الموضوع: ...........سجاير ............

الظاهر كده يا عم فارما فى توارد افكار بينى و بينك ... تصدق بالله كنت عاوز اعمل موضوع امبارح عن المدعوقه ده و كنت ناوى ابطل بعد ما صدرى عامل زى الشخشيخه .... المهم انا بشرب فيسروى ازرق عليه فى اليوم 8.50 يعنى لكشه محترمه فى اخر الشهر و بقالى كده شهر بشرب نوع صينى حقير ليه فله بنى شكله عاجبنى و العلبة بتاعته كويسه لغاية ما جابت اجلى .... بش مشربش فى البيت و حريص جدا ان عيالى ميشوفونيش و انا بدخن ....

حاليا روثمان

ونفسي اشرب علبة يوميا واحدة والتبطيل دة عاوز تغيير كامل لحياة الواحد وفترة بعيد عن الجو الي هو فيه
غالبا من علبه ونص لعلبتين
ولو في اصحاب وعزومات سجاير ممكن اوصل لتلت علب

وعلي فكره بلاش تشربوا الانواع الي مش معروفة لانها فعلا مجهولة ومعدتش علي وزارة الصحة ومتهربه .. والعلبه ب2 جنيه اصلها اي نوع

موضوع جامد ربنا يتوب على الجميع وديه تجربتى مع تبطيل التدخين

المشاركة الأصلية كتبت بواسطة zkralla

ا
بالنسبة لتجربتى مع الدوء شامبيكس champix
الدوا رائع فعلا ومش تاثير ايحائى عشان انا اساسا مكنتش مقتنع بيه لما جبته بس قلت هعمل الى عليا واجرب وأنا اساسا شخصية شكاكه
بداءت اخد الدوا نص مللى اول ثلاث ايام وبعدين مللى لمده ثلاث ايام وبعد كده 2 مللى يوميا وبعد 10 ايام منعت التدخين بناء على تعليمات نشرة الدواء ( الامتناع عن التدهين يكون فى فترة من اسبوع الى اسبوعين ) بقيت بابقى حاسس كانى لسه حالا شارب سيحارة رغم انى مبطل تماما ( المدخن عارف الاحساس ده احساس الامتلاء بالنيكوتين وعدم الرغبه فيه الى بيجى بعد شرب سيجارة او اثنين ورا بعض فمش بتبقى قادر تشرب تانى ) ده الاحساس الى كان عندى بعد العشر ايام وملازمنى معظم الوقت
وقعدت مستمر عليه بعد كده حوالى عشرين يوم كام ورحت موقفه- اقصد الدوا - ومبقاش عندى رغبه فى السجاير رغم انى كنت ما اتصورش حياتى من غيرها هتكون ازاى وكانت مربوطه عندى بكل حاجه تقريبا ( بعد الاكل - اول ما اسحى - فى البلكونه - مع الشاى - على النت - مع القراية ... الخ ) وكنت باشرب علبه ونص
انا استخدمت اقل من علبتين وواحد اعرفه بطل بعلبه واحده وواحد صاحبى تانى بطل بالكورس كامل بس للاسف بعد كام شهر رجع تانى
الحياة من غير سجاير احلى كتير بتشم الهوا الى مكنتش عارف اشمه حلو وبقيت اتذوق الاكل كانى بادوقه لاول مره ( نسبت طعمه بعد تدخين 19 سنة تقريبا ) طلوع السلم بقى من غير نهجان - ده كنت اول ما اخلص صلاة فى المسجد اطلع جرى عشان السيجارة وكان متروا الانفاق بالنسبة ليا كابوس عشان مش بعرف ادخن فيه - وبتحس انك اتحررت من قيد كان ملازمك وشعور جميل ان جيبك ميبقاش فيه سجاير ولا ولاعه وانك تطلع تنام بالليل من غير ما تبقى حامل الهم انك معكش سجاير ومستحيل كنت اروح ومعيش سجاير
الدوا ليه اعراض جانبية بتحصل احيانا وقريتها كلها ومحصلش ليه - الحمد لله - اى حاجه منها -
صاحبى جابة بخصم 20% ... يعنى جاب الست علب بحوالى 1200 جنيه ودول تقريبا بيعادله استهلاك سجاير شهرين بالنسبة ليه

المشاركة الأصلية كتبت بواسطة mohamed_mohsen

غريبه
أنا نفسي اشرب بايب برضه
مع اني الحمد لله و لا بشرب سجاير و لا شيشه
بس بحس البايب كده شيك و لها بريستيج

على فكرة انت بتقول كلام مهم جدا .. دى حاجه اسمها الارتباط الشرطى .. ودى عشان معظم ثقافتنا من الاعلام .. اللى ربط لنا بين حاجات كتير فاسدة و صورها بشكل كويس.

يعنى مثلا الاعلام صور ان أى حد بيشرب بايب برنس أو انسان مهم أو ذو منصب .. و العكس صحيح لو كان الاعلام صور لنا اللى بيشرب بايب انه شمام مثلا .. كان كلنا حصل عندنا نفور من الموضوع ده.

زى برضه ان الشنب دليل على الرجولة و اللى بشنب ده معلم أو جدع أو راجل ملو هدومه .. و لو حلق شنبه يقولوا عليه اتخلى عن رجولته .. مع ان الشنب أصلا مأمور بحلقه فى الدين .. و مالوش أى علاقه بالرجولة .. ما الصرصار له شنب

فياريت بجد نفكر كده قبل ما ناخد فكرة عن حاجه معينة .. الحاجه دى أصلا صح ولا غلط.