رابطة مالكى الاكسيل-الجزء الثانى

**mado83** · 06-02-2013 03:12 PM

المشاركة الأصلية كتبت بواسطة al_manara

بلية او غوايش فتيس

التفاعل ده انا مش واخد عليه من رابطه الاكسيل
الله اكبر لحسن تتحسدو
طيب قولى مين يعرفها ميكانيكى عادى ولا متخصص فتيس وتغيير البليه يخليه يفك الفتيس كله

**mado83** · 06-02-2013 03:17 PM

فرصه طالما لقيت حد يرد عليا يقولى حد غير اسكاترا جديده قبل كده ويقولى صناعتها ايه؟
وعندى رفه فى العجله اليمين لما بكون ماشى على عيون القطه بلاقى تخبيط وكمان رفه كده ده من ايه

**singary2010** · 06-02-2013 03:22 PM

المشاركة الأصلية كتبت بواسطة mado83

تغيير سير الكاتينه بيتغير معاه بليه كاتينه او شداد او اى حاجه تانيه ولا هو سير الكاتينه بس ؟
ده بقه اى حد يرد عليا مش محتاجه خبير

هى مش محتاجه خبير بس محتاجه حد غير سير الكاتينه قبل كده

**singary2010** · 06-02-2013 03:41 PM

المشاركة الأصلية كتبت بواسطة Survival

انا لسه مستنى حد يحن عليا و يبعتلى صور توصيلات خراطيم الكربيراتير. طبعا ممكن روح لواحد بتاع كربيراتير و اريح دماغي لكن انا عاوزها تبقى هنا على الرابطة عشان تبقى مرجع لينا كلنا. لانى شوفت لحد دلوقتى 3 عربيات و كلهم مش زى بعض. يا ترى ليه فيه اختلاف.

مش عارف الصور هتوضح اللى انت عايزه ولا لا وعلى العموم انت قولى ايه اللى انت بتسأل عليه بالظبط هيبقى اسهل

http://img715.imageshack.us/img715/291/sam0293ha.jpg
http://img171.imageshack.us/img171/9484/sam0296s.jpg
http://img405.imageshack.us/img405/8946/sam0297w.jpg

**hamisa08** · 06-02-2013 04:05 PM

احتمال يكون الفتيس

بس لو الفتيس هيكون فيه بلى او رمانه بلى عايز يتغير

**hamisa08** · 06-02-2013 04:23 PM

بخصوص الفتيس يا جماعه انا اعرف حد بتاع فتيسات كويس فى مساكن عين شمس
بس انا مش بنصح ان حد ينزل الفتيس

مبدئيا الفتيس لو خمس حرات بيكون لكل حاره ترس وعليها الغويشه بتاعته بتمسكه لما تدى الغيار ,,, يعنى الفتيس الخمس حرات خمس غوايش و خمس تروس طبعا بين كل ترس والتانى بيكون الغويشه
يعنى انا عندى مثلا (( عضة او نقره )) فى التانى يبقى الغويشه بتاعت التانى عايزه تتغير طبعا مش هيغير الغويشه دى بس لازم يغير الغويشه مع ترس ويغير كمان ترس قبل وترس بعد يعنى المشكله فى التانى بس هتغير ترس وغويشه اول وتانى وتالت
ايه اللى بيحصل بقى هتلاقى التانى معاك بقى تمام بس ((العضة او النقره )) بقيت فى التالت مثلا او الرابع حاره تانيه ليه
عشان تروس جوه مش واخدة على بعض وبتاخد وقت كتير على ماتخد على بعض تكون انته جبت اخرك واتخنقت

المشكله التانيه
لو فى صوت ونه او زنه وانته ماشى واتاكدت انها من الفتيس دة بيكون بلى جوه عايز يتغير

نصيحه لو عندك نقره او عضة حاول تتعامل معاها ولا تنزل فتيس ولا وجع دماغ عشان بردة مش هيظبط معاك حاول تظبط انته ايدك على مكان الحاره اللى بتنقر
وربنا يكفينا كلنا يارب وجع دماغ الفتيس

تكلفه تنزيل الفتيس لواحدها من غير تغيير اى تروس او غاويش بتكون 220 زود انته بقى ثمت الحاجه اللى هتتغير

**Tarek_Swelm** · 06-02-2013 05:23 PM

المشاركة الأصلية كتبت بواسطة mohameda73

دا سعر الواحد ولا الاتنين لانى عاوز اغير الفانوسين على بعض

سعر الواحد فقط

**al_manara** · 06-02-2013 06:42 PM

المشاركة الأصلية كتبت بواسطة mado83

التفاعل ده انا مش واخد عليه من رابطه الاكسيل
الله اكبر لحسن تتحسدو
طيب قولى مين يعرفها ميكانيكى عادى ولا متخصص فتيس وتغيير البليه يخليه يفك الفتيس كله

لمواخذة .
انا نمت شوية .
بس الناس صاحية هنا وزي الفل الحمد لله .

