المقابلة الأولي لقسم هيونداي في 2012

**Samir Elshahawy** · 22-01-2012 10:52 AM

المشاركة الأصلية كتبت بواسطة ahmed.tv

طبعا انا بوجه شكر خاص للعضو والاخ الكريم bunsh_fox على دعوته للحضور معكم فى المقابلة
وباذن الله لو عملتوها يوم الجمعة الجاية .. انا معاكم باذن الله

بس انا ليه اقتراح طالما اول مقابلة

زى ما ابتدينا فى اول مقابلة فى قسم نيسان عندنا وكان العدد حوالى على ما اتذكر كان 15 .. منهم اعضاء من بره القسم 5 مثلا .. بس كان العدد قليل ولكن المقابلة كانت جميلة

فممكن تختاروا مكان يكون حواليه باركنج واسع عشان تقدروا تصورا الاعضاء جنب السيارات وتجربوا العربيات وتصوروا فيديوهات .. لان الصور والفيديوهات دى لما تنزل حتفيد فى المقابلة الجاية .. والناس حتشوف انتم كنتم بتعملوا ايه وبتهتموا بالعربيات وبتتكلموا فى المشاكل وبتحلوها وبقترحوا افكار فى العربيات وتشوفوا التعديدلات اللى انتوا عملتوها فى العربيات .. فالناس تتشجع بعد كدا فى الحضور

فياريت كمان المقابلة تكون بدرى فى النهار .. يعنى فى معاد مناسب عشان التصوير بالنهار مختلف .. يعنى مثلا تكون على العصر بعد ما يكون الواحد اتغدى فى البيت ويجى على طول .. او لو عايزين تتغدى مع بعض براحتكم

ولو كنتوا مهتمين بالعدد .. يبقا تاجلوا للجمعة اللى بعدها عشان فى ناس كتير عندها امتحانات .. وكمان فى ناس خايفة من اى قلق ممكن يحصل الايام الجاية

والاهم فى المقابلة تتكلموا فى امور القسم عندكم واختيار المنسق .. وازاى تطورا القسم عندكم وتكونوا رابطة يكون قائدها واسرتها قلبها على بعض .. ويكون عندها ملكة جذب اعضاء جدد .. ينبهروا بتفاعلكم مع بعض وبافكاركم وبالخدمات اللى بتعملوها

شوفوا حتعملوا ايه وانا يشرفنى الانضمام ليكم ..
وكمان عندى فكرة حلوة كجروب للمنتدى حقولكم عليها لما اقعد معاكم باذن الله

تحياتى ليكم ولروحكم الجميلة .. وان شاء الله نشوفكم على خير

اخوكم فى الله
احمد مصطفى

طبعا حضرتك هاتنورنا و تشرفنا

بالنسبة لموعد المقابلة ففعلا تم تأجيلها لأجازة نص السنة و من المنتظر ان تكون يوم الخميس الموافق 2/2 مساء أو الجمعة 3/2 عصر و هذا ما أفضله شخصيا للأسباب اللي حضرتك ذكرتها

اما بالنسبة للمقابلة نفسها فقد أقترحت برنامج لها كما جاء في أول الموضوع و هي كالتالي :
1- الأحتفال بأنضمام مجموعة جديدة من سيارات هيونداي (نيو ألنترا - أكسنت rp - فيلوستر) و بمجرد حضور أعضاء بصحبتهم تلك السيارات سيتم تصويرها أن شاء الله كما سيتضمن اللقاء أحضار تورته كبيرة عليها شعار المنتدي و شعار هيونداي بأذن الله
2- مناقشة موضوع أختيار منسق القسم
3- مناقشة أقتراح تقدمت به بالفعل لعدد من أعضاء المنتدي المؤسسين بتشكيل لجنة فنية لتقييم السيارات بأسلوب علمي و أحترافي و منح جائزة "نايل موتورز" لأفضل سيارة كل عام علي غرار مايحدث بالخارج و أن شاء الله ستكون البداية بسيارات هيونداي الجديدة
4- أقتراح أخر بتطوير قسم أختبارات القيادة ليكون هناك فريق نايل موتورز لأختبارات القيادة و عمل أختبارات مصورة بالفيديو
5- الأهم و الأكثر فاعلية هو تكوين رابطة مالكي هيونداي كي نشكل قوة ضغط علي الوكلاء و الموزعين و مراكز الخدمة
6- مناقشة فكرة عمل لقاء شهري ثابت

**atyam** · 22-01-2012 12:02 PM

تمام اوى وادى بياناتى
الاسم: محمد عطية
رقم الموبيل: 01005283124
المعاد المفضل: يوم الجمعة الموافق 3/2 ان شاء الله

**hanyemad123** · 22-01-2012 01:13 PM

يا جودعان هو الواحد ينفع يجيى من غير عربيه

اصلى لسه ما جبتش

**Samir Elshahawy** · 22-01-2012 01:17 PM

المشاركة الأصلية كتبت بواسطة hanyemad123

يا جودعان هو الواحد ينفع يجيى من غير عربيه

اصلى لسه ما جبتش

وجود العربية أو عدمه لايمنع أبدا من حضور المقابلة
فالمقابلة للأشخاص و ليست للسيارات
ههههههههههههه

