تقرير رائع
رقم العضوية : 46223
تاريخ التسجيل : 05Sep2009
المشاركات : 614
النوع : ذكر
الاقامة : Sharkia
السيارة: ربنا يبعت
السيارة[2]: sunny2009
الحالة :
بسم الله الرحمن الرحيميوم بدا بنكد وبعدين قلب زي العسل
اسف عالعنوان بس فعلا اليوم بدا معايه بشويت احداث غريبه
اول حاجه اصحي من النوم 5:30 وانام تاني وصحي 7 فااااصل
الحمدلله ربنا كرمني بصديقي محمد عطيه ووافق يجي معايه يونسني طول السكه
حوادث تقشعر لها الابدان طول السكه لما الواحد بقي ماشي مرعوب
وصلنا المركز بدون توهان الحمد لله 9:30 نزلنا كان في استقبالنا الدكتور ايهاب وسلمت العربيه للولد اللي واقف وهو لوحده بيستلم ويحط الدواسه والكيس عالكرسي ودخلت عالاستقبال اداني رقم وبعدين جالي المهندس محمد رفاعي واخد مني الرخصه وشويت بيانات عن العربيه
وهنا المفاجاه الكهربه قاطعه
الساعه 10:30 الناس زهقت وبدات تسال هي الكهربه هتيجي متي
الساعه 11:00 بدا المهندسين في المركز يلفوا علينا وعالناس كلها يخيرونا ياما نستني للساعه 1 لما الكهربه تيجي او ناخد عربياتنا ونمشي
وهنا معظم الناس بدات تمشي ماعدا الصقور اللي ثبتوا
وهنا قررنا نشد علي كارفور
في الطريق قلت لعم حسام زكي اتصل علي احمد يشرحله الموقف عشان لو كان جاي ميتخضش اننا مش موجودين في المركز وقد كان
وهنا كانت نقطة التحول
انا كنت متصور ان احمد ممكن يضغط لنا في خصم او في وقت او في خدمه
لكن انه يضغط عالكهربه انها تيجي ديه جديده
الراجل ده سره باتع بركاتك ياعم احمد
وجاء الاتصال من المهندس ان الكهربه جت
تاني اتصال من المهندس العربيه محتاجه تيل امامي وطناااابير
انا رديت طيب انتوا خلصتوا كل حاجه قلي الموضوع ده بس هو اللي فاضل قلتله استناني لما ارجع
ورجعنا بعد لما بعتولنا الميكروبص عالمول ورحت للمهندس وقلي ان الطنابير فيها ريجه والتيل محتاج تغير قلتله ماشي اشوفها قلي استني لما العربيه تدخل تاني بقي واستنيت كتير
ودخلت العربيه ورحت اشوف لقيت التيل فعلا محتاج يتغير والطنابير فيها ريجه
واقترح عليه احمد امام المهندس اني امسح الطنابير بالجهاز الجديد ووجدت ان الفرق بين المرتفعات والمنخفضات في الطنبوره ممكن تروح بمسحه بسيطه مش خراطه يعني
والحمد لله الطنابير رجعت زيرو
السؤال بقي كانوا فين بتوع السبع لما التيل بدأ ياكل في الطنابير ؟؟؟؟؟؟؟؟؟؟
نبدا من الاول
1-تغير زيت موبيل 1
2-تغير فلتر الزيت مجانا
3-تغير البوجهات
4-تغير زيت الباور ستيرنج وده موضوع معقد مش هعرف اشرحه عشان هم غيره من غير مايفضي الخزنه واخدوا من اللتر اللي كنت جايبه 300 ملي فقط ومدير الصيانه احمد الرزاز وده راجل قمه في الاحترام والذوق شرحلي ان ماينفعش نفضي الخزنه لاسباب معقده
5-تغير كوتشة تراب 150 بالمصنعيه
6-تغير التيل الامامي 300 جندي
7-مسح الطنابير ب105 جندي
8-طبعا التربيط عالعفشه بصراحه العفشه اتحسنت كتير مع ملاحظت ان مستوي المقصات عندي في رايهم متوسط وحالة الكوتش سيئه غير كده العربيه حالتها جيده
