نظام مراقبة ومتابعه ضغط ودرجة حرارة الإطارات (س و ج )

**farahat** · 27-05-2008 05:17 PM

حساسات ضغط الإطارات دي موجودة في بعض الموديلات فعلاً بتنزل من المصنع كدة ، بس دي بتكون اوبشن ، و احنا في مصر بننزل عربيات مفيهاش كل الأوبشن عشان تكون أرخص شوية و تتباع .
الميجان مثلاً موجود ليها الحساسات دي من رينو بس تمنها حوالي ٢٠٠٠ جنيه مصري في التوكيل ، وبالتالي محدش هيركبها ، هيقولك أروح أزود الكوتش كل فترة بجنيه واحد و خلاص ، أوفر طبعاً .

في تاجر من إلي في التوفيقية جاب منه موديل صيني من حوالي سنتين ، و كان تمنه حوالي ٧٠٠ جنيه مصري ، فضلو قاعدين مدة لحد ما باع الكام واحد إلي كان جايبهم ، و طبعاً حلف ماهو جايبه تاني :)

المشكلة كمان إن لحساسات دي عايزة كاوتش تيوبلس نضيف ، و ناس كتير معندهاش الميزة دي ، كمان لازم يتغيرله بطارية كل ٥ سنين ، أو بيتغير الحساس كله ، و دي برد حاجة مش عملية في مصر (محدش هيدفع المبلغ دة كله مرة كل خمس سنين و هو ممكن ينفخ الأربع فرد مرحة كل إسبوع بجنيه ، مع انها هي هي يعني ٢٦٠ كل ٥ سنين بس محدش بيحسبها كدة )

**fox3d** · 27-05-2008 07:05 PM

موضوع اكثر من رائع شكراً على هذه المعلومات الجميلة

**Sharky** · 27-05-2008 09:01 PM

موضوع مفيد و جزاك الله خيرا

**TAG_Turbo0** · 28-05-2008 12:52 AM

موضوع أكثر من رائع
تسلم ايدك
بس هو فى حد بيستورد النظام ده فى مصر
ومين يعرف يركبة؟

**Yarisawy** · 28-05-2008 10:17 AM

شكرا اوى على جماعة على كلامكم المشجع ده :)

انا ياجماعة ان شاء الله ناوى اشترى النظام ده بس اول لما اغير العربية واجيب "النترا او صنى او سيراتو" وهاحكيلكوا على كده حاجة فيه ان شاء الله

احمد باشا أوبل تيم عاملين شغل فى كل حته ;) وعلى فكرة ان سمعت ان منصور تراجع ومش هاينزل كورسا فى مصر عشان ثمنها كان هايبقى قريب او ذى ثمن الاسترا واكيد محدش هايشتريها

**Yarisawy** · 28-05-2008 10:27 AM

تمام كلامك يا استاذ فرحات هو للأسف ناس كتير فى مصر بتستسخر تدفع فلوس زيادة فى حاجة مش حاسين انهم هايستفادوا بيها , مع انه فعليا ممكن يوفر عليه كثير وينقذ حياته ... الناس عايز توعيه اكثر
بس بالنسبة لموضوع ان البطارية بتقعد 5 سنين دلوقتى بقى فيه 7 سنين وفيه كمان 10 واعتقد دى فترة كويسة اوى

وكمان لو حد اشترى الجهاز ده مش معناه انه مش هايزود هوا بالعكس ده ممكن يزود هواء اكتر من الإول لان احنا بنزود كل فترة او لما تحصل حاجة

الجهاز اللى من شركة ماكس اير هو احسن فى الحاله دى لانه فيه كمبوريسور ولو نقص هواء هو يزوده لوحده بس الجهاز ده لسه غالي حوالى الف دولار

**Yarisawy** · 28-05-2008 10:33 AM

اخى تاج انا معرفش حد بيستورد الجهاز فى مصر بس انا هاجيبه وممكن تشتريه من بره "انا هجيبه عن طريقة ارامكس" , وكل الموضوع هايكلف ممكن ما بين الف او الف ونص

موضوع مين يركبه الواحد يستنضف حد والجهاز بيبقى معاه شرح بالصور لكيفيه التركيب وكل حاجة

**elhowt** · 28-05-2008 10:48 AM

الف شكر علي المعلومات دي بس ياريت اذا حد عرف ان النظام دا بدء يظهر هنا عندنا يعرفنا ان شاء الله

**Ahmad Allawy** · 28-05-2008 10:49 AM

المشاركة الأصلية كتبت بواسطة Freekiko

شكرا اوى على جماعة على كلامكم المشجع ده :)

انا ياجماعة ان شاء الله ناوى اشترى النظام ده بس اول لما اغير العربية واجيب "النترا او صنى او سيراتو" وهاحكيلكوا على كده حاجة فيه ان شاء الله

احمد باشا أوبل تيم عاملين شغل فى كل حته ;) وعلى فكرة ان سمعت ان منصور تراجع ومش هاينزل كورسا فى مصر عشان ثمنها كان هايبقى قريب او ذى ثمن الاسترا واكيد محدش هايشتريها

بقي كده..؟؟ وبتقولها في وشي الانترا ولا صني ولا سيراتو..؟؟
في وشي يا اوبلاوي؟؟
انا عارف ان اوبل بتهرج شوية بسعرها بس معلش.. انا عن نفسي كان نفسي انهم ينزلوا حاجة في الفئة السعرية دي..
بس هنعمل ايه بقي ما باليد حيله..

وفيما يخص موضوع الكورسا..
انا اتصلت بيهم في التوكيل امبارح .. و عرفت ان مفيش اي اخبار عنها خالص ولا اسعار ولا اي معلومات..