الموضوع: تقرير استثنائى ومصور عن صيانة ال60.000 كم فى مركز خدمة اوتوايجيبت - ابو رواش (حصريا)

المشاركة الأصلية كتبت بواسطة bassamhafez

تقرير رائع

والاروع بصراحه موضوع منظف الانجيكشن ده

يا تري هو المفروض يستخدم كل قد ايه عشان ما ياثرش على حاجه في العربيه عشان انا عامل 26 الف لحد دلوقتي فهل ممكن استخدمه ولا استنى شويه عشان احس بفرق

شكرا بسام .. عن نفسى دى اول مرة استعمل فيها منظف انجكشن من اول الزيرو وناوى اكررها باذن الله كل 40 الف كم
ومكتوب على العبوة ان تأثيرها يكفى ل2000 كم و70 لتر بنزين

المشاركة الأصلية كتبت بواسطة sedyrohy

تقرير فعلا استثنائي
فعلا غير اعتيادي
الله ينور عليك و عقبال صيانه المليوووووووووووووووووووو ووون

ربنا يخليك يا زيزو .. هو ده حاجة جنب تقاريرك وصورك بتاعت التعديلات tunning

المشاركة الأصلية كتبت بواسطة fbiahmed

مبروك يا دوك و عقبال صيانة ال 100000 ان شاء الله

الله يبارك فيك يا ابو حميد واوعى تزعل من كلامى طبعا ده هزار

المشاركة الأصلية كتبت بواسطة ahmed.tv

تقرير اكثر من رائع ومنظم يا يوسف بصراحة

وده افضل تقرير صيانة اتعمل .. منظم جدااا ومفصل بطريقة سهلة

مستنين منك مزيد من التقرير

وبخصوص اى حاجة ناقصة فى الموضوع .. ابعتلى الناقص وحبعت للادارة تحط الناقص وتنسقه

والحمد لله ان الصيانة تمت على خير .. والعربية فل وتمام

وربنا يباركلك فيها

ومرة تانية بسجل اعجابى الشديد بسردك للاحداث وبالعرض المنسق للموضوع ..

واعتقد موضوع تغير الضفيرة بردوا يا يوسف ليه تاثير على حالة البوجيهات .. والله اعلم

اصل بستبعد موضوع المنظف

على العموم خاليك متابع ونجرب ونشوف ايه الاخبار .. ونشوف الدنيا فيها ايه

الف مبرك وعقبال صيانة المليون مع نيسان

الله يبارك فيك يا ريس ومشاركتك وتعليقك ده وسام على صدرى وشهادة اعتز بيها لأنه انت الوحيد يا ابو حميد اللى عارف الوقت والجهد والتفكير المبذول عشان موضوع زى ده يطلع للنور بعد يوم واحد من الصيانة
والموضوع كده بقى تمام ومزبوط .. شكرا يا جميل
بالنسبة لموضوع ضفيرة ولا منظف الانجكشن .. انا مش متوقع تأثير الضفيرة هايكون بالشكل ده والدليل بوجيه ال20 الف كم قبل مشاكل الضفيرة بوقت 6 شهور بحالهم لأنى مغيرها مع صيانة ال40 واى بوجيه فى الدنيا فى اخره وقت له بيكون اسود هبابة حتى لو الموتور زيرو أوعامل عمرة انما المنظر ده بصراحة مالوش الا تفسير واحد هو المنظف
وعالعموم احنا مع بعض ومتابعين ونشوف رأى خبراء الصيانات والعربيات فى توكيلات نيسان كلها

المشاركة الأصلية كتبت بواسطة Sameh_OO7

والنعمة انتا برنس وراجل محترم ومعرفتك زى العسل .. وتقريرك فيه فن وحرفة وبذل وقت ومجهود عالى .. سؤالى بقى انتا عملت كده ازاى ؟!!؟

ربنا يخليك يا سموح وانت كمان والله
وبالنسبة لسؤالك .. والله العظيم بدون مبالغة انا مش عارف طلع كده ازاى وانا باكتبه ما كنتش اتخيل منظره ده بجد

المشاركة الأصلية كتبت بواسطة hossam_zaky

الله ينور عليك
تقرير مفصل مميز يستحق التحية
و الله لحد دلوقت مكتبتش تقريري عن ال80000 و إن كان مستحيل يطلع بروعة التقرير بتاعك

تسلم يا حُس .. ورغم اى شىء برضه مستنيين تقريرك لل80 الف على احر من الجمر

المشاركة الأصلية كتبت بواسطة walidadel

مش مسألة فلوس والله يادكتور مسأله ان البوجيهات بتعمل اكتر من كده بكتير و الاداء هو هو عن تجربه كمان مش بتكلم من فراغ ده غير ان اول مره اعمل صيانه في مودرن الهايكستب و سألته علي امتي كان قالي بيتغيروا كل 40 الف وانا من ساعتها ماشي علي كده كل 40 - 45 الف بغيرهم لما ازهق منهم او احسن ان ادائ العربيه في السحت ابتدي يقل شويه كتجميع مثلا علي سرعات عاليه 120 - 180 مش مثلا بستني لحد مالبوجيه بيقطع مني و كده .... ده كل الموضوع
الدليل علي كلامي صورة اخر بوجيه اللي طلع في صيانة الستين شوف شكله الشمعه عامل ازاي و عايز تتأكد اكتر شوفه بالفيلر اللي عند الميكانيكي شوف مقاس اللي بين الشمعه و الجزء المعدني اسفل الشمعه و قارنهم ببوجيه جديد هتلاقي فرق طفيف
البوجيه في العموم بيقطع نتيجة تأكل الشمعه دي و بعدها عن طرف المعدني اسفل البويجه بمسافه لا تزيد عن الطبيعي من 6 مم الي 8 مم

حراااااااااااااااام عليك يا مفترى انت طلعت منهم !!!
اللى بيمشوا بالعربية لحد اما تقطع بوجيه وتتلت
وكمان لحد اما السير يصفر او ينسر ويتقطع
وكمان لحد اما الكاوتش يتنحل والسلك يبان والنقشة تختفى
وموضوع الفيلر ده هايطلع طبعا بدون تغيير ومقاس بوجيهات الصنى 5 مللى
ومن رأيى ان الكربون المترسب على البوجيه وناجم عن الحرق بيؤثر سلبا على كفاءته بعد كده
واخيرا انا مش مقتنع بكلام مودرن المتناقض جدااااااا وبصراحة ردودهم على اى تساؤل باختلاف الواقعة مش مقنعة بالنسبة لى
بعد صيانة ال40 وتغيير السيور روحت حملة فحص مجانى فى فرع شبين وقالى غيرتهم ليه ده احنا بنغيرهم عند 60 ولا 80
وبعدها بشهرين صاحبى فى الشركة راحلهم فى ال40 غيروهاله وقالوله ده احسن عشان سيور الصنى بتبوظ بسرعة !!!!!!!!!!!!!!!!!!
مع احترامى كلام مودرن بالنسبة لى متناقض