الموضوع: هيا الاسبيرانزا 516 موتور وحش !

اسمح لي الاخ العزيز شهدي
تقييمك لعمر العربيه الافتراضي واستلاهكها مش سليم
هاضرب لك مثالين موجودين في الشارع
العربيه السيات
وال 27 وبدايتها من التوب الي الفيورا وال 28
عمليا وهندسيا وكل اساليب المنطق والاجماع مفيش مقارنه بينهم وبين اي عربيه صيني ولا ياباني ولا هندي ولا اي عربيه من اي بلد في العالم
العربيات دي من ال سبعينا ت يعني تعدت ال 30 سنه
وطبعا مفيش شك ان اي عربيه جديده حتي لو صيني افضل منهم بمراحل كمواتير وفينش داخلي ومعالجه عيوب الشاسيهات المعروفه بيها ال 28 علي الاخص
ومع كل ما في العربيات القديمه من مشاكل ولسه شغاله
ومع كل ده نسمع النهارده عن ان العربيات الجديده حتي لو صيني عمرها الافتراضي 3 سنسن او 5 سنين
مش منطقي
بما انك راكب عربيه كوري
ارجع 15 سنه للخلف مع بدايه نزل الهيونداي والدايو في مصر سواء اكسنت او لانوس
كان كل من له درايه بالعربيات يقولك العربيات دي ورق كبيرها 2 سنين وتتفرم
وطبعا انت عارف النتيجه بالنسبه للهيونداي والكيا والدايو عامله ازاي في مصر
انا بصراحه ما شفتش اكسنت او دايو لانوس 1 بعد ما عدي عليهم 15 سنه شغل في مصر محتاجين اعدام لا عربيات ليها سوق ومطلوبه
اي عربيه في الدنيا ليها استخدام جيد وصيانه تعيش معاك
انما الدعوه الباطله اللتي لم اسمعها الافي نايل موتورز وانا عندي 40 سنه وباركب عربيات من 15 سنه
اعتماديه
اوروبي ولا ياباني ولا كوري
بصراحه ماسمعتهاش قبل كده
فكرتي ان كل واحد يحاول ان يبرر لنفسه المبلغ المدفوع في عربيته ويقنع نفسه انه علي حق
طبعا في فرق جوده مفيش حد يقدر ينكر ها لكن مش الفرق الشاسع اللي البعض يحوال انه يصوره علي انه الفرق بين السما والارض
مش معقول واحد دافع في عربيه 200000 جنيه ويلاقي عربيه ب 140000 مثلا ولو ان الفرق الرهيب في الاسعار مش موجود غير في مصر يلاقي مفيش فرق بين عربيه ام 200000 وعربيه اخري ويمكن اجدع من عربيته وب 1400000 جنيه لازم يدور علي مبرر يقنع نفسه والاخرين حوله ان الفرق يستاهل
للعلم في اوروبا فرق الاسعار بين الفئات لا يتعدي ال 3000 يورو بين عربيه كوري مثلا وعربيه الماني وطبعا انت عارف ان اليورو يعادل في قوته جنيه بس عندهم