+1111111111111111111111111111111111 طبعا :)).. الله ينور عليك يا ابو حميد شايف شغلك كويس
---------------------
طبعا الصنى بدون جدال للاسباب التالية:
1. لأنها سوبر صالون اتوماتيك مو2009 وعاملة بس 66.000 كم وده ولا حاجة فى الصنى لان فيه ناس بتعمل فوق ال200 وال300 الف كم والعربية ماشاء الله بتلاقيها بكامل قوتها بالاضافة لكمية الكماليات اللى بتنزل فى السوبر صالون وممكن تكون لسه ما كملتش ال3 سنين ضمان أما اللانسر فلو ماشية كيلومترات اقل فكفاية انها موديل 2007 يعنى خلصت ضمانها وان تساوى السعر فالغلبة للصنى
2. تكييف الصنى جبااااااااااااااااااااار عكس اللانسر متوسط او عادى كمان واحكم بنفسك فى الصيف وعمرى ما زودته عن سرعة 2 ومؤشر درجة الحرارة عمرى ما جبته لآخر البارد
3. العفشة رياضية فى الاتنين بس فى الصنى ناشفة شوية اكتر لأنها دنجل او عمود متصل فى الخلف عكس الصنى تعليق مستقل للعجلات الاربعة وبتديك احساس هادى ومريح فى المطبات وكلاهما يستحمل الطرق المصرية بس الصنى اكتر فى التحمل
4. ثبات الصنى انسى راكب عربية أمان ماشاء الله وتجيب ال120-140 ولا تحس بحاجة الا صوت الهواء والموتور عشان عزلها اضعف من اللانسر وفى ناس بتمشى بيها 160-180 عادى جدا وصاج الصنى اتقل من اللانسر شوية
5. الاتوماتيك .. بصراحة ما جربتش الصنى لأن معايا مانيوال بس 4 نقلات انما سواقة اللانسر الاتوماتيك cvt تحفة وممتع جدااااااااا ونقلاته ناعمة ما تحسش بيها واستجابة العربية بتكون اسرع شوية من الصنى
6. الصالون .. تابلوه الصنى مميز وافخم واشيك رغم كلاسيكيته من اللانسر اللى البلاستيك بتاعه تقليدى وعادى ، الكراسى الامامية فى الاتنين متشابهين لكن وضعية جلوس الصنى مرتفعة بعض الشىء ، الكنبة الخلفية اوسع حاجة بسيطة فى اللانسر لأن حجم الكراسى اصغر من الصنى ومناسبة اكتر لاطوال فوق 180 سم ورا
7. قطع الغيار .. متوفرة جوة وبرة التوكيل والاتنين الاصلى فيهم بيعيش لكن مع عمر اطول للصنى وفعلا على سبيل المثال تيل الفرامل مش قبل 40.000 كم عكس اللانسر اعرف ناس بتغيره 15-20 الف كم وبيصفر عالطول (حتى لاحظ اى لانسر واقفة جنبك فى اشارة من اول الكريستالة - مكواة - بومة)
8. سوق الصنى المستعمل اخر سنتين ابتدى يقول والطلب زاد عليها زيرو ومستعمل وافتكر مش هاتعدى ال 80 الف ج وممكن تنزل الفين كمان عشان الشكل القديم بشرط حالة الفابريقة
9. قصة استهلاك البنزين دى قُتلت بحثا فى الصنى وفى الاخر المشكلة طلعت فى قرايات العداد المضلله يعنى المؤشر بينزل بسرعة فى النص الاعلى وابطأ فى النص الاسفل وكله على بعضه 50 لتر بيعمل مش اقل من 500 كم يعنى 9-10 كم لكل لتر
وياريت عشان تتطمن تروح تكشف عليها قبل الشراء فى مركز خدمة اوتوايجيبت ابو رواش هايفصصوا العربية حتة حتة ويعملك تقرير مفصل بحالتها والتكلفة مش هاتعدى 300ج
المفضلات