نيجي بقي للمشكله اللي ماتحلتشي
كنت جايب معايه زيت تروس علاشن اغير زيت الفتيس المانوال
المهندس فاجاني انه مش هاينفع طب ليه قلي عاشان في احتمال ان لو فكانا الطبه دي مانعرفشي نربطها تاني علشان ممكن تفوت والطبه مش موجوده حاليا في قطع الغيار ولا المخرطه موجوده لو في عيب في الكرتيره نفسها
المهم قلنا ناجل للصيانه القادمه تكون الحجات توفرت
الانطباع العام عن المركز جيد جدا
الانطباع العام عن الصيانه جيد جدا
نيجي بقي للصقور اللي كانوا محتلين المركز ومنورين ابو رواش كلها
والله اني احببتكم في الله
د/يوسف حبيب الملاين شكرا لذقك وحسن ادبك
د/ايهاب اللي يعرفك لايمكن ينساك بس اهدي شويه في السواقه
عمي حسام زكي داحنا طلعنا بلديات في انتظار زيارتك
ا/ ايمن الهادئ المبتسم
ا/ سامح وtogo واحمد عمر
ا/ احمد رحيم اللي جه مخصوص علشان يشوفنا ويقعد معانا وراح معانا كارفور
وطبعا الكبير قوي عمنا احمد مصطفي اللي يصراحه اشفق عليه من المجهود الجباراللي بيعملهلنا لله مهما قلنا مش هنوفيك حقك
طبعا ياجماعه احنا اتعملنا خصم 100%علي مصنعيات الصيانه الدوريه وعلي فلتر الزيت واخدنا خصمات 15%علي قطع الغيار و10% علي مصنعيات الصيانات الزياده زي مسح الطنابير
المهم الفاتوره كانت في الاخر 642 يمكن انا اكتر واحد دفع في الصيانه دي
انا عارف ان التقرير ممل وطويل بس اتمني اكون افدت اي حد بيه وكون وفيت كل واحد حقه
والحمدلله رب العالمين
رقم العضوية : 106953
تاريخ التسجيل : 07Jul2011
المشاركات : 1,420
النوع : ذكر
الاقامة : CAIRO
السيارة: NISSAN SUNNY 2011
السيارة[2]: Dogan 94
دراجة بخارية: no
الحالة :
تقرير رائع
أوعاااااا الكلبش يعٌضك
رقم العضوية : 3848
تاريخ التسجيل : 25Dec2007
المشاركات : 3,011
النوع : ذكر
الاقامة : Heliopolis
السيارة: ربنا يبارك في الاولي
السيارة[2]: Mazda 3 - 2008
دراجة بخارية: لا امتلك
الحالة :
ماشاء الله علي التظبيط ياعم خالد و الشغل التمام و التقرير التحفه ده
مبروك ياباشا
بس ياريت توصحلي بقي المهندس احمد قالك ايه علي موضوع الزيت الباور بالتفصيل الممل
رقم العضوية : 30571
تاريخ التسجيل : 20Jan2009
المشاركات : 5,542
النوع : ذكر
الاقامة : EGYPT
السيارة: Toyota Corolla 1996
السيارة[2]: Nissan Sunny 2OO9
دراجة بخارية: I Don't Like It
الحالة :
تقرير رائع يا خالد باشا و الف الف مبروك الصيانة و عقبال صيانة الـ 500000 كيلو ان شاء الله
انا بس كنت عايز اعرف هي عربية حضرتك عامله كام كيلو ؟؟؟
مبروك مرة تانية
رقم العضوية : 46223
تاريخ التسجيل : 05Sep2009
المشاركات : 614
النوع : ذكر
الاقامة : Sharkia
السيارة: ربنا يبعت
السيارة[2]: sunny2009
الحالة :
تحت امرك ياباشا
الله يباركلك ياعم وليد
بالنسبه لموضوع زيت الباور هو زيه زي موضوع زيت الباكم اللي انت غيرته
