رابطة مالكى الاكسيل-الجزء الثانى

**magid1010** · 01-05-2012 10:55 PM

المشاركة الأصلية كتبت بواسطة ahmedameed

وجهه نظر (عن تجربه)في المقصات

رأيي ان اي واحد عنده اكسيل والمقصات فيها مشاكل (جلب او بيضات) انه يغيرها بالكامل بجوز مقصات جديد بجلبه وبيضاته احسن بكثير من انك تصلح في القديم..

اولا : من الناحيه الماديه الاتنين قريبين..سعر جوز المقصات جديد بالجلب والمقصات 300 جنيه..ومصنعيه تركيب 50 جنيه يعني 350 جنيه..
لو اشتريت جوز بيضات للمقص القديم هيعملوا 70 جنيه ..وطقم الجلب من 120-140 جنيه ومصنعيه من 70- 80
يعني كله 270 جنيه يعني قريبه من بعضها

ثانيا: معظم الجلب والبيضات اللي في السوق تعبان وبيبوظ بعد فتره قصيره عكس الجلب والبيضات الفبريكه اللي بتبقي موجوده مع المقصات الجديده بتبقي حالتها احسن بالتاكيد

ثالثا: المشكله الكبيره في الصنايعيه العباقره بتوعنا اللي بيحلوا الجلب القديمه من المقص بالخبط والرزع..وبعدين يدخلوا الجلب الجديده في المقص برضه شحط بالرزع وده بيتسبب في تلفها ..

للاسف توصلت للكلام ده بعدما سمعت كلام العفشجي اللي قاللي ان المقصات كويسه وحرام تتغير الا لو اتعوجت في حادثه والا حاجه..وتغير جلب بس ..وعملت كده فعلا وغيرت الجلب بنفس الطريقه اللي قلت عليها..وبعد كده ظبطت زوايا..بس برده حاسس ان العربيه مش متظبطه وفيه صوت تخبيط في العربيه من تحت ..رغم اني غيرت مساعدين وجلب مقصات وكاوتشات ستابليزر ..مش فاضل غير قواعد الموتور..هل ده يكون سبب في الطقطقه المستمره ؟؟

بصراحه ندمت علي اني مغيرتش جوز المقصات بالكامل واعتمدت علي (الترقيع ) بتغيير الجلب والبيضات

و الله كلام جميل اللى اعرفه ان لو فيه طقطقه و خصوصا فى الملفات يبقى كوبلن من غيىر ما تفكر

**ahmedameed** · 02-05-2012 12:07 AM

المشاركة الأصلية كتبت بواسطة magid1010

و الله كلام جميل اللى اعرفه ان لو فيه طقطقه و خصوصا فى الملفات يبقى كوبلن من غيىر ما تفكر

شكرا يا باشا ..
للاسف الطقطقه في الطوالي وليس في الملفات

**wael6** · 02-05-2012 12:29 AM

السلام عليكم ورحمة الله
حمالة الشنطة من جوه اتكسرت من جمب السماعات
دلوقتى الشنطه لما بتتفتح بتنزل لوحدها عكس الاول
يا ترى دى بتتلحم ولا بتتغير ولا ايه نظامها من فضلكم ؟
وصنايعي مين اللى بيعملها وتكلفتها لو سمحتم ؟
وشكرا جزيلا

**al_manara** · 02-05-2012 02:35 AM

المشاركة الأصلية كتبت بواسطة wael6

السلام عليكم ورحمة الله
حمالة الشنطة من جوه اتكسرت من جمب السماعات
دلوقتى الشنطه لما بتتفتح بتنزل لوحدها عكس الاول
يا ترى دى بتتلحم ولا بتتغير ولا ايه نظامها من فضلكم ؟
وصنايعي مين اللى بيعملها وتكلفتها لو سمحتم ؟
وشكرا جزيلا

مش بتتلحم لانها زهر .
هاتها استيراد ب 70 جنية . وموجودة كتير

**singary2010** · 02-05-2012 01:07 PM

السلام عليكم ورحمته الله وبركاته
الف شكر ليك يا ماجد على موضوع جدول الصيانه
واحب اهنيك على موضوع العدادات بصراحه مجهود ممتاز انت وصديقك وبردوا احمد زيزو
وربنا يكرمكوا دايما وهوه ده المنتظر من اعضاء الرابطه
عايز اعرفكوا ان العربيه بقى استهلاكها ممتاز يعنى اللتر بيعمل 11كيلو ونص فى الطرق السريعه وفى الطرق العاديه يعنى داخل البلد اللتر بيعمل 9 كيلو وده حاجه كويسه جدا بالنسبه لعربيتى والحمد لله الفضل يرجع لربنا ثم مركز الصفا

