بعض الاسئلة بخصوص جولف

**walids** · 30-12-2011 06:37 AM

السلام عليكم

كان معايا جولف 1 موديل 80 وكانت بصراحه عربيه روعه من حيث الاداء والسرعه وكل المواقف وطبعاً مشكلتها لأنها موديل قديم وقطع غياره مش متوفره زي الموديلات اللى بعدها فاتمرمت في تصليح وتغير لكن كان على قلبي زي العسل ..

دلوقتي انا عايز اجيب جولف 2 أو جولف 3 لكن لقيت الفتره دي ان الجولف 2 موديل 91 ناس بتطلب فيها ارقام عاليه عن اللى كنت بسمعها من سنه ونص مثلاُ 40 و 38 وكده مع اني صديق ليا اشتراها بـ 32 الف فبريكه من سنتين

معروض عليا جولف 1994 عليها مكنه 2000cc e2 صاحبها مركبه من 6 شهور تقريبا أولاً :

أنا مش فاهم الـ e2 دي تبقى ايه .. وهل الموتور ده كويس ولا لأ ..

العربيه فبريكه دواخل ..

هو طالب 46 هل ده سعر كويس ؟

طيب موديل 1997 سعره كام دلوقتي؟

يعني ايه VR6?

شكراً

**ahmedtunning** · 30-12-2011 10:58 AM

المكنه ال 2e هي 2000 سي سي و بتنزل عي الجولف 3 وقطع غيرها متوفره 115 حصان توب سبيد بتاعها 195 - 200 لو المكنه فايقه وممكن تجيب اكتر لو متسقط عليها فتيس ديزل 6 سرعااات لقدام وهي بتنزل علي الجولف 3 ستوك وفي ناس بتسقطها في الابيزا و الجولفات بموديلتها

المكنه ال vr6 هي 6 سليندر و 2800 سي سي بتطلع 170 حصان بس قطع غيرها قليله اوووي و غاليه بس مكنه جبااااااارة بمعني الكلمه والتوب سبيد بتاعها من 240 - 260 وفتيسها 6 سرعات لقدام و هي بتنزل علي الجولف 3 استوك وفي ناس بتسقطها في الابيزا و الجولفات بموديلتها

والحقيقة اسعار العربيات معرفهاش بالظبط عشان مفتيش

والمتورين دول انا اتعملت معاهم ال vr6 في الابيزا و جولف 2 كان فيها ال 2e