الموضوع: أنا قلقاااااااااان!

الفلتر ملوش علاقة بالطرمبة
يعني مش عشان تغير الفلتر لازم تغير الطرومبة
و ده راي اللذي لا قيمة له

المشاركة الأصلية كتبت بواسطة MohamedGafar

السلام عليكم ورحمة الله وبركاته.

الموضوع بإختصار إن واحد صاحبي معاه جراند شيروكي موديل 2010 عطلت منه فجأة عند كارفور ونقلها التوكيل الخميس اللى فات.

المهم كشفوا عليها وطلعت طرمبة البنزين باظت لأن فلتر البنزين إتسد فبوظ الطرمبة ، والعربية عاملة 65000 كيلو فقط. وقالوله ما تتقيدش بموضوع تغيير الفلاتر تبع الكاتالوج لأن البنزين فى مصر زي الزفت (لامؤاخذة) ، المهم إن تكلفة الاصلاح وصلت ل 4500 جنيه!!!!!!

قلت يا واد بص فى كتيب الصيانة بتاع عربيتي ، لقيت إن العربية عمرها ما غيرت فلتر بنزين وعاملة 56000 كيلو!!!!! ماكدبتش خبر وكلمت الشيخ طارق بتاع الكيلو 4.5 قاللي إن الفلتر بتاعها مش بيتغير إلا مع الطرمبة (مع بعض يعني) وده بيبقي على 100 أو 150 ألف كيلو....!

معرفش بقي هل الكلام ده صحيح واللا لأ؟ وهل لو مش صحيح يبقي فلترها ده بكام وبتغير على كام ألف كيلو لأني بصراحة قلقااااااااااااان جدا من موضوع الطرمبة دي والواحد مش ناقص مصاريف مالهاش لازمة!

تحياتي وألف شكر.

اللي اعرفه ان الفيلتر جزء غير الطلمبة بس هو غالي شوية بس اهون ميكون مع الطلمبة بص على اللينك ده (الجزء رقم 2) دي صورته و الpart no
Fuel filter/pump/fuel level sensor BMW 3' E90, 320i (N46N) — BMW parts catalog

آخر الأخبار..........

رحت لمنصور إمبارح فى جسر السويس وقاللي إن الفلتر بيتغير عند ال 100 ألف كيلو وثمنه 1800 جنيه بسسسسسسس!!!!!!!!!!!!!!!!!!!!!!!!!!!!!!!!!! !!!!!!!!

سكتت ومشيت طبعا!

تحياتي.

المشاركة الأصلية كتبت بواسطة sheko_2000eg

الفلتر ملوش علاقة بالطرمبة
يعني مش عشان تغير الفلتر لازم تغير الطرومبة
و ده راي اللذي لا قيمة له

لأ ماهو الطرمبة بتسحب البنزين من الفلتر ، فلو إتسد بيحرق الطرمبة لأن ترس قاعدة الطرمبة نفسها من جوه بلاستيك فلو حصل سدد الترس ده بيتكسر والبوبينة نفسها جوه جسم الطرمبة بتقف.

تحياتي.

المشاركة الأصلية كتبت بواسطة hanyhosney

stb
الاسود او في ولاحد بينضف الدوره كلها ب 65 جنيه جامد ومتسمعش كلام ال يقولك بيبوظ حاجه جوه ايه هي ميعرفش بس هو مش عمال علي بطال يعني كل متغير زيت ونتا بتفول حط زجاجه قبل التفويل عشان تقلب مع البنزين
والمفروض انك بتحط 95 ولا انا غلطان

أيوه بحط 95 ، بس دي نسبة الأوكتين مش الشوائب ، أعتقد الشوائب واحدة فى كل الأنواع بإستثناء ال 80... ده أعتقد إن فيه زلط :)

تحياتي.

المشاركة الأصلية كتبت بواسطة ahmedsadek82

اللي اعرفه ان الفيلتر جزء غير الطلمبة بس هو غالي شوية بس اهون ميكون مع الطلمبة بص على اللينك ده (الجزء رقم 2) دي صورته و الpart no
fuel filter/pump/fuel level sensor bmw 3' e90, 320i (n46n) — bmw parts catalog

ألف شكر...طب ده لو إتسد يأثر على الطرمبة واللا هما عاملين نظام - مثلا - إن العربية ماتدورش أو تديلك تنبيه على اللوحة لو الفلتر عايز يتغير.

تحياتي.