شكرا للرد
انا اشتريت العربية 1500 و مافيهاش علبة باور ممكن تكون باظت والله اعلم بس ايه مشكة الدكسيون المفروض حتي لو مش باور يرد لوحده ولا انا غلطان و قصدي ف موضوع الشنطة الموكيت اوالكسوة بيتعمل فين وبكم وممكن حد يقولي ساعة التابلوه بكم و منين واسف للاطالة
على فكره انا عندى 1300 من غير باور و الدريكسيون مش بيرد لوحده و يبقى خفيف لما يكون ضغط العجل على 30 و انا عامل العربيه من جوه مشمع جلد على الموكيت تفصيل علشان التراب هو مشمع تخين و كنت عمله ب 300 جنيه على ما افتