الموضوع: رابطة مالكى الاكسيل-الجزء الثانى

المشاركة الأصلية كتبت بواسطة singary2010

السلام عليكم ورحمته الله وبركاته
الاول شوف مكنة الفاكيوم شغاله ولا لا ودى مكنه صغيره راكبه على الموتور وتحت الكاربيراتير شمال لما تكون وشك للموتور وانت فاتح الكبوت وواظيفتها انها بتعلى المونور فى حالة تشغيل التكيف اتأكد انها شغاله ازاى انك تشغل التكيف وتشفها بتعلى صوت المكنه ولا لا لانك مش عندك ار بى ام
ودى صورتها

شكرا على ردك ، انا عندي rpm و مكنة الفاكيوم دي شغالة بس بتطلع عيني عشان تعلي او توطي ، كده ممكن العيب يبقى منها ؟؟؟ لو تعرف سعرها كام و المصنعية اكون شاكر جدا

المشاركة الأصلية كتبت بواسطة engonear

معلش على التدخل انا حبيت اضيف معلومه بس!!!!
بالنسبه للفاكيوم علشان يعلى او يوطى السلانسيه لازم تتأكد ان الخرطوم اللى طالع من الفتحه بتاعته انه متوصل على الفتحه اللى ورا راس الماتور على ناحية الشمال هتلاقى ماسوره الومنيوم رفيعه هتوصل الخرطوم عليها.

علم و جرى التحقيق و راكبة يا باشا
شكرا ليك

المشاركة الأصلية كتبت بواسطة engonear

السلام عليكم ورحمة الله.
لقيت تسريب ميه من جنب الموتور ناحية سير الكاتينه .... روحت لمركز تكنو وان فى الحرفيين قاللى ان العيب من طرمبه الميه ولازم تتغير ودى تكلف مصنعيه دا غير تمن الطرمبه وسألت على تمن الطرمبه عند محل قطع غيار فى الحرفيين قاللى ان الاصليه 170ج والصينى 120ج وهى نفس بتاعت الاكسنت.
السؤال دلوقتى العيب من الطرمبه نفسها ولا الجوان اللى راكب عليها مع ان دورة الميه شغاله تمام والطرمبه كويسه؟

250 حرام ... انا لسة عاملها ب 100 ج
وياريت تغير الماسورة بتاعت الطرمبة تمنها 90 ج

المشاركة الأصلية كتبت بواسطة singary2010

السلام عليكم ورحمته الله وبركاته
المكنه انا اشتريتها استراد ب 40 جنيه وكان الراجل بتاع التكيف كان بيقولى هجبهالك جديده فى حدود 70 جنيه
المصنعيه تقديريه ولو على تركيب المكنه دى سهله جدا انت ممكن تركبها اوبتاع التكيف و اخره 10 جنيه مصنعيه وكده زياده كمان

ألف شكر يا باشا ، بس ياريت لو تعرف سعر الاسبيراتير كام عشان انا كل شوية اصنفره و جاب آخره و مصنعيته هي الاهم من سعره ، بكرر شكري لكل اعضاء المنتدى الرائع ده .