مشكلة عداد البنزين فى الصنى

**Youssef.Awad** · 02-01-2012 12:59 AM

المشاركة الأصلية كتبت بواسطة eng:mohamed

للأسف قصة إن التانك بينور عند 10 أو 13 ليتر ده كلام يختلف عليه.
لأني كنت راجع مره من طنطا.و اللمبه نورت و مشيت حوالي 4 كم أول منورت.
و فولت العربيه..أخدت 42.4 لتر !!!!!!!!!
ملحوظه تانك العربيه 44 لتر بالظبط.و دي من الكتالوج.!.!
أما عن موضوع العوامه..الإشاره كهرباء و المؤشر بيديك القراءه المستقره..يعني اللي العوامه بتثبت عندها حوالي 15 ثانيه..عشان المؤشر ميفضلش يرقص منك عند مطبات أو حاجه..

المشاركة الأصلية كتبت بواسطة eng:mohamed

معلش..قصدي 50 التر.......الكلام مضبوط فعلا...أنا اللي تداخل عليا موقف في العربيه التانيه

تانك النيسان صنى 50 لتر واللمبة لما تنور بيكون فيه مش اقل من 10 لتر
وانا شخصيا مشيت بتفويلة 600 كم وفولت تانى خدت منى 48 لتر لحد الزور
وبالنسبة لأنها خدت عند حضرتك 42.4 لتر اكيد كان فاضل كمان 3-4 لتر بعد ما المسدس يفصل العامل بيرفعه ويتكتكه لحد ما يجيب آخره

**Amr2004IBM** · 02-01-2012 03:32 AM

لا تقلق يا عزيزى كلنا كده وده منطقى لان المؤشر بيديك معلومه تقريبيه مش دقيقه وده كويس علشان بينبهك قبل ما تخلص البنزين وخلى بالك ان المؤشر ده متصل بكومبيوتر السياره وليس متصل بشكل مباشر بالتنك زى السيارات القديمه حتى هتلاقى السيارات القديمه زى ال504 الى كانت معايا كان مؤشر يرقص مع العوامه لما اخد مطب
وعلشان تطمن وانت بتفول
1- اطفى الموتور الاول ( وده الصح علميا و اكثر امانا )
2- خلى العامل يفولهالك براحه لحد الزور
شغل الموتور واستنى نصف دقيقه هتلاقى المؤشر بقى فوق علامه التفويل
وخلى بالك كل مره مش هتفول لحد الزور ( عادى) المؤشر هياخد وقت علشان يوصل لعلامه ال full او اقل حسب الى بيفوللك وانته ورزقك..