الموضوع: سوال بخصوص الهوندا السيتي

السلام عليكم
في توضيح انا عايز اقوله ان الفرق في السعر ده مش جاي من فراغ اكيد السيتي دي فيها حاجه ولا ايه مش عارف

زي ما المهاتما قالك.. العربيه السيتي معموله في تايلاند و ده احد اسباب رخص سعرها نسبيا. بس في جميح الأحوال لا يجوز مقارنه السيتي باليفيك في السعر لأنها فئه مختلفه (اصغر نفس الكلام ينطبق على الكورولا و الياريس).. يعني حتى لو السيتي كانت متقفله في اليابان هتكون ارخص من السيفيك. فيه عربيات سيفيك بكماليات السيتي بس دي تمنها بيكون غالي جدا علشان كده مبتنزلش مصر (على الاقل في الوقت الحالي).

بالنسبه للمقارنه بين اللإمبريزا و الانسر و السيفيك ده موضوه يعتمد على انته عايز ايه و تقدر تدفع كام. الامبريزا تعتبر اقلهم في قوه الموتور و السيفيك اعلاهم. لكن من ناحيه تانيه الإمبريزا فيها ميزه مش موجوده في أي عربيه تانيه في فئتها و هي الدفع المستمر بأربع عجلات.. و ده اللي بيخلي ثبات العربيه اعلى من أي عربيه تانيه في السوق. الجدول ده فيه مقارنه بين الثلاث عربيات. جميع الاسعار للسيارات الأوتوماتيك.

لو تحب اي معلومه تانيه خصوصا عن اللامبريزا انا تحت امرك

المشاركة الأصلية كتبت بواسطة Ahmed Hassan

زي ما المهاتما قالك.. العربيه السيتي معموله في تايلاند و ده احد اسباب رخص سعرها نسبيا. بس في جميح الأحوال لا يجوز مقارنه السيتي باليفيك في السعر لأنها فئه مختلفه (اصغر نفس الكلام ينطبق على الكورولا و الياريس).. يعني حتى لو السيتي كانت متقفله في اليابان هتكون ارخص من السيفيك. فيه عربيات سيفيك بكماليات السيتي بس دي تمنها بيكون غالي جدا علشان كده مبتنزلش مصر (على الاقل في الوقت الحالي).

بالنسبه للمقارنه بين اللإمبريزا و الانسر و السيفيك ده موضوه يعتمد على انته عايز ايه و تقدر تدفع كام. الامبريزا تعتبر اقلهم في قوه الموتور و السيفيك اعلاهم. لكن من ناحيه تانيه الإمبريزا فيها ميزه مش موجوده في أي عربيه تانيه في فئتها و هي الدفع المستمر بأربع عجلات.. و ده اللي بيخلي ثبات العربيه اعلى من أي عربيه تانيه في السوق. الجدول ده فيه مقارنه بين الثلاث عربيات. جميع الاسعار للسيارات الأوتوماتيك.

لو تحب اي معلومه تانيه خصوصا عن اللامبريزا انا تحت امرك

سياسه التصنيع الخارجيه
ده المنهج اللي اتبعته هوندا مع جيل السيتي
السيتي بتتنتج في دول كتير منها الهند و تايلاند
الهوندا سيتي اللي بتنزل مصر هي التايلندي
العربيه معايا من حوالي 4 شهور
و ما فيش اي مشاكل تماما الحمد لله

الشركات بتتبع الاسلوب ده علشان حاجات كتير
قوانين الجمارك
اجور العماله
القرب من الاسواق
عدم وجود طاقه انتاجيه كافيه علي الخطوط الرئيسيه

و ده موجود عندنا في مصر ( مرسيدس - بي ام دبليو - بيجو - جيب الخ الخ )

اللي احب اقولهولك ان الناس دي مش حتسمح بان اسمها يتحط علي منتج اي كلام
الناس دي في الجوده ما ترحمشي حتي لو حيصنعوا العربيه عند دقدق السنكري

و يا سيد الكل لو محتاج تعرف اي تفاصيل عن السيتي نحن في الخدمه

السلام عليكم شكرا ليك علي المعلومه بس انا العربيه دي كانت عجباني جدا بس كل لما اقول لواحد يقولي دي عربيه تعبانه
كفايه ان هي تيواني وهي عربيه جميله جدا (دا رأيي فيها ) عندك المكنه الفتيك ولا النقل التريبتونيك ونظام cvt كل دي مميزات جميله ده غير الاير باج وفول اوبشن وشكلها جميل بس انت عارف كل ما تيجي تقول لواحد عربيه غير المتعارف عليها يطلعلك القطط الفاطسه (احنا شعب بيخاف بجرب اي حاجه جديده طب ما حنا لازم نجرب عشان نعرف الحلو من الوحش ما الانسان مبيتعلمش بسهوله) يعني انا فاكر زمان ايام ما كانت مصر فيها العربيات الاوربيه زي الفيات والبيجو ( كان ليها شنه ورنه وكل الناس تقولك مجيبش غير اوروبي) واول ما الياباني نزل كان فيه ترقب وحذر منها لغايه ما الياباني اثبت نفسه في السوق المصري عندك الهوند والتويوتا والسوبارو الي انا بحبها جدا بس العربيه دي مظلومه في السوق المصري والنيسان. تعرف انت عندك حق مش معناها ان العربيه تيواني انها وحشه انا اقتنعت برايك وشكرا جدا لسرعه الرد . :mrgreen:

الامبريزا تعتبر اقلهم في قوه الموتور و السيفيك اعلاهم. لكن من ناحيه تانيه الإمبريزا فيها ميزه مش موجوده في أي عربيه تانيه في فئتها و هي الدفع المستمر بأربع عجلات.. و ده اللي بيخلي ثبات العربيه اعلى من أي عربيه تانيه في السوق. الجدول ده فيه مقارنه بين الثلاث عربيات. جميع الاسعار للسيارات الأوتوماتيك.

السلام عليكم شكرا ليك علي الجدول الجميل بس في استفسار بين الامبريزا والانسر بالنسبه للتوكيل لان انا من بورسعيد ولو عايز اصلح حاجه يبقي اكيد هانزل علي القاهره فمش كل شويه هاخد السكه رايح جاي وخصوصا الامبريزا لان معتقدش حد في بورسعيد سمع عنها وهل الامبريزا صعبه في البيع بعد كده رغم ان انا بحب الامبريزا دي جدا العربيه دي بتفرج عليها في الراليات بيتهيلي انها من احسن العربيات الياباني وبيتهيلي احسن من الانسر بس انا لما هاشتري العربيه لازم احط كل الاحتمالات في دماغي واختار الي يناسبني عامه مش هاشتري الوقتي كمان 3 او اربع شهور بعد الصيف فقدامي فرصه ادرس كل حاجه وشكرا ليك جدا . 8)