لازم الفتيس يتفك . هو الموضوع بياخد كام ساعة . واعمل حسابك لو البلية هي الي بايظة ممكن كمان الديسك والاسطوانة يكونوا وحشيين فتغيرهم .
ودائما الافضل لو في شغل في الفتيس هات واحد استيراد . قبل الغلاء كان ب 650 جنية .
دلوقتي مش عارف بنفس السعر ولا اغلي شوية .

يعرفهالك الميكانيكي لو شاطر

المشاركة الأصلية كتبت بواسطة mado83

فرصه طالما لقيت حد يرد عليا يقولى حد غير اسكاترا جديده قبل كده ويقولى صناعتها ايه؟
وعندى رفه فى العجله اليمين لما بكون ماشى على عيون القطه بلاقى تخبيط وكمان رفه كده ده من ايه

الاسكاترا هاتها استيراد ب 250 جنية وبتبقي تمام .

اما بخصوص العجل حاجات كتير . منها مثلا الدراع بتاع الاسكتر اليمين مبوش . او جلب الميزان او بيض المقص
في كذا حاجة ممكن تعمل كدة
دي بتاع العفشة ممكن يقولك عليها . او لو روجت لبتاع زوايا قبل مايظبت لك بتبان .

**ABOASSEM** · 07-02-2013 12:59 AM

المشاركة الأصلية كتبت بواسطة singary2010

السلام عليكم ورحمته الله وبركاته
موضوع الابلاتين ده مش داخل دماغى لانى زى ما قولت انا عندى الكترونى ولكن المشط كويس لانه شغال تمام من حوالى شهر ونص شهرين القواعد مفهاش الهوا الموبينه اعرف انها فيها مشكله ازاى ؟
العربيه سحبها تمام اوى وللاسف امبارح كنت فى مشوار على الدائرى وخبطت عربيه من خلفها وقفت فجأه الحمد لله قدرالله وماشء فعل
الخسائر :-
1- فانوس يمين 95 جنيه صينى والديبو ب125 بس مكنش موجود
2- شنب اللى تحت الفوانيس ب 45 لونه اسود طبعا مش زى لون العربيه
3- شبكه اللى عليها علامة الهيونداى ب 30 جنيه
4- السمكرى عدل حرف الكبوت وزود معجون السليكون اللى بيمسك صاج الكبوت بالعضم بتاعه وظبط الفوانيس والشنب 120 جنيه مصنعيه

قدر الله وماشاء فعل وربنا يعوض عليك والحمد لله انك بخير انته واللي كان امامك ومعلش انا مقصر معاكم جامد بس اعذروني عشان موضوع قطع النت عشان الكابلات مسروقة وانا عند صديق لي الان وسلامي لماجد وابو زياد وكل الناس المحترمة اعضاء الربطة وربنا يعينك يا سنجاري ومشكلة العربية تتحل ان شاء الله وتحياتي للاخ الماذداوي سبقا" والاكسلاوي حاليا" هههههه ومشكور لمجهودة وجزاه الله كل خير

**singary2010** · 07-02-2013 01:47 AM

المشاركة الأصلية كتبت بواسطة aboassem

قدر الله وماشاء فعل وربنا يعوض عليك والحمد لله انك بخير انته واللي كان امامك ومعلش انا مقصر معاكم جامد بس اعذروني عشان موضوع قطع النت عشان الكابلات مسروقة وانا عند صديق لي الان وسلامي لماجد وابو زياد وكل الناس المحترمة اعضاء الربطة وربنا يعينك يا سنجاري ومشكلة العربية تتحل ان شاء الله وتحياتي للاخ الماذداوي سبقا" والاكسلاوي حاليا" هههههه ومشكور لمجهودة وجزاه الله كل خير

أبو عاصم انت فين يا باشا ليك وحشه والله
يارب تكون بخير وفى أحسن حال
وأشكرك على السؤال ويارب تمسكوا الحرامى بتاع الكبلات

علشان ترجع تنور معانا هنا