المشاركة الأصلية كتبت بواسطة moutazsalem
السلام عليكم ورحمة الله وبركاته
أنا لسة مشترك جديد في الموقع الجميل ده وأنا لسة شاري عربية هيونداي إكسيل من حوالي شهر وغيرت السيور والزيت زي ما قريت في الموقع الرابطة الجزء الأول بس لسة بدري عقبال ما أخلص الرابطة الأول والثاني.
النهاردة ركبت العربية ودورت وقعدت 10 دقائق كدة أسخن العربية ومشيت وبعد شوية لا قيت الار بي إم نزل للآخر وراحت العربية طفت . ودورت تاني دارت ومشيت شوية وراحت طفت تاني . كلمت الميكانيكي قاللي ده الكربراتير . وقاللي دوس بنزين أول ما تيجي تدور بس استنى 5 دقائق الأول وعملت كدة ودارت وبعدين كل ما آجي أفرمل تقف وأضطر أدوس بنزين علشان تدور والميكانيكي قاللي انها هتقف كل شوية وسألته أعمل ايه قاللي هاروح عند بتاع كاربيراتير وهو اللي هيعمل اللازم وهتتكلف من 160 إلى 170 جنيه تقريباً على حسب اللي هيعمله مش عارف يا ريت تفيدوني وجزاكم الله خيراً وأعتذر للتطويل لأني معنديش خبرة في السيارات نهائي وشكراً.