رفع الأوبل فيكترا

**ENG\AHMED** · 27-05-2008 02:01 PM

المشاركة الأصلية كتبت بواسطة Ahmad Allawy

اللي عرفته من كريم محب و عاشق فيات هنا في المنتدي (كريبتون اكس).. عشان هو عمل شغل سمكرة ودوكو بايده في عربيته..
ومن اخوة افاضل ردوا في الموضوع ده..

السبب في الموضوع ده ان طبقة الورنيش اللي علي بوية المصنع بتبقي بدأت تتلاشي بفعل الجو تراب و شمس..
و مسح بحاجات خشنة و تجريح و غطا و حاجات كتير..
اللي بيتعمل كالتالي..
ممكن تسحق العربية بصنفرة ناعمة جدا و تشيل طبقة الورنيش الموجودة..
وممكن ترش الورنيش عادي علي البوية الموجودة..
ممكن ترش وش واحد و ممكن ترش اكتر من وش..
في انواع من الورنيش.. بس بصراحة ماعرفهمش.. (الرش لازم يكزن في كابينه زي كابينه فرن الدوكو او هي نفسها.. عشان التراب و الهوا..)
بعد ما تخلص الرش ده كله.. تسيبها تنشف ساعتين تلاتة..
تقوم واحد العربية وش سحق بصنفرة ناعمة جدا برضه..
وبعديه تديها وش بوليش.. كريم زي الكومباوند بس مختلف في التركيب عنه..
وبعد ما تحلص كل ده.. تضربها وش واكس و كده بقي تبقي خلصت..

وهاحاول اجيبلك لينك.. دورت عليها بس مش لاقيها دلوقتي..
لما الاقيها هابعتهالك..

ياريت تشوف اللينك دة
دة انا كل فترة بالمعها ومفيش فايدةكام يوم وترجع تانى , شمس وتراب والاختراع اللى زى الزفت الفوطة زفرة :S

**danash** · 29-05-2008 02:06 PM

المهم إن محدش رد عليا فى مشوار الصبابات دى ودخلتم فى موضوع البوليش
هو ممكن نفتح غطاء الزيت مكان ما بنحط الزيت ونحط wd40

**danash** · 29-05-2008 02:07 PM

أنا خايف من اللغوصة

**Ahmad Allawy** · 29-05-2008 02:08 PM

المشاركة الأصلية كتبت بواسطة danash

المهم إن محدش رد عليا فى مشوار الصبابات دى ودخلتم فى موضوع البوليش
هو ممكن نفتح غطاء الزيت مكان ما بنحط الزيت ونحط wd40

لا مش عارف بصراحة..
اخاف اقولك اعملها و تعمل مشكلة..
ممكن تبعت للبشمهندس سبعاوي ولا حاجة علي الخاص و تسأله..
وقولنا هيقولك ايه..

**danash** · 29-05-2008 02:12 PM

لما بحب أبعث لأى حد من الأعضاء إزاى

**Ahmad Allawy** · 29-05-2008 02:16 PM

فوق خالص تحت علامة نايل موتوروز..
هتلاقي في منيو اسمها members
دوس عليها هتجيبلك قائمة الاعضاء..
دور علي العضو اللي انت عايزه.. و دوس عليه..
هتلاقي حاجة من ضمن الحاجات اللي موجودة اسمها ارسال رسالة علي الخاص تقريبا..
بس..