المشاركة الأصلية كتبت بواسطة osos38516
ذهبت اليوم لتنظيف الكربراتير بعد ما غيرت بوجيهات مرتين كل 20 كيلو و طلعوا مهببين اسود على الاخر و العربيه تنتش و تقطع و ما تدورش خالص غير بعد غلبه
المهم هو فى الهرم خلف مطبعه الحكومه الموجوده على شارع الهرم الرئيسي تدخل شارع المطبعه و تدخل اول شارع فى ظهرالمطبعه و مع سورها تدخل شارع جانبي تانى لحد ما توصله
المهم فك الكربراتير و اخده عنده فى الورشه جوه عشان يصلحه و طبعا الاهم انك ماتشوفش حاجه عشانك يعرف يقلبك كويس
و ركبه بعد ما خلص تنظيفه و ضبطه و فك البوجيهات نظفها بالبنزين و تمام وروح جرب و تعالى
عايز كام قالى ثوانى هكلم الاسطى جمال صاحب الورشه لان الحساب معاه
كلمه و قاله انه غير طقم جوانات و قاعد يهجس معاه شويه و قالى خد كلمه عشان يقولك الحساب كام يا عم جمال 150 ج ليه ده انا لسه منظفه و ضبطه من شهر ب 80 ج و قالى لا احنا ورشه تصليح ده انا مركبلك طقم و حاجات ب 120 ج قلتله خلاص و انا مش هرجعلك كلمه و اتفقنا على 120ج
ملحوظات
انا رحت لهذا الرجل تحديدا على السمعه انه مشهور من زمان و انه كويس
فعلا عنده زحمه و شغال كويس
كان فى راجل هناك صاحب 131 فيات وداها لكذا واحد بتاع كربراتير فى الاشهر اللى فاتت فى شبرا و مطريه و كذا حته و كل واحد يأخد منه 120 ج و برده مش مرتاح فى العربيه
و فيه واحد جاله و قاله ان البوجيهات لسه بتهبب و شالها و قاعد طبعا يشرحله و قاله روح للميكانيكى عندك مش عارف ايه و تبريرات طبعا انا مبفهمش قوى فمدققتش
و الحمد الله العربيه زى المره اللى فاتت لما نظفته بتطلع بخار ميه و ميه ميه و ربنا يستر و تستمر على كده
و الراجل اسمه الاسطى جمال
و رقمه 01008044317
واسمها ورشه شبرا