة كبسة 10/10؟؟؟؟

إزاى يعني 122000 و كبس الموتور عندك 100% معلش أنا مش بحسد و الله بس قولي عملتها إزاى دي

**MMamdouh** · 05-01-2012 01:51 PM

المشاركة الأصلية كتبت بواسطة MOK3336

طيب مبدئياً كده ايلي أنا اعرفه ان التخليقي غير مفضل للسيارات ايلي وصلت لـ 100 ألف

دى معلومة غلط...

الزيت التخليقى ينفع اى محرك لسة حالتة الفنية كويسة و خلوض السبايك و البساتم فى الحدود المسموح بيها بغض النظر هو عدى 100 الف ولا لا

الزيت التخليقى مينفعش المواتير القديمة (انتاج السبعيانت و انت نازل) لان المواتير دى حتى و هى بحالتها الفنية المضبوطة بيبقى الخلوص فيها كبير و الزيوت التخليقية خفيفة بطبيعتها فا هيحصل تسريب للزيت الى غرف الاحتراق و هيبقى صعب الحفاظ على ضغط زيت مناسب فى الحالة دى

أسأل عليها فين يا باشا و بعدين من غير ما أسئل كفاية انها عربيتك

اسال عليها هنا... واحد صاحبنا اتعلم علية على الدائرى... و بعدها محرمش الا لما اتعلم علية فى المقطم

و دى طلعة صغيرة مع جوليت بمكنة 1600 (اللى يتفرج يقول ما شاء الله)

MMamdouh vs BoB - Lanos drag race - YouTube

أنا مقولتش كده يا عم و الله بس حاجة غريبة

هى بس غريبة لان محدش قالك قبل كدة ان فيه مشكلة حصلت معاه من الزيت... عشان كدة دايما الواحد بيقول "انا شخصيا محصليش مشكلة" او "كل اللى قابلتهم محصلش معاهم مشاكل" لان دايما فيه احتمال ان حد حصلة مشكلة و انت مش عارف بيها

إزاى يعني 122000 و كبس الموتور عندك 100% معلش أنا مش بحسد و الله بس قولي عملتها إزاى دي

انا مقولتش كبس المكنة 100%... اصلا مفيش عربية فى الدنيا كبسها 100% حتى لو زيرو... لازم بيبقى فيه نسبة هدر فى الكبس و دة طبيعى... المهم ان النسبة دى متبقاش كبيرة و الا تبقى المكنة مفوتة

انا قولت ان كبس مكنتى 10/10 و المقصود بيه ان الكبس نسبتة ممتازة بالنسبة لعربية عاملة 122 الف كيلو و بتستخدم استخدام عنيف شوية... دة لا يعنى ان الكبس 100% لان دة فنيا مستحيل

هو من الواضح ان الشل حصل فيه حاجة لان قبل ما اجربة كل اللى قابلتهم كانوا بيشكروا فية... و اول ما حطيتة بدات اسمع شكاوى من الناس... واضح انى انا اللى فقرى

MMamdouh

**mdgazy** · 05-01-2012 06:33 PM

الســلام عليكم ..
معلش يا جماعة أنا ليا استفسار بخصوص الزيت عشان الموضوع ده هيجنني ..
أنا معايا لانوس 2007 من حوالي سنة ( أول عربية ليا ) وماشية معايا كويس ولله الحمد
أول ما اشترتها حطيت شل الأصفر وغيرته بعد 5000 ك وحطيت موبيل xhp حسيت إن الشل كان أحسن بكتير
غيرته بعد 5000 ك برضه ورجعت للشل بس المرة دي بحس إن صوت الموتور عالي بالذات أول ما أدور العربية وبتحصل رجرجة كده لمدة دقيقة مثلا وبعدين تهدى .. وبحس كمان إن العربية المفروض يكون أدائها أحسن من كده لأن الموتور حالته كويسة والعربية عاملة 90000 ك.... المهم من أسبوع لقيت مسمار من المسامير اللي في الموتور من فوق دي ( معلش معرفش اسمها .. أنا لسه جديد ) مطلع زيت كده ... رحت للميكانيكي ربطه كويس بس برضه كان بيجيب زيت .. روحتله امبارح قاللي هاتلي جوان غطاء تاكيهات ولسه هروحله النهاردة إن شاء الله
أنا آسف جدا على الإطالة بس أنا عايز أعرف هل اللي حصل ده كله بسبب الزيت ؟؟ وتنصحوني بزيت ايه ؟؟
وهل زيت فيسكو اللي م.محمد ممدوح بيستخدمه ينفع معايا ؟؟ ولو ينفع أجين نوع ايه منه ومنين
وشكــــــــــــــــرا

-

الموضوع: تجربتى مع زيت شل هيلكس الترا

LinkBack

أدوات الموضوع

عرض

-

-

-

-

-

-

المواضيع المتشابهه

شيل هيلكس ألترا ليس أفضل من موبيل 1

شل هيلكس الترا - موبيل

شل هيلكس ولا فالفولين

هو زيت شل هيلكس الترا بيعد كام كيلو

سؤال عن تويوتا هيلكس النص نقل

الكلمات الدلالية لهذا الموضوع

المفضلات

المفضلات

ضوابط المشاركة