الموضوع: نظام مراقبة ومتابعه ضغط ودرجة حرارة الإطارات (س و ج )

المشاركة الأصلية كتبت بواسطة Xirox1313

موضوع مفيد شكراً.

بس سؤال بسيط هو وزن الSensor الموجود في العجل (الأربعة أو الخمسة) بيحتاج ترصيص العجل لضبط إتزانه لما تركبه لأول مرة وكل ما تغير البطارية مثلاً ولا بيكون له معاملة مخصوص؟

سؤال ظريف و مفيد جداً ، أشكرك عليه
الانواع الموجودة من الحساسات دي نوعين واحد بيركب بشريطة داير ما يدور الجنط جوا العجلة و دة مش بيحتاج ترصيص غالباً بس محتاج يتركب بفن شوية عشان يتوسطاً على الجنط
النوع التاني و دة إلي شائع أكتر بيكون راكب في البلف بتاع العجلة و د بيحتاج تظبيط وزن العجلة تاني يعني ترصيص
عموماً وزن الحساسات دي في حدود من ٥ إلى ١٠ جرام و البطارية مش بتتعأير غير مرة كل ٥ إلى ٧ سنين ، و أحيانا مش بتنفع تتغير لازم تجيب حساس جديد بدل إلي فضي
و حكاية الترصيص دي كدة كدة حضرتك لازم تعملها كل ما تفك الكاوتش من على الجنط حتى لو عشان تلحمه بس (لكن د نظري و احنا مش ديماً بنعمل كدة بنستن نشوف لو غربلت نرصص و لو محصلش خلاص خير و بركة )

تحياتي و رمضان كريم

موضوع هاااااااايل بجد

تسلم ايديك ياباشا

فعلا انا حصل معاية انا معاية فولكس جيتا هاى لاين 2009 وفى فردة جابت عندى عالى وواطى وهية كانت قدام فنقلتها ورا علشان لقدر الله حصل اى حاجة يبقى خطر ورا ارحم شوية من قدام وانا ماشية بيها عندى ال set نور ودة بينور فى حالتين يا اما انخفاش مفاجئ فى الاطار او ضبط الزواية علشان الحساس هروح بكرة اعملها

المشاركة الأصلية كتبت بواسطة hamasatgirl

فعلا انا حصل معاية انا معاية فولكس جيتا هاى لاين 2009 وفى فردة جابت عندى عالى وواطى وهية كانت قدام فنقلتها ورا علشان لقدر الله حصل اى حاجة يبقى خطر ورا ارحم شوية من قدام وانا ماشية بيها عندى ال set نور ودة بينور فى حالتين يا اما انخفاش مفاجئ فى الاطار او ضبط الزواية علشان الحساس هروح بكرة اعملها

هذا الحساس علمياً لا يستطيع قياس الزوايا ، و لكن يقيس الضغط و الحرارة،
و ما يمكن ن يكون قد حدث عندك سببه تغيير أماكن الإطارات بمعنى : نفرض إن النظام مرقم كل فردة برقم من ١ إلى ٤ ، هو حافظ إن ١ دي قدام يمين ٢ قدام شمال ٣ ورا يمين ٤ ورا شمال ، و بكدة بيعرف الفردة إلي نامت مين و يبلغ السواق ، فجأة لقى فردا قدام اسمها ٣ مش عرف دي جت منين فإعتبر إن في غلط في النظام و كمان فردا ورا اسمها ١ مختلفة عن إلي متعود عليه ، راح مطلع Set عشان السواق يعرف إن في حاجة غلط و يبرمج كل فردا في مكانها الجديد ، و غليباً دي بتكون حاجة بسيطة و بتتعمل من كمبيوتر الرحلات في العربية و بيعملها السواق بنفسه و هتكون مكتوبة في الكتالوج تتعمل ازاي . في ال-BMW مثلاً بتختاري قائمة الكاوتش و تدوسي Reset و أكيد هتكون ال-Jetta فيها حاجة ذي كدة .