الموضوع: رابطة مالكى الاكسيل-الجزء الثانى

المشاركة الأصلية كتبت بواسطة magoda

إمبارح بزود العجل عشان كنت مسافر فالراجل بيقولى أزودهولك على كاااام قلتله 30 فبيكشف على العجل لاقاه كله 35

هو العجل بيتزود على كام

بيتزود 28 صيف و 30 شتاء

بس خليها على طووول 30 وكبر دماغك


ولو نفختة نيتروجين مش هتظبه تانى غير كل 3 او 4 شهور وعليك خير

المشاركة الأصلية كتبت بواسطة magoda

إمبارح بزود العجل عشان كنت مسافر فالراجل بيقولى أزودهولك على كاااام قلتله 30 فبيكشف على العجل لاقاه كله 35

هو العجل بيتزود على كام

عدى فى الشتا الجامد اللى احنا فية دى 35 مش مشكلة انا بزودو على طول فى الشتا 35 ومع الركنة 3-4 ايام فى الاسبوع بلاقية 33-34 ... وشغال تمام ولا بيدب معايا ولا حاجة ...

وبعد نجاح موضوع الكرتونة اساليب 504 قولت بقى ,, اتبع الطرق التكنولوجيا الحديثة

نزلت الحمدلله جبت ثرموتات كوعة ثمنها 45 وركبتها ب 10 جنية هى ممكن 5 جنية "دول مسامرين عشرة "

وركبت من غير جوان حط سيلكون بس مكانها وركبت

التاثير : مشاء الله كنت نازل النهاردة الفجر العربية بتسخن بسرعه عكس الاول فى البرد دة بتكون عايز تحط تحتيها دفاية او حطتين فحم

الولاعة عندى مكانها واسع او بتحس انها بتلق لا يتحط فيها fm reader او شاحن بتفضل تلعب تلق ؟؟

مركز الصفا كويسين أنا بعمل عندهم الكربراتير كل سنة نضافة بس وكان عندى نفس المشكلة بتاعتك ديه باب بيعلق ويرجع براحته على الأخر يعنى لما تقرص على العربية تلاقى صوتها عالى وبعد شوية يبدأ يوطى شوية بشوية وكان حل المشكلة ديه انهم ركبوا سوسته ترد الباب بسرعة

المشاركة الأصلية كتبت بواسطة hamisa08

امبارح حصلى مشكلة ؟؟ بزود بنزين العربية بتعلى ومش بتوطى تانى يعنى لما بدوس اكنك مثبت رجلك على البنزين وا لماكنة صوتها عالى جدا اكنك رافع الشفاط على الاخر و تيجى تبطل مش عايزة تبطل

رحت لميكانيكى قالى ,, الكاربراتير عندك فى باب منة بيفتح مش بيقفل عايز يتحل ويتنظف المهم وطهولى " قفل الباب يعنى " وقالى بلاش تجرى بيها لحد ما تظبطة
حد جرب مركز الصفا قريب ؟؟


حاجة تانية بقى

العربية وهى دايرة وواقفة صوتها الى حد ما مقبول وانا ماشى بيها او بشد بيها بسمع صوت غريب اوووى صوت خشانة كدة من قدام مش عارف دة مكنة ولا فتيس صوت الماتور او الفتيس بيكون غشيم اووى

مركز الصفا كويسين أنا بعمل عندهم الكربراتير كل سنة نضافة بس وكان عندى نفس المشكلة بتاعتك ديه باب بيعلق ويرجع براحته على الأخر يعنى لما تقرص على العربية تلاقى صوتها عالى وبعد شوية يبدأ يوطى شوية بشوية وكان حل المشكلة ديه انهم ركبوا سوسته ترد الباب بسرعة

المشاركة الأصلية كتبت بواسطة magoda

واحد بن حلال سرق الشنب بتاع العربيه وياريته كان خده كله كسر الجمب الليمين بس وخلى وش العربيه زى الفل

عايز اجيب شنب جديد وأجيب كمان الحاجات اللى بتركب على جوانب الباب من برا مش عارف اسمها ايه

وتجربة الكارتيرات جميله جداً العربيات بقت مش بتتوسخ من جوة زى الاول وعايز اروح اجرب اغسلها تانى وشوف

اخر حاجه بقا الكرسى اللى جمبى لاقيت المسمار بتاعه مش موجود اللى ورا على الشمال غالبا حد طمع فيه وكله عايز اجبله مسمار 14 وركبه عشان بيخلى الكرسى مرجيحه

سعر الشنب جديد أنا لسة جايبه 50 جنيه
والحاجات اللى فى الجنب ديه اسمها بكتات وديه الأصلى بتاعهم جديد موجود عند أحمد الخواجة فى شارع البحر الأعظم أو المنير فى فيصل أو واحد مش فاكر أسمه عند محطة المطبعة جنب الشبراوى وسعر الطقم كامل 120 جنيه كورى

أدعولى يا جماعة أنا الحمد لله بدأت أفك العربية عشان أعمل سمكرة ودوكو وسروجى وجبت شوية حاجات كده حبيت أديكوا أخر الأسعار ليها
الإكصدام الأمامى 200 جنية
الإكصدام الخلفى 220 جنية
طقم مرايات يمين وشمال 270 جنية ولو لقيته
كبوت العربية 450 جنية جديد
طقم بكتات جنب كورى جديد 120 جنية
توربيدو اللى تحت المساحات جديد كورى 130 جنية
شنب أمامى 50 جنية
ولسه ربنا يستر وميبقاش فيه حاجات تانية عشان أنا ورمت من الأخر لأن لسه فيه مصنعيات وطبعاً لو جبت حاجات تانية هبقى أديكوا أسعارها أول بأول