**ABOASSEM** · 02-05-2012 05:19 PM

المشاركة الأصلية كتبت بواسطة singary2010

السلام عليكم ورحمته الله وبركاته
الف شكر ليك يا ماجد على موضوع جدول الصيانه
واحب اهنيك على موضوع العدادات بصراحه مجهود ممتاز انت وصديقك وبردوا احمد زيزو
وربنا يكرمكوا دايما وهوه ده المنتظر من اعضاء الرابطه
عايز اعرفكوا ان العربيه بقى استهلاكها ممتاز يعنى اللتر بيعمل 11كيلو ونص فى الطرق السريعه وفى الطرق العاديه يعنى داخل البلد اللتر بيعمل 9 كيلو وده حاجه كويسه جدا بالنسبه لعربيتى والحمد لله الفضل يرجع لربنا ثم مركز الصفا

السلام عليكم حبايبي الغاليين ...احلي موضوع لانه فيه احبابي الغاليين التلاتة ...
ماجود مبروك عليك العداد الجديد وجود لك علي التفكير انته وزيزو حبيبي
وربنا يباركلكو يارب

والاستاذ سنجاري موفق لك موضوع الا ستهلاك وربنا يعطيك خيرها ويكفيك شرها
انت وجميع من الربطة وحشيني كتيييير واسف علي عدم المدوامة معاكم

والحمد لله انكم موجودين ومنورين عاش يارجاله

وتحياتي لاحلي رابطة رابكة الاكسلاويا ومن نجاح لنجاح ...
اخوكم أبو عاصم ................والسلام عليكم ورحمة الله وبركاته

**magid1010** · 02-05-2012 05:58 PM

المشاركة الأصلية كتبت بواسطة singary2010

السلام عليكم ورحمته الله وبركاته
الف شكر ليك يا ماجد على موضوع جدول الصيانه
واحب اهنيك على موضوع العدادات بصراحه مجهود ممتاز انت وصديقك وبردوا احمد زيزو
وربنا يكرمكوا دايما وهوه ده المنتظر من اعضاء الرابطه
عايز اعرفكوا ان العربيه بقى استهلاكها ممتاز يعنى اللتر بيعمل 11كيلو ونص فى الطرق السريعه وفى الطرق العاديه يعنى داخل البلد اللتر بيعمل 9 كيلو وده حاجه كويسه جدا بالنسبه لعربيتى والحمد لله الفضل يرجع لربنا ثم مركز الصفا

واحشنى جدا يا محمد انت و اعضاء الرابطه اللى بقت ادمان عندى وموضوع العداد طلع عينينا بس بصراحه ما شاء الله عداد 1500 اشيك و اجمل من اللى كان راكب و كفايه انه فيه عداد rpm بس العداد اللى كان راكب عامل 120 الف كيلو و الجديد 185 الف ههه بفكر افك جزء عداد السرعه و اركبه فى الجديد و اظبط النور مش عارف انهى احسن اركب كشافات زياده ولا اقوى اللى راكبين؟

المشاركة الأصلية كتبت بواسطة ABOASSEM

السلام عليكم حبايبي الغاليين ...احلي موضوع لانه فيه احبابي الغاليين التلاتة ...
ماجود مبروك عليك العداد الجديد وجود لك علي التفكير انته وزيزو حبيبي
وربنا يباركلكو يارب

والاستاذ سنجاري موفق لك موضوع الا ستهلاك وربنا يعطيك خيرها ويكفيك شرها
انت وجميع من الربطة وحشيني كتيييير واسف علي عدم المدوامة معاكم

والحمد لله انكم موجودين ومنورين عاش يارجاله

وتحياتي لاحلي رابطة رابكة الاكسلاويا ومن نجاح لنجاح ...
اخوكم أبو عاصم ................والسلام عليكم ورحمة الله وبركاته

ابو عاصم حبيبلاى واحشنى جدا

**EngAhmedSakr** · 02-05-2012 06:13 PM

مساء الخير ,

متابع الموضوع من شهور بصوره يوميه
وحتي قريت الجزء الأول كامل :) وإستفدت حاجات كتير اوي جدا خالص :)
فقلت ابدا اشارك علي استحياء كدا
---------------
النهارده عملت شويه شغل في العربيه
كانت الفردتين اللي قدام بيسخنوا زياده شويه عن الخلفيين فخفت ليكون التيل قرب يخلص او يكونوا قافشين شويه فقلت اروح اكشف عليهم

فكيتهم والحمد لله كان كله تمام والوضع كان طبيعي وما عملتش حاجه غير اني شديت عالسيور علشان صوت الصفاره وهي بارده الصبح وعليت العربيه شويه علشان الرجه الصباحيه كمان .

