تم حجز الصيانه بمركز اوتو ايجيبت منذ امس الاول عن طريق الاتصال بمركز خدمة
العملاء 16666 العاشره صباحا وتم التأكيد من المركز فى الرابعه مساء.
وصلت المركز تمام العاشره صباحا وكان هناك فى الانتظار مهندس استقبال استفسر
عن وجود مشاكل بالعربيه وكانت هناك ملاحظتين بالسياره
تعليق السنتر للباب الخلفى
وجود دبدبه فى عجلة القياده من جهة اليسار
وبالنسبه لصيانة العشرين الف كيلو
الكشف الكامل على حالة السياره
تغيير زيت الموتور
تغيير فلتر الهواء
تغيير فلتر الزيت
تربيط العفشه
الكشف على تيل الفرامل
استلم المهندس العربيه واكد انها ستكون منتهيه فى حوالى الواحده والنصف
تم صرف بون ب 2 مشروب وباتيه

فاصل ونواصل
عند دخول المركز صباحا لمحت شابين مع مهندس وبيسلموه عربيه صنى وعليها
استيكر المنتدى سلمت عليهم واتعرفنا وكان دكتور محمد نبيه(M.Nabeh) والاستاذ حسين (sehsss)
طبعا سلمنا العربيات ودخلنا فى حوارات عن العربيات والمنتدى وقطعنا فى فروة عضو فى المنتدى قوى لانهم بيعزوه جدا ياترى هو مين؟
خلص الفاصل .......وسنواصل
الساعه واحده ونص كنا استلمنا العربيات وشيكنا عليها واتاكدنا من سلامة الصيانه والاصلاحات المطلوبه
نيجى بقى للحساب
تمن قطع الغيار = 272 تم خصم تمن فلتر الزيت وتخفيض 15% لنايل موتورز
مصنعيه = 243 مجانى
اجمالى المدفوع= 211 جنيه فقط لاغير

بعض الملاحظات

* مركز الخدمه ممتاز من حيث الاستقبال والاهتمام والمتابعه
* جودة العمل فى صيانة العربيه فاقت كل مراكز الخدمه والمستوى ممتاز جدا والفنيين
على درجه عاليه من الكفاءه
* تم استخدام زيت ليكولى مول وتم عمل غسيل داخلى للموتور
* نصح المهندس بعدم استخدام الاضافه الخاصه بزيت الموتورواضافة الفتيس
* تم غسيل السياره من الداخل والخارج بصوره جيده وغسيل الموتور ايضا

وبما اننا كنا بجوار كارفور ذهبنا الى هناك وخدنا جوله سريعه
وختمناها ب2 كشرى وواحد كريب

بصراحه اجمل مافى اليوم صحبة الاخوه دكتور محمد والاستاذ حسين