الموضوع: مساعدة فى تغيير كاوتش السيراتو

المشاركة الأصلية كتبت بواسطة ghost1900

2- أغير للمقاس الأعرض ونفس البروفيل 225/45/17.
3- أغير للمقاس الأقل عرض وبروفيل أعلي 205/50/17.

1- الـprofile الستوك بتاعك: 215*0.45 = 96.75 ملليمتر.
2- 225*0.45 = 101.25 ملليمتر.. العربية هتعلى معاك 4.5 مم (نصف سم تقريبا), الهاندلينج هيغير, والثبات هيقل..؟؟!!!

3- 205*0.50 = 102.5 ملليمتر.. العربية هتعلى 5.75 مم.. +المقاس ده مش common
و برضه الهاندلينج والثبات هيقل..؟!!

المشاركة الأصلية كتبت بواسطة moha4tec

أغير للمقاس الأعرض ونفس البروفيل 225/45/17.
لان فى كذا عضوا جربوه و مشتكوش منه بالعكس بقى احسن فى حجات كتير
ممكن تشترى الكمهو او الهانكوك و لو معاك فلوس اكتر هات بريدجستون او فولدا .
بس ركز اوى فى موضوع النقشه لانه بيفرق فى الثبات و الفرامل جامد جدا جدا .

انت متأكد يا moha4tec ان التغيير فـ العربية كان للأفضل؟؟؟!!
يعنى محدش اشتكى ان الثبات قل, أو الدركسيون خف ومبقاش precise..؟؟!!!

المشاركة الأصلية كتبت بواسطة medoakef

بس اقل فرده فيهم معديه 1000 جنيه :(
كونتينينتال يعتبر الافضل في المقاسات العاليه لكن اقل فرده ب1150 حتي 2550 :w_022

بس فلوسهم فيهم.. الأصلى أصلى برضه, ومش كلاااااااااااام..؟!!
ماتنسوش ان جزء كبيييييييييير من مشاكل العربيات الكورى كانت فـ انواع الكاوتش اللى زى النيكسين والكومهو والهانكوك..؟؟؟!!
لو Continental ألمانى Made in Germany مش اندونيسى.. يبقى تمام.
ولو عايز فردة بتاع أدااااااااااااء (ثبات, Steering-Precision, ملفات على سرعات وفرامل).. يبقى اختار "النقشة" زى ما بيقولوا:
- الكونتينينتال: SportContact 3
- البيريللى: PZero Nero
- البريدجستون: طبعا الـPotenza Adrenalin
- الميشلان: Pilot Sport
وفيه يا جماعة الـDunlop كاوتش محترم أوى, وبالذات نقشة الـSport Maxx

المشاركة الأصلية كتبت بواسطة ghost1900

6- Yokahama - S.drive يابانى سرعة (W) ب 925 جنيه.

من كل اللى انت قولته, مفيش كاوتش "أصلى" غير اليوكوهاما ده, والـToyo برضه تمام..؟!!

الصراحة موضوع الكاوتش ده مفيهوش تهريج, دا أول حاجة فـ الأماااااااااااااان..

انا عن نفسى, مش بسترخص فـ الكاوتش ده.. لسبب بسيط جدا (غير الأمان والفرامل والثبات..)
انك لما تجيب فردة تعبانة.. ويطلع فيها بالونة, او تعمل عالى و واطى.. ولا حتى تتقطع من الـside-profile.. يبقى هترميها كلها..؟؟؟!!
يعنى يبقى كويس لما تبقى ماشى 180 كام دقيقة, وتلاقى الكاوتش سلخ من على الجنط لا قدر الله.. (عشان ماستحملتش السخونة والضغط)..؟؟!!!

ومحدش يقولى ماهو هيجيبها الـrating بتاع السرعة V ولا W, ماهو الكلام ده بيحصل فـ فردة كورى عند 160-170, المفروض سرعتها V يعنى 240؟؟؟!!
هات كاوتش يستحمل, على الأقل عمره الأفتراضى الأطول هيوفر لك فلوس أكتر.. ولا أيه؟!!