الموضوع: عاوز اغير للشكل الجديد

ربنا يكرمك..
-هتدور علي فيكترا بي 1 من 96 الي 99 موتور 2000 سي سي
-السعر حسب الحاله بس لو بتتكلم في حجه ماحصلتش وفابريكه بره وجوه يبقي في حدود 48 الف
-تكشف عليها في مركز صيانه محترم ولازم كل حاجه تكون بتشتغل واولها التكييف والايه بي اس غير كده ماتاخدهاش الا لما صاحبها يصلحهم
-وانت بتفتح الكونتاكت تاكد ان كل اللمبات البيانيه بتنور وتطفي بعد 3 ثواني واهمها لمبه فحص المحرك ولمبه الفتيس (s)
-اجري بالعربيه وشوف الفتيس بينقل عند كام ار بي ام ؟الطبيعي من 3 الي 3,5
-راقب الحراره والمروحه بتشتغل عند كام واكيد انت استاذ في ده
-دور الموتور وافتح غطا الزيت وشم ريحه البخار اللي طالع لو ريحته عادم زي الشكمان يبقي الموتور بيهرب كبس والمكنه خفيفه
-الشكمان ممكن تعرف منه حاله الموتور .اكبس بايدك وشم ريحه الحرق ولون العادم المفروض يبقي عديم اللون ومن غير هباب وتلاحظ حركه البساتم ال4 في دفعات الشكمان..استني راي اخواتنا برده وربنا يوفقك

48 الف هي الحاله التوب وطبعا ممكن تلاقي موديلات اعلي
سواقه الاوتوماتيك سهله ,بشكل احترافي الغي رجلك الشمال كانها مش موجوده ووسطن رجلك اليمين علي الكعب بين البنزين والفرامل لتزويد السرعه او التهدئه والتوقف ضع الفتيس علي حرف ان للتحرك للامام والدي للخلف والبي للتوقف بس كده