استفسار بخصوص السيتي

**tafa17** · 03-01-2012 09:07 PM

السلام عليكم اعضاء الهونداوية المحترمين
رجاء اعطاء النصيحة في شراء هوندا سيتي موديل 2005 او 2006 اوتوماتيك
هل هي سيارة عملية وهل لها عيوب او ندرة قطع الغيار
رجاء الرد لأني مقبل علي شراء سيارة ومحتاج النصيحة مع العلم اني جربت سواقتها وعجبتني بس قلقان من سعر اعادة البيع خاصة السيتي وندرة قطع الغيار
والسلام عليكم ورحمة الله وبركاته

**SAMEH_FOUAD** · 04-01-2012 09:28 AM

العربية كويسة واعطالها قليلة وناعمة وبتجرى وكل حاجة بس لو انت غاوىجرى ابعد عنها عشان ثباتها ضعيف , قطع غيارها مش غالية اوى وموجودة , من الاخر العربية دية معمولة عشان ماتجريش اكتر من سرعة 140 على الطريق السريع و110 ملفات عادية غير كدة لأ الا بقى لو تعدلها سوست ومساعدين وجنوط دة فيلم تانى وهتلاقى الثبات اتحسن

وبالنسبة لسهولة البيع هية تقيلة شوية فى البيع , وسعرها بيقع بسرعة لو فيها اى حاجة , معلش انصحك انك تركب سيفيك موديلات اقدم بس هتبقى احسن لو انت غاوى شد وجرى وثبات عالى وقوة تحمل واعتمادية فى قطع الغيار

**Omar_4ever** · 07-01-2012 04:56 PM

بص يا باشا
احنا معانا سيتي 2005
شارينها في صيف 2004
العربية ديه قبل اي حاجة بتستحمل معاك جدا

المميزات : التكيف تلاجة لحد دلوقتي بسم الله ما شاء الله لا شحنا فريون ولا غيرنا فلتر تكييف
2- عفشة ناعمة وعالية عالمطبات وبتتحمل بس فيها عيب شنيع هذكره في العيوب
3- وسع الشنطة رهيب بجد من اوسع الشنط إلي شفتها
4- اقتصادية جدا جدا اجد في النزين ( آخر مرة على طريق مصر اسكندرية عملت بالتفويلة 570 كيلو )

العيوب :
1- اكبر عيب فيها هو الطنابير بتاعتها بتبوظ بسرعة جدا مع اننا بنركبلها تيل الفرامل اصلي في التوكيل وتمنه 475 وغيرنلها الطنابير مرتين لحد دلوقتي

2- التقفيل لا يقارن بالياباني
3- الدركسيون تقيل نوعا ما
4- ابعاد العربية خصوصا من ورا متعبة جدا في الركن بس ممكن تحلها بباركينج سينسور
5- قطع الغيار بتاعتها متوفرة في التوكيل بس اسعارها غالية حبتين ( تيل فرامل 475 - بوجيهات 430 - طنابير 1500 جنيه )
6- الأوتوماتيك فيها مش بتاع جري لأنها 1300 سي سي فسحبها بطئ شوية لكن بعد ال80 بتفتح معاك
7- ثبات العربية بعد ال 120 مش كويس ، يعني لو جرب تحرك الدركسيون جامد هتلاقيها عومت

وفي الآخر اقولك انها عربية محترمه هتصونها هتصونك