محتاج رايكم فى موضوع الفتيس عشان تعبنى اوى

**windofchange** · 03-01-2012 02:39 AM

نزل زيت الموتور فورا وحط زيت فتيس مانيوال عادة ودرجة لزوجته خفيف وهي متنوعة وشوف الكتالوج بيقول ايه وامشي عليه اعتقد عندك زي مافرحات باشا قال 75W 90 يعني لزوجته فال winter يعني والعربية بارد الصبح 75 او ماتسخن شويه يتقل ويبقي 90 وده متعدد الدرجات نزل زيت الموتور فورا وحط الزيت اللي لزوجته فوق عندك وهتلاقي عند بتوع الزيت او البنزينات وهات نوع يكون لزوجته زي كده شيل او اسو شل اللي موجود وشفته 80W 90 وممكن تجيب اضافة زيت الفتيس العادة من ليكوي مولي ب55 جنيه في شارع دمشق مصرالجديدة لهم فرع وادخل علي موضوعهم فالمنتدي عام واعرف اماكن باقي الفروع,,,ايهاب

**ahmedelfeky** · 03-01-2012 02:38 PM

المشاركة الأصلية كتبت بواسطة farahat

الزيت الابيض والاحمر دول زيوت هيدروليك ، بتوع الفتيس الاوتو ، لكن حضرتك بتسأل على زيت مانول! ، ولا أنا فاهم غلط ؟

لو زيت فتيس مانوال بيكون 75w90 ، لكن ذي ما قولتلك قليلاً ما هتلاقي حد أصلاً عارف لزوجة زيت الفتيس إلي عنده .

كلام حضرتك صح انا بدور على ....l 75/w90 gl-4 بس مش لاقى الزيت ده فى شيل والموزع بيقلى مش موجود اصلا مش عارف ايه الحل

**ahmedelfeky** · 03-01-2012 09:35 PM

انا لسه جاى من بره ونزلت زيت الماتور وحطيط زيت شيل 80w/90وان شاء الله بكره اطلع اجرب والعربيه تكون بارده يارب يكون بقى كويس

**ahmedelfeky** · 04-01-2012 04:32 PM

المشاركة الأصلية كتبت بواسطة farahat

ربنا يكرم إن شاء الله ، و نصيحة لو طلع كويس معاك و سعره مكنش غالي أقوي ممكن بعد ما تمشي بيه إسبوعين كدة تروح تنزله تاني وتحط على نضيف ، عشان يكون القديم لف في الدورة حقلها ويشيل معه بواقي زيت الموتور وأي حاجة داخل الفتيس وتبتدي على نضيف ، وإن شاء الله يعيش معاك ييجي 100 ألف كمان بدون قلق

ان شاء الله انا ناوى اجربه شويه وانزله لو كويس ححط من نفس النوع تانى لو مش تمام ححاول اجيب من بره الزيت الى بدور عليه

**ahmedelfeky** · 02-07-2012 02:48 AM

أنا حطيت زيت فالفولين سعره 75 جنيه تقريبا للتر وانا جبت 3 لتر موصافاته كالتالي
API GL4
75/90
وبصراحه الفتيس ظبط بعديها تمام وكان الكلام ده قبل الصيف مايدخل لانه طبيعي في الصيف المفروض المشكله دي ماتبانش مهما كان نوع الزيت والغيارات كلها بقت ناعمه
عامه انا اللي بسطني اكتر اني لما كلمت وكيل فالفولين بعتولي الزيت لحد البيت تكلفه الشحن 10 جنيه بس ورحموني من مشوار القاهره

واسف ع التأخير