خلصت كل دا في نص ساعه والوقت كان لسا بدري فقلت اطلع اسلك الردياتير بالمره لانه كان فيه صدا والجو حر جدا اليومين دول
روحت وفكيت الردياتير وللأسف لاقيت فيه بروما من تحت والاسطي قال انه مش هيبقي كويس تاني والأفضل يتغير وقد كان
لفيت كل يجي 10 محلات قطع غيار علشان الاقي واحد والرد كان ( والله لسا خلصان من كام يوم - واضح الطلب كتير مع دخله الصيف)
واخيرا لاقيت واحد ممتاز بشوكه لسا مفكوك من نص
اخدته بعد فصال وجدال بــ 250 جنيه من غير مراوح ومن غير ساعه - فكيت الساعه والمراوح من القديم للجديد - وركبت ومليت ميه خضرا وقفلت والعمليه بقت اخر حلاوه وميت فل وتسعتاشر :)

اسعار اليوم :
ريداتير استيراد من غير مراوح ولا ساعه = 250 جنيه
انبوبه سيليكون = 7.5 جنيه
جركن مياه خضرا مكتوب عليه السعودي = 20 جنيه
مصنوعيه = 30 جنيه

يارب المشاركه تكون خفيفه وان شاء الله اشارك باستمرار مع حضراتكم
مودتي وتحياتي

**magid1010** · 02-05-2012 06:31 PM

المشاركة الأصلية كتبت بواسطة engahmedsakr

مساء الخير ,

متابع الموضوع من شهور بصوره يوميه
وحتي قريت الجزء الأول كامل :) وإستفدت حاجات كتير اوي جدا خالص :)
فقلت ابدا اشارك علي استحياء كدا
---------------
النهارده عملت شويه شغل في العربيه
كانت الفردتين اللي قدام بيسخنوا زياده شويه عن الخلفيين فخفت ليكون التيل قرب يخلص او يكونوا قافشين شويه فقلت اروح اكشف عليهم

فكيتهم والحمد لله كان كله تمام والوضع كان طبيعي وما عملتش حاجه غير اني شديت عالسيور علشان صوت الصفاره وهي بارده الصبح وعليت العربيه شويه علشان الرجه الصباحيه كمان .

خلصت كل دا في نص ساعه والوقت كان لسا بدري فقلت اطلع اسلك الردياتير بالمره لانه كان فيه صدا والجو حر جدا اليومين دول
روحت وفكيت الردياتير وللأسف لاقيت فيه بروما من تحت والاسطي قال انه مش هيبقي كويس تاني والأفضل يتغير وقد كان
لفيت كل يجي 10 محلات قطع غيار علشان الاقي واحد والرد كان ( والله لسا خلصان من كام يوم - واضح الطلب كتير مع دخله الصيف)
واخيرا لاقيت واحد ممتاز بشوكه لسا مفكوك من نص
اخدته بعد فصال وجدال بــ 250 جنيه من غير مراوح ومن غير ساعه - فكيت الساعه والمراوح من القديم للجديد - وركبت ومليت ميه خضرا وقفلت والعمليه بقت اخر حلاوه وميت فل وتسعتاشر :)

اسعار اليوم :
ريداتير استيراد من غير مراوح ولا ساعه = 250 جنيه
انبوبه سيليكون = 7.5 جنيه
جركن مياه خضرا مكتوب عليه السعودي = 20 جنيه
مصنوعيه = 30 جنيه

يارب المشاركه تكون خفيفه وان شاء الله اشارك باستمرار مع حضراتكم
مودتي وتحياتي

يا باشا منور الرابطه و الف مبروك على الريداتير و سعره كويس والله انا واحد كان عايز يدهولى ب 350 جديد

**EngAhmedSakr** · 02-05-2012 06:37 PM

المشاركة الأصلية كتبت بواسطة magid1010

يا باشا منور الرابطه و الف مبروك على الريداتير و سعره كويس والله انا واحد كان عايز يدهولى ب 350 جديد

تسلم يا جميل .. واكيد الموضوع منور باعضائه الرائعين

هو فعلا بدأ معايا بـ 350 ولما قلت مش عايز مراوح قال يبقي 300 بس انا اخدته بـ 250 بعد جدال طويل وحالته 10/10 الحمد لله

الجديد كله صيني ومش اد كدا علي حسب كلام الدكتور اللي بيصلح الردياتيرات

بس الملاحظه ان الجديد اللي جبته وزنه اخف كتير من القديم
لان كل الجديد الومنيوم وفبر انما القديم نحاس في نحاس