الموضوع: عاوز اغير للشكل الجديد

المشاركة الأصلية كتبت بواسطة ahmed_lol2007

طبعا لا كلام يذكر بعد كلام فادى باشا
أحب أنبه على حاجة معينة ف الفيتيس الأوتوماتيك
لمبة الفيتيس اللى تحت الساعة بتنور 3 ثوانى أما بتفتح الكونتاكت وبعد كدة بتطفى
لو منورة على طول يبقى الفيتيس فيه عطل إبعد عنها نهائي ياما تخلى صاحبها يصلحلك المشكلة
ونصيحة بردة لما تيجى تشترى أى عربية أوتوماتيك ..................... لازم تجرب الكيك داون بتاع العربية وفى الفيكترا الكيك داون كهربا
وإنت ماشى عادى وبسرعة متوسطة يعنى الrpm على 2 مثلا زود بنزين حبة حلوين مثلا لغاية 4 أو 4.5 هتحس بشدة الكيك داون وسحب العربية هيزيد هتحس إن العربية قلبت طيارة
لكن لو لقيت الكيك داون بتاع العربية أى كلام أو السحب مختلفش أوى والاهم بقى لو اللمبة بتاعت فحص الفيتيس نورت وإنت بتعمل الكيك داون يبقى العربية دى شكرا كدة أوعى تأخدها

باشا الف مليون شكر على ردك ليا وربنا يباركلك . ولو انى ولامؤاخذه لسه مش فاهم يعنى اية كيك داون . اصل اخوك بعيد عنك 95 مانيوال 1600 . والحاجات الحديثة دى منعرفهاش

المشاركة الأصلية كتبت بواسطة mmamdouh73

انا زى حضرتك عاوز اغير للشكل الجديد فهل ممكن اعرف حضرت حتبيع عربيتك بكام

باشا انا لسه بفكر وانا من ساعة اما اتقرصت بقيت انفخ فى الزبادى يعنى بدور واسأل واشوف . اما مسألة البيع دى فلو نويت فامش هايهمنى السعر لانى هابقى عايز اخلص . ولسه الموضوع قدامه شوية .

المشاركة الأصلية كتبت بواسطة tananybasha

فادى قال المفيد
وربنا يوفقك

يا محمد انت الخير والبركة وربنا يخليك لينا انت وفادى وكل الرجاله الحلوة اللى مش بتتاخر على اى حد حتى لو على حساب راحتها . ربنا يبارك فيكو

المشاركة الأصلية كتبت بواسطة waoola_78

باشا الف مليون شكر على ردك ليا وربنا يباركلك . ولو انى ولامؤاخذه لسه مش فاهم يعنى اية كيك داون . اصل اخوك بعيد عنك 95 مانيوال 1600 . والحاجات الحديثة دى منعرفهاش

ياباشا إحنا إخوات وتحت أمر حضرتك ف أى حاجة
الكيك داون اللى هو تسقيط نقلة يعنى مثلا تنزل من التالت للتانى أو من التانى للأول
وبردة على حسب قوة الدوسة على البنزين لانى مرة كنت بجرب الكيك داون أول ما جيبت العربية
وكنت لسة على أول الغيار التالت كان rpm تقريبا على 1.6 دوست تكة بسيطة على البنزين نزلت للغيار التانى والrpm وصل 3.2 تقريبا فزودت دوسة على البنزين كمان سنة لحد 4.6 الى 4.8 لقيت العربية نزلت للأول (إتفاجئت ساعتها إن العربية نزلت للأول ) بس كنت حاسس إن العربية بتطير من كتر ما صوت الموتور عالى بس عزم العربية تحس إنه بيخطف قلبك لكن سرعة زيادة مفيش
عشان كدة بقول لحضرتك إن الكيك داون ف الفيكترا كهربا لما تجرب تعمل الكيك داون تحاول تسقط نقلة واحدة وتشوف سحب العربية مع الكيك داون