الموضوع: رابطة مالكى الاكسيل-الجزء الثانى

السلام عليكم
بقالي كام يوم بسمع صوت زي صفارة او حاجه بتحك فتعمل صوت او كأن فيه زي حاجه بتفسي من ناحية اليمين ورا بس مش علي طول بتيجي و تروح و سواء علي سرعة عاليه او علي السلانسية حد حس بالموضوع ده قبل كده هو انا شاكك يا اما في المساعدين او الفرامل و سؤال كمان في علبة في الكبوت قدام الكرسي اللي جنب السواق علي طول هل العلبة ديه اللي بيتحط فيها زيت الباكيم و ازود قد ايه و هل الزيت ده للفرامل و الدبراياج

المشاركة الأصلية كتبت بواسطة mahmoudahmad8

السلام عليكم
بقالي كام يوم بسمع صوت زي صفارة او حاجه بتحك فتعمل صوت او كأن فيه زي حاجه بتفسي من ناحية اليمين ورا بس مش علي طول بتيجي و تروح و سواء علي سرعة عاليه او علي السلانسية حد حس بالموضوع ده قبل كده هو انا شاكك يا اما في المساعدين او الفرامل و سؤال كمان في علبة في الكبوت قدام الكرسي اللي جنب السواق علي طول هل العلبة ديه اللي بيتحط فيها زيت الباكيم و ازود قد ايه و هل الزيت ده للفرامل و الدبراياج

وعليكم السلام ورحمة الله وبركاته

منور الرابطة يا محمود

هو ممكن يكون المساعدين الخلفى . دوس على شنطة العربيه وشوف هتسمع الصوت اللى انت بتقول عليه ده ولا لأ

أو تيل الفرامل خلص وبيحك فى الطنمبورة (حديد فى حديد) عشان تتأكد هو تيل ولا لأ بتبان فى الفرملة هتسمع صوت ونة شديدة او صرخة من قدام

العلبة ديه بتاعه زيت الباكيم للفرامل وديه بتزودها كل فين وفين

زيت الدبرياج ده بتزوده عند بتاع الزيوت بيبقى ضغط من تحت العربيه

المشاركة الأصلية كتبت بواسطة magoda

زيت الدبرياج ده بتزوده عند بتاع الزيوت بيبقى ضغط من تحت العربيه

باشا الكلام ده فى اكسيل ولا قصد حضرتك ايه

المشاركة الأصلية كتبت بواسطة amoor89

باشا الكلام ده فى اكسيل ولا قصد حضرتك ايه

اه صح كويس ان انت خدت بالك انا كنت أقصد زيت الفتيس مش الدبرياج

المشاركة الأصلية كتبت بواسطة Magoda

اه صح كويس ان انت خدت بالك انا كنت أقصد زيت الفتيس مش الدبرياج

احنا الدبرياج عندنا سلك مش باكم

هو زيت الفتيس بتخلى الراجل بتاع تغيير زيت يبصلك عليه ممكن يقولك معنديش زيت فتيس قولة بردة بص عليه لو ناقص بيتزود وخلاص هو مش بيتغير كل فييين وفييين

عندى يا جماعه العربية من تحت الفتيس بتجيب زيت هموووت واعرف الزيت دة منين ولا بتاااع ايه

ناس تقوولى جوان كرانك وناس تقولى دة اويلسية كوبلن انا غيرتة كذة مرة وبردة بيجيب زيت تانى

اخدت مطب ابن تيت كسرلى الركبه اللى ماسكه المقص اليمين
روحت للسمكرى لحمها ب50ج وماخدش فيها 5 دقايق
بس كانت بتعمل صوت فى الملفات اكن الكوبلن فارط

جزاكم الله كل خير
هو بالنسبة لزيت الفتيس انا زودته
اما بقي بالنسة للصوت انا عملت زي ما انت قلت دوست علي العربية و هي واقف من الناحيتين و مفيش صوت و كمان و انا دايس فرامل مفيش برضه صوت الصوت بيجي لوحده و بروح لوحده و انا ماشي