تشرف ياباشا و تنور بس ياريت تختار موعد
الخميس 2/2 (مساء) أو الجمعة 3/3 (عصرا)

**Ashraf_Ibrahim** · 22-01-2012 05:50 PM

برنامج جميل جدا يا بشمهندس
*انا مساهم معاك في التورتة ان شاء الله
فكر كدة نعمل غدا مع بعض ونتغدى كلنا :d
انا عجباني اوي حكاية فريق اختبار القيادة دي عايز اختبر مليش دعوة
هههههههههههههههههه

**BUNSH** · 22-01-2012 06:59 PM

أنا كمان بشكروا الاخ الفاضل bunsh_fox على عزومة المقابلة الجميلة ديه ..

أنا إن شاء الله هاجي المقابلة لو مفيهاش مانع يعني ..

و أتمنى إنها تكون من أحسن المقابلات فالقسم خاصة .. و في المنتدى عامة

تحياتي لحضرتكم ....

ربنا يخلى حضرتك وتيجى تنورنا وربنا يديم محبة بين الاعضاء الافاضل واااكيد شكراااا لمهندس سمير (صاحب/منظم دعوة)وباقية الاعضاء الافاضل .

اما بالنسبة للمقابلة نفسها فقد أقترحت برنامج لها كما جاء في أول الموضوع و هي كالتالي :
1- الأحتفال بأنضمام مجموعة جديدة من سيارات هيونداي (نيو ألنترا - أكسنت rp - فيلوستر) و بمجرد حضور أعضاء بصحبتهم تلك السيارات سيتم تصويرها أن شاء الله كما سيتضمن اللقاء أحضار تورته كبيرة عليها شعار المنتدي و شعار هيونداي بأذن الله
2- مناقشة موضوع أختيار منسق القسم
3- مناقشة أقتراح تقدمت به بالفعل لعدد من أعضاء المنتدي المؤسسين بتشكيل لجنة فنية لتقييم السيارات بأسلوب علمي و أحترافي و منح جائزة "نايل موتورز" لأفضل سيارة كل عام علي غرار مايحدث بالخارج و أن شاء الله ستكون البداية بسيارات هيونداي الجديدة
4- أقتراح أخر بتطوير قسم أختبارات القيادة ليكون هناك فريق نايل موتورز لأختبارات القيادة و عمل أختبارات مصورة بالفيديو
5- الأهم و الأكثر فاعلية هو تكوين رابطة مالكي هيونداي كي نشكل قوة ضغط علي الوكلاء و الموزعين و مراكز الخدمة
6- مناقشة فكرة عمل لقاء شهري ثابت

الله ينور هوة دة كلام ,,, وأنا برضواااا مساهم معاكوا فى اى حاجة هتعملوها (ان كان ماديا او معنويا)

**alaamousa** · 23-01-2012 04:35 AM

السلام عليكم متابع باهتمام بالغ الموضوع من الاول والفكرة قوية جدااا وجميلة والاهم فيها ان الواحد هيتعرف على اشخاص محترمة زي حضراتكوا وان شاء الله الميعاد كمان كويس وان كنت افضل الجمعة ان شاء الله وان شاء الله يكون في الازهر بارك وجزاكم الله خيرا وبارك الله فيكم ومستعد ان شاء الله لاي مساهمة مادية او معنوية باذن الله في انتظار التفاصيل والتاكيد باذن الله تعالى نتقابل على خير ان شاء الله ...................

:b4_048::b4_048::b4_048:

**el_nahal2004** · 23-01-2012 01:19 PM

لو فى اى احتياج لى فى موضوع المقابلة او تحضير اى شيئ انا تحت امركم
بما انى من سكان المقطم او جنب الكافيه
هيتحدد امتى المعاد تاكيديا هيكون خميس او جمعة والساعة كام؟؟

**alaamousa** · 24-01-2012 12:19 AM

السلام عليكم ياريت مشرف القسم يساعدنا في تجميع اكبر عدد ممكن في هذا اليوم ان شاء الله وذلك عن طريق اي صورة من وجهة نظره وجزاه الله خيرا وبارك الله فيكم ..........

-

مشاهدة نتائج الإستطلاع: مكان وموعد المقابلة

الموضوع: المقابلة الأولي لقسم هيونداي في 2012

LinkBack

أدوات الموضوع

عرض

-

-

-

-

المواضيع المتشابهه

المبادرة الخيرية الأولي لقسم نيسان نايل موتورز للعمليات الجراحية

المقابلة الاولى لقسم ستروين - بيجو

المقابلة الأولي لأعضاء نادي شيفروليه - نايل موتورز (مقابله رمضان)

إعلان عن المقابلة السريونية الأولي في التاريخ الإنساني

الكلمات الدلالية لهذا الموضوع

المفضلات

المفضلات

ضوابط المشاركة