ماينفعشي تفضي الخزنه سواء في الباور اوالباكم لسبب علي قد فهمي ان دخول هوا في دورت الزيت ممكن يضرب الجلد والالسلات فبيقوموا مغيرين الزيت اللي في مكنه الباور وده كان 0.3لتر فقط
الله يخليك يابيشو ياحبيبي
والله احنا بس بنتعلم منك ياريس
اعتقد انا لما وصلت المركز كانت العربيه عامله 59605 كلم
واناكاتب عنوان الموضوع صيانة 60000 الف لو كان ده قصدك
معلش فوتها خليها 60 الف بس
رقم العضوية : 49924
تاريخ التسجيل : 15Oct2009
المشاركات : 361
النوع : ذكر
الاقامة : القاهرة
السيارة: صني ex اتوماتيك مو2010
السيارة[2]: فولفو 940 مو 1993
دراجة بخارية: لا
الحالة :
احبك الله الذي أحببتنا فيه
الف مبروك يا خالد باشا على الصيانة وعقبال صيانة المليون وكان لي الشرف إني اتعرفت بيكم كلكم
هل حضرتك لاحظت تحسن في أداء الفرامل بعد مسح ريجة الطنابير ولا مفرقتش
سبحان الله وبحمده ، سبحان الله العظيم
سبحان الله والحمد لله ولا إله إلا الله والله أكبر ولا حول ولا قوة إلا بالله
رقم العضوية : 72112
تاريخ التسجيل : 02Jun2010
المشاركات : 6,052
النوع : ذكر
الاقامة : الجيزة ... المنوفية
السيارة: Duster E2-Terios
السيارة[2]: Nissan Sunny-Tiida
دراجة بخارية: هوندا اليت
الحالة :
ألف مبروك يا باشا على الصيانة .. كان نفسي آجي عشان أشوف الناس الحلوة ديه واللهِ بس عندي امتحانات .. خد بالك يوم السبت أنا قلت النور هيقطع و طلع كلامي صح هههههههههههه سبحان الله .. طبعا ده بسبب عين بشوي بيه هعهعهع
رقم العضوية : 50578
تاريخ التسجيل : 21Oct2009
المشاركات : 790
النوع : ذكر
الاقامة : el menofia
السيارة: SUNNY ex 2010
السيارة[2]: sunny+ mazda
دراجة بخارية: no
الحالة :
الف مبروك وعقبال صيانة 600000
رقم العضوية : 18439
تاريخ التسجيل : 09Sep2008
المشاركات : 8,548
النوع : ذكر
الاقامة : حدائق الاهرام
السيارة: بولو 99
السيارة[2]: تيدا 2009
دراجة بخارية: honda
الحالة :
اولا بحييك على التقرير المفصل والقوى ده عن انطباعك الشخصى .. عشان فعلا محتاجين تقريركم عشان نقدر نعطى الانطباع الصحيح
فعلا الناس قمة قمة فى التعامل الراقى .. وكمان كبداية قايمين بشغلهم على اكمل وجه .. وفى الصيانات ممتازين
وان شاء الله مع مزيد من الخبرة والاستمرارية فى التعامل بالاسلوب ده .. حنسمع عنهم سمع خير .. وحيكونوا افضل مركز خدمة بين التوكيلات عموما
وبعدين انا معلمتش حاجة يا خالد بيك .. لا شكر على واجب .. الواحد كان سعيد جداااااااااا انه كان معاكم .. وشاف المجموعة الحلوة من صقور نيسان
وتسلم ايدك مرة تانية على التقرير الوافى القوى دى
وعقبال صيانة المليون
محرر فى دعم اتخاذ القرار بوزارة الاعلامقليل المشاركة فى الموضوعات والرسائل الخاصة لانشغالى بالعملبرجاء الاتصال بى : 01288814049
رقم العضوية : 108530
تاريخ التسجيل : 25Jul2011
المشاركات : 7,215
النوع : ذكر
الاقامة : القاهرة
السيارة: NON
السيارة[2]: نيسان صني
دراجة بخارية: لا يوجد
الحالة :
مبروك ياباشا على الصيانة والتقرير رائه فعلا ومفصل
المفضلات