الموضوع: هيا الاسبيرانزا 516 موتور وحش !

المشاركة الأصلية كتبت بواسطة hemaa_82

بسم الله

بصو يا اخوانا ....
الفيرنا تقطع كل العربيات الي جبتو اسمعا في السرعة و التجميع ... بس فراملها مش علي قد سرعتها و صاجها خفيف و وزنها مش بيحافظ علي ثباتها مع اضافة ان عفشتها طرية مش رياضية و ده بيخليها مش علي قدر الثبات المطلوب لعربية بتوصل لسرعات عجيبة....و تقفيلها و صالونها اي كلام ... اختي عندها فيرناو علي طول بسوقهالها


اللانوس .... متورها مخنوق علشان الصمامات اقل ... بس العربيى افخم من الفيرنا من جوة ... و خاماتها انضف شوية بس تكنولوجيا قديمة بس كانت تكنولوجيا الماني و لو حاطط قطع الغيار الاصلي هيتعيش ...اثبت سنة من الفيرنا بس فراملها اسوأ...بس صوت مكنتها احلي "في رأئي" بس بتاكل بنزين عن الفيرنا

اللوجان ... افخم انضف ..موتور مخنوق زي اللانوس بس اعلي و متحكش في مطبات بس لبس السنين في قطع الغيار وامليكانيكية برة التوكيل... الله اعلم عن عمر المتور مهي لسة طازة نسبيا عن اللي فاتو

الاسبيرانزا "موتور 1600 تيجو=516=m11"
و
عاملة 6 سنين في مصر ... في كام متور ضرب من حجم مبيعات مهول زي ما كله عارف...سعر اعاده بيع في الحمام... تقفيل لا يتميز عن الفيرنا والانوس بس طبعا اقل من اللوجان...اداء اعلي من اللانوس واللوجان من حيث السرعة و التجميع "مع مراعاة الوزن" بس طبعا الفيرنا تحط علي ال3
فرامل تليق بمقطورة مش عربية ركوب
كماليات السنين
وسع و فخامة

لو هشتري و ابيع هركب فيرنا
لو هجيب لمراتي هجيب لوجان لحد ما تخلص ضمانها علشان متزعلش اني بجيبلها صيني و هبيعها بعد الضمان علشان ملبس في شغل برة الضمان
بس لما جيت اشتري جبت m11
بقالي سنتين و ربع ... جبت 200 كيلو في الساعة ... بغرز و تخييط مفيش الهوا
اكيد في مشاكل ... زجاج يعلق شربون يخلص
بس لما لانوس خبتطني من ورا كسرلي اكصدام بس و هوا جاب ردياتير و سدر و رفارف و مقص و كبوت

و مننساش ربنا لما وزع الارزاق كله معجبوش رزقه انما لما وزع العقول كله عجبه عقله ... ولولا اختلاف الازواق لبارت السلع

الله العظيم استاذ الرد ده يدرس فعلا عايز تشترى وتبيع بس يبقى فيرنا عايز حاجه تقعد معاك يبقى الاسبرنزا بس برضه عايز اقولك ان الفيرنا بياعه فعلا بس بر ضه سعر اعاده البيع نزل اوى عن الاول -----وشكرا على الراى السليم

المشاركة الأصلية كتبت بواسطة amado318

انا مش عارف انا ركبتها نص ساعه عفشه ناشفه والزارير تحس انها متلخبطه بس هوة الماتور كان حلو فعلا اى حاجه تانيه كانت غريبه غير ان الرؤيه مكنتش واضحه فيها خالص -والالذ من كدة ان العربيه كانت بتاع صديق وبات عندى سبت العربيه معشقه نزل يدور المارش اتحرق ودورناها زق وراح غيرة فى التوكيل وباعها واشترى لانسر وخسر فيها كتير

هههههههههههههههههههههههههه ههههههههه..والله العظيم انا بضحك على انت بتقوله انا حاسس انك بيجيلك خلم بالاسبرنزا تصحى تقوله لنا ومش فاهم اى كلمه عفشه ناشفه زراير متلخبطه ؟؟؟؟؟ عربيه متعشقه ؟؟ المارش اتحرق ؟؟؟؟ سمك لبن تمر هندى ياعم الله يخليك كفايه كده لحسن دماغى فوتت

استاذ /هيما كلامك تمام سليم سليم=====اسمحلى اقول ان موتور الاسبرينزا516 موتور قوى جدا جدا===117 حصان==2 كامة----عزم عالى جدا===لاحظ صعود الكبارى والمطالع بسلاسة بالرغم من تشغيل التكييف والتحميل======= واى عربة هتسخن هتكون الخونية بسبب نقص المياة ودة السبب الوحيد لرفع درجة حرارة مةتور الاسبرينزا-لان المروحة بتشتغل والعربية واقفة ومبطلةفالمشكلة دايما هتكون محصورة بين نقص المياة والزيت ودول بسبب العامل البشرى مش عيب فى العربية-----واى عربية هتنقص ميتها او هيقل زيتها موتورها هيقفش لو حتى مرسيدس او فولفو-----بس الجميل فى الاسبرينزا ال1600-ان موتورها لو اصابة اى ضرر يمكن استبدالة بموتور ميتسوبيشى لانسر -1600 كامة واحدة 102 حصان او ميتسوبيشى1500 2كامة 127 حصان او حتى موتور ميتسوبيشى 200 سى سى----- وممكن كمان تغير ااجيربوكس لجيربوكس ميتسوبيشى اوتوما تيك عادى او ايزى ترونيك===التجربة دى فى ناس عملتها وعرضتها فى منتديات للسيارات وبالصور----والتكلفة 8200 جنية تشمل (الموتور+ الجيربوكس+ الكارتة+ الضفيرة+ اللبدال + لوحة التابلوة+ كمبريسور التكييف=الزيت والسيور والمياة الخضراء+ مصنعيات التركيب)----فى اية احلى من كدة--بس الحل دة لما يبقى صاحب العربية يهمل فى المية او فى الزيت والموتور يقفش منة ---يبقى احسن لية يغير الموتور بموتور استيراد فبريكة عن انة يفتح الموتور ويشتغل فية مجموعة من ناقصى ومدعى الخبرة-----بالمناسبة--قواعد موتور وجيربوكس الm11/516 /تيجو 1600 هى نفس حجم وابعاد قواعد موتو وجيربوكس الانسر==يعنى التغيير بدون تعديل.