صيانة تلاجه كريازى ..............

**DreAmO** · 09-01-2012 09:24 AM

المشاركة الأصلية كتبت بواسطة zizo50001

للاسف شركة كريازى فى الصيانة زبالة هما موعدهم 100% بس
سعات بيبعتوا ناس عجيبه مرة التلاجة مكنتش بتسقع فاتصلت بيهم جة قلى التلاجة عايز تتكهن و ممكن نبدلها بواحد و ادفع فرق قلتله شكرا وجيبت واحد عملها كان فى خرم فى السربنتينه من فوق
و للاسف ارخم حاجة فيها انها كانت دايما تعطل كل سنة فى رمضان مش عارف لية اشمعنا رمضان

100 100

انا شايف الموضوع من بدري ومش عايز ارد .. مستغرب من الردود

وشكيت في نفسي

ايه يا اخوانا .. انا بدأت اشك في استشارتكم

صيانه كريازي ايه بس ! .. دي ناس عجيبه غريبه مريبه بتوع كريازي دول

انا جايب نوفروست 14 قدم من كام شهر كدة مش فاكرهم .. جابوهالي البيت وقاللولي ماتشغلهاش غير بكره

بشغلها تاني يوم ماشتغلتش بس اللمبه منوره .. انا في معلومه كدة في دماغي من زمان .. ان بعض التلاجات اول مره تشغلها بتاخد شويه وقت على ماتقوم

بس حبيت اتأكد

اتصلت بيهم يا اخوانا كذا كذا ..

الرد : متأكد ان الفيشه محطوطه ؟

اه واللمبه منوره بس مفيش اي صوت ولا حياة في التلاجه تدل انها شغاله

طب كلم الفني .. سألني نفس السؤال ويكرره وشكله مش مصدق ان التلاجه مش شغاله

طيب هنبعتلك مهندس ( قال مهندس قال ) كويس انه بيعرف يقرا ويكتب

المهم المعاد بعد خمس ايام

انا صممت يجي بكره ..

قفلت المكالمه لقيت التلاجه اشتغلت من نفسها .. ( جامدين اوي بتوع الدعم الفني دول يا خال .. سبحان الله اخلص المكالمه التلاجه تشتغل رباني كدة .. جامدين جامدين يعني )

بس صوتها عالي .. وسامع صوت صفاره رفيعه بس عاليه ومضيقاني

قولت طيب يجوا بكره بردو ونشوف ايه القصه دي

وجه اتنين الصبح من غير تليفون ولا اي بتنجان .. خبط رزع كده

شكلهم عامل زي بتوع المباحث .. والظاهر هما حاسين دة فعايشين دور شخصيه السيد محسن ممتاز والسيد التاني مش فاكر اسمه

المهم .. الباش مهندس ( كدة وكدة يعني ) السيد ياكوف بنيمين حنين

ولقاها شغاله .. فقولتله اللي حصل .. وقولتله صوتها عالي ليه .. وليه ماشتغلتش في الاول

المصيبه انه قالي .. اصل البريزه دي ملخلخه لازم تغيرها

ياعم اللمبه كانت منوره والتلاجه مش شغاله .. وبعدين اشتغلت لوحدها

وبعدين بريزه ملخلخه ولا مش ملخلخه مش موضوعنا دة .. المهم في كهربا واصله للتلاجه

طيب فكك من قصه ليه ماشتغلتش دي علشان انت هتعصبني بجهلك ( انا بقول في سري يعني )

الصوت ليه عالي .. صوت الصفاره دي مزعج

السيد ياكوف : اصل المطبخ فاضي وعامل صدي صوت والجو هدوء

ااه طيب .. نورتونا وشرفتونا

وطريقه مشيهم ولكاعتهم وحمرقتهم علشان يقفشوا فلوس .. كانت بايخااااااااااااا

وطبعا مادتهمش حاجة

**نور القمر** · 09-01-2012 02:14 PM

طيب حضرتك غلطان بردو
كان مفروض تملالهم المطبخ اي حاجة عشان يجربوا صدى الصوت هايروح ولا لأ هههههههههه
بس مقولتش في الاخر التلاجة اتصلحت ازاي وصوت الصفارة اخباره ايه

**aif** · 09-01-2012 02:30 PM

المشاركة الأصلية كتبت بواسطة نور القمر

طيب حضرتك غلطان بردو
كان مفروض تملالهم المطبخ اي حاجة عشان يجربوا صدى الصوت هايروح ولا لأ هههههههههه
بس مقولتش في الاخر التلاجة اتصلحت ازاي وصوت الصفارة اخباره ايه

ويا سلام بقى لو شوية اكل كدة يفتحو النفس

**hossam_elwani** · 09-01-2012 06:15 PM

التلاجه جت من الصيانه وطلع فيها المكثف هو الى بايظ غيره وعبوها فريون تانى داخل الضمان الى هو عشر سنين وبقلها عندى 4 سنين وغيرو العجل والمبه وحوض الميه الى فوق الموتور واخدو 21 ثمن الحاجات دى و 20 اكراميه وكله تمام معامله طيبه وخدمه سريعه ودى تجربتى معاهم وشكرا

**أبو إياد** · 10-01-2012 07:43 AM

بس لو اتعمل حصر من خلال الموضوع هنلاقى ان الاغلبيه بيشكروا فيهم وانا اولهم
ومبروك يا استاذ حسام على التصليح

**ELBEH** · 10-01-2012 10:16 AM

و اللهى و اللهى عندك حق فى كل كلمه قلتها انا جايب الثلاجه من 3 سنين جبتهم من اول شهر و جم يجى 5 مرات بعد كده و بيجى ناس اشكالها استغفر الله العظيم بجد بجد شكلهم و اسلوبهم و طريقة كلامهم حراميه انا اسف على التشبيه و المضحك بقى من حوالى اسبوع لقيت الثلاجة بتنزل مياه من جوه اولت هتصل بيهم غصب عنى كلمتهم و قبل ما يجو لقيت الثلاجه بطلت تنزل الميه قولت الحمد لله علشان ما كنتش عايز ادخلهم البيت. و أخيرا قررت لنى اجيب ثلاجه جديدة مستوردة و مش هجيب اى ثلاجة مصرى لما ربنا يسهلها ان شاء الله .

**mohamed_selim** · 10-01-2012 11:00 AM

على فكره فى نمر كتير بتكون نصب ... اتأكدو انكم بتكلمو الشركه نفسها مش مركز صيانه عادى

**tareksakr** · 10-01-2012 01:50 PM

من افضل التلاجات في مصر توشيبا و ال جي تلاجات تشتريها وتنساها لغاية ما تغيرها كانت عندي توشيبا فضلت معايا 7 سنين زي الفل و اديتها لولادتي ولسه شغالة ممتازة وجبت ال جي اكبر منها ممتازة جدا

-

-

الموضوع: صيانة تلاجه كريازى ..............

LinkBack

أدوات الموضوع

عرض

-

-

المواضيع المتشابهه

تلاجه السيفيا

تكييف تلاجه

عندى مشكله فى ديب فريوز كريازى ارجو المساعده

ارفف تلاجه

حد يفيدني في تلاجه السياره

الكلمات الدلالية لهذا الموضوع

المفضلات

المفضلات

ضوابط المشاركة