أركب نص قدماني ولا ابيعها كده ولا ممكن تتظبط

**amado318** · 30-12-2011 03:21 PM

انا غيرت النص وما فيش نيه للبيع اصلا الانوس عجبانى ومرتاح فيها ولو حصلت ظروف ميهمنيش انى اخسر فيها خالص غير انها علشان نصين ناوى العب فيها بس لما افضى ان شاء الله دة عن نفسى بس اصلاحها مش هيكلف كتير انا اشتريت نص قدمانى من غير رقم شاسيه 800 جنيه وغيرت رادتير 350 وسربنتينه 250 ومقصات الاتنين استعمال 250 وفوانيس تايوانى 125 للواحد ورفرفين الواحد 200 جنيه وكبوت 400 جنيه وخلصت على كدة وماشيه اخر حلاوة والحمد لله مكنتش صاحب الحادث صديقى الى عملها

**Karim_Monir** · 30-12-2011 03:57 PM

قدر الله وما شاء فعل
لو هاتركب كام سنة صلح واركب وتبقي ركبت بخسارتك فيها
لو هاتبيع خلال سنة بيع دلوقتي
بس مش هاتجبلك فلوس وهاتسمع ارقام توجعك بجد
01001263030
ده تليفوني
كلمني

**beckeryahia** · 30-12-2011 04:11 PM

العربية كدا تسوي 20000 , ولو هاتصلح هاتتكلف بتاع 6000 , لو هاتبيع بعد ما تصلح هاتسوي علي الاقل 33000 , يبقي التصليح في صالحك ب7000 جنية علي الاقل

**amado318** · 30-12-2011 08:48 PM

المشاركة الأصلية كتبت بواسطة beckeryahia

العربية كدا تسوي 20000 , ولو هاتصلح هاتتكلف بتاع 6000 , لو هاتبيع بعد ما تصلح هاتسوي علي الاقل 33000 , يبقي التصليح في صالحك ب7000 جنية علي الاقل

انا بقول كدة برضه

**shaddadfalcon1** · 30-12-2011 11:52 PM

حصلت لزميل ليا في الشغل من شهرين ودخل في رصيف علي الدائري برده وريح دماغه وباعها بحالتها
لو بعتها دلوقتي هتخسر كنيير ولو ركبت نص ولا ربع هتصرف كتيير ولما تيجي تبيع هتقول للمشتري وهتخسر كتيير وفي الأخر ممكن يكون السعر اقل من لو بعتها دلوقتي ولو كان اذيد كام الف اعتبرهم تمن البهدله واللف علي الورش والتدليل عليها عشان تبيعها

**shaddadfalcon1** · 30-12-2011 11:54 PM

المشاركة الأصلية كتبت بواسطة beckeryahia

العربية كدا تسوي 20000 , ولو هاتصلح هاتتكلف بتاع 6000 , لو هاتبيع بعد ما تصلح هاتسوي علي الاقل 33000 , يبقي التصليح في صالحك ب7000 جنية علي الاقل

زميلي كانت عربيته 2007 تقريبا وباعها ب 30 الف
وكان قدامي 2008 مغيره شنب والفجوه الشمال كانت علي 40 الف

**lad** · 31-12-2011 02:00 AM

بيعععععععععععع لو تقدر تجيب غيرها لو ناو تقعدها صلحها

**kwasfy** · 31-12-2011 03:52 AM

المشاركة الأصلية كتبت بواسطة MMamdouh

بيعها على كدة

مهو لو عملتها و حبيت تبيع اما هتقول للى بيشتريها انها مغيرة نص و هنا هتخصر فى تمنها كتير (زى بالضبط ما هتخسر فى بيعها و هى كدة)

او هتبيعها من غير ما تقول و دى حاجة مش صح

MMamdouh

باشا اشكرك علي الاستجابه و مساعدتي في المشكله دي .. انا ماليش في القصص دي بتاعة النصب فا اللي هاباأبيعله العربيه لازم هاقوله علي اللي فيها طبعا انا معاك ..

بس هوا في فرق لما أقول انها مغيره ربع او انها مغيره نص ..؟
و في نفس الوقت لو بعت علي كده ها تخسر كتيييير قوي

انا مش عارف اعمل ايه

**kwasfy** · 31-12-2011 03:55 AM

المشاركة الأصلية كتبت بواسطة egyptiandiver

أنا رأي من رأي أستاذ ممدوح، لو في إمكانية مادية بيع و جيب جديد و ريح راسك من المصاريف و الصداع و النتيجة مش مضمونة، و كدة كدة العربية خدمت 10 سنين و لو مكنتش فتحت بوأها يبئة كانت على وشك. ربنا يعوض حضرتك خير إنشاء الله أقهك أحمد سامي

بصراحه مافيش فلوس يا استاذ احمد ..
وكانت زي الفل