هيا الاسبيرانزا 516 موتور وحش !

**amado318** · 30-12-2011 01:20 PM

الانسر عربيه فوق الممتازة وماتور زى الفل حتى والله لو 1300 ممتاز برضه و1600 كنا ماشيين بيها 190 عادى جدا

**khaled_Saga** · 30-12-2011 01:21 PM

المشاركة الأصلية كتبت بواسطة amado318

كل العربيات معرضه للمشاكل دة انا شوفت عربيات زيرو ماتورها مفتوح بس انا بقه بكرة العربيات الصينى عقد نفسيه بقه بقه هنكر وهفضل اكرهها لحد عشر سنين قدام دة لو عشت يعنى--وهعمل صفحه كارهى العربيات الصينى على الفيس بوك---ملحوظه الكراهيه مش من فراغ عن تجارب لاصدقاء اسبرانزا وشيرى وجيلى

ليا سؤال من فضلك: حضرتك امتلكت اسبرنزا وركبتها فترة قبل كده؟
لو الاجابة لأ يبقى ارجح انك قبل ماتحكم لازم تكون مجربها وبالاخص تكون امتلكتها

انا مقدرش اقول البريليانس اللى الناس بتقول عليها تحفة صينية كويسة ولا لأ غير لما اركبها لانى زى ماسمعت من ناس انها تحفة سمعت انها زبالة والاكتر من كده انه كلام فنى شغال داخل مصنع المجموعة البافارية من سنين! ومقدرش اقول السيراتو او الالنترا الجديدة اللى معدية ال 130 الف حلوة ولا وحشة غير لما اركبها ..

تعرف حضرتك انى ركبت اللانوس (جولييت) لمدة سنتين قبل الاسبرنزا وحاليا معايا m11 بقالها 8 شهور واحب اقولك انه فرق ركوبة من السما لحد الارض بمعنى الكلمة!! اخويا معاه لانوس حاليا ولما بركبها اقسملك بالله بحس انى راكب خشبة وزاحف بيها على الارض ده غير تقل الباور (تخيل بقولك تقل باور اللانوس!!) غير الرعشة وعدم الثبات غير فقر الكماليات وغير انها يامت وقفت بيا وكسفتنى وياما جريت بيها على الميكانيكية والكهربائية والعفشجية ومكنتش بتأخر عنها فى اى حاجة لو فيها الهوا كنت بطلعه منها يمكن النقطة الوحيدة اللى صالح اللانوس هى العفشة الرياضية مقارنة بالاسبرنزا اللى عفشتها ناشفة وطبعا السبب بيرجع الى ان مساعدين الاسبرنزات على غاز مش زيت زائد رخص قطع الغيار وسهولة الصيانة ورخصها

تحياتى لك .. اللى قولته مجرد رأى .. والاختلاف لا يفسد للود قضية

**hugan** · 30-12-2011 01:35 PM

المشاركة الأصلية كتبت بواسطة nice_bird

اولا يا استاذ hugun دي مش فتاوي انا بتكلم عن حالتين شوفتهم وربنا هيحاسبني عالكلام اللي انا قولتو ثانيا انا مرضتش احكم عالعربية من الحالتين دول وقولت اشوف ارآء الناس عالمنتدي واشوف راي ملاكها منهم شخصيا ثالثا انا معايا الانسر وبسافر بيها كتير وبنبقي 5 في العربية وبشد بيها مع النتر ونوبيرا وماتريكس وعربيات كتير بصراحة ال 1600 كويس خالص معايا وكمان اوتوماتيك واكيد المانيوال هيكون اقوي

ياباشا انا مش قصدي عليك انت شخصيا
انا بتكلم في العموم وهي ان الكل بيفتي علي العربيه بدون معرفه
اي عربيه في الدنيا مهما ارتفع سعرها وجودتها مليانه مشاكل وسوؤ استخدام
ايه الضامن ان الحالتين اللي شوفتهم ناتجين عن سؤ استخدام لملاكها
دايما خلي الحكم والتقدير للناس
شوف كميه مبيعات العربيه في مصر ومدي انتشارها وانت تقدر تحكم علي مدي جوتها

مفيش حد حابب يرمي فلوسه علي الارض
لو العربيه فاشله ونزلت في مصر من 2006 يعني 5سنوات
هل ال5 سنوات مش كفايه علشان نقدر نحكم علي مدي جودتها
اكيد في راءي كفايه
مفيش حد بيدفع فلوسه الا لما يتاكد انها رايحه في المكان الصح
القياس علي التيجو وال 113 وال ام 11
وفرس الرهان الاكبر للاسبرانزا 516

**amado318** · 30-12-2011 01:37 PM

شوف انا معايا لانوس ومش ممتعه خالص فى القيادة بس اعتماديه جدا ثانيا انا ماشى 400 الف كيلو وكسور وعمرها ما وقفت بيا فى شارع ولا على طريق ولما جابت جوان فى العيد الى فات كان اول مرة الماتور يتفك ومتنساش الانوس تصميم اواخر التسعينات يعنى عربيه قديمه جدااااااااااااااااا وما فيهاش اى رفاهيه انما عمليه جدااااا بس معلش الانوس مش خشبه دى حديدة وحديده قويه جداا

**amado318** · 30-12-2011 02:04 PM

المشاركة الأصلية كتبت بواسطة khaled_Saga

اكيد تقصدنى انا بالكلمتين دول .. ماشى يا سيدى
اكيد جربت تمشى بيها فوق ال 120 قولى بقى ياترى ايه رأيك ف الرقص والرعش وصوت الونونة والترزيع والتخبيط لو هى حديدة قوية؟

زراعى 170 صحراوى 185 ومن غير تهديه فى الملفات السخنه 190 صلاح سالم 160 رقص ايه بس وونه ايه وترزيع ايه هوة حضرتك كنت راكب ايه بجد --خد يا عم لانوس ماشيه 250 ومرزعتش ولا رعش بس مع عربيه 300 حصان
Lanos 1.6 Turbo Vs Toyota Celica GT4 300hp - YouTube

**amado318** · 30-12-2011 02:11 PM

Lanos-210km/h - YouTube

Lanos 250 kmph - YouTube
ودى الانوس 1500 الى عندنا
Lanos 1,5 8V 190km/h - YouTube
المهم شوفت العربيه لا بتتنط ولا بتتفكك وانا هحطلك صورة العداد بتاعى 190 ان شاء الله وماشيه 400 الف كيلو

**khaled_Saga** · 30-12-2011 02:52 PM

المشاركة الأصلية كتبت بواسطة amado318

هوة حضرتك كنت راكب ايه بجد
Lanos 1.6 Turbo Vs Toyota Celica GT4 300hp - YouTube

توكتوك يا باشا

يا سيدى انشالله تحط صورة عدادك وهو جايب 250 مش دى القضية المهم كان اخبار الرقص ايه

الموضوع مش خناقة ولا مين احسن عربيتى ولا عربيتك هو مجرد نقاش المشكلة ان كل واحد مقتنع ان عربيته الاحسن وخلاص .. لكن بردو اللانوس جنب الاسبرنزا حمارة عارجة بس على رأى المثل حمارتك العارجة تغنيك عن سؤال اللئيم

اشوفكم بخير

**amado318** · 30-12-2011 03:00 PM

ههههههههههههههه والله انا عربيتى جنوط 14 وكاوتش 185-60 -14 ومساعدين اصلى مش المساعد ابو 110 جنيه والعربيه لازقه فى الارض بس عيبها الفرامل مش قد كدة غير كدة مرتاح فيها ولعلمك مرة كنت بغير المساعدين وغلطت واشتريت مساعد الواحد 110 جنيه العربيه كانت بتتنطط من على الارض رميتها وجبت من التوكيل ورجعت ميه ميه تانى======== وبعدين خناقه ايه احنا حبايب

**katoba** · 30-12-2011 08:44 PM

ياعم خالد متشغلش بالك والله .. الموضوع اساسا مش محتاج نقاش مع احترامى لاصحاب اللانوس الى هيا عربية محترمة ومغرقة السوق وعايشة من اواخر التسعينات لحد دلوقت بس صدقنى ياباشا ياصاحب اللانوس ياكاره الصينى وعندك عقد نفسية منه فده شىء طبيعى لان عمرك ماهتمتلك الفخامة ولا الشكل ولا الاوبشن ولاالثبات ولا الفرامل ولا حتى الصاج بتاع العربية الاسبيرانزا الصينى وصدقنى يامان بدون دخول فى جدال ملوش لزمة اصلا .. كل واحد من الى يمتلكوا الام 11 او ال516 كانت امامهم خيارات كتيرة من ضمنها اللانوس بتاعت حضرتك بس موديل 2011 كمان مش اواخر التسعينات ومعانا فلوسها لان الام 11 تفوقت عليها فى السعر وبكتير لكن كل واحد فينا بيدور على عربية محترمة تلبيله كل احتباجاته من المزايا الى قلتلك عليها مش يقولك اعتمادية وخلاص وبصراحة انا مكنتش حابب اتكلم على سيارات حد لان كل واحد من حقة يحب عربيته ويقتنع بيها بس حضرتك غلطت فينا وفى سياراتنا وهنا المفروض انى ارد عليك مع الاعتذار لكل ملاك العربية دى .. بصراحة وباختصار وكل واحد يؤيد او يعارض , العربيات الواطية وقريبة من الارض دى واللى صاجها ضعيف انا مبحبهاش ومتمناش امتلكها فى يوم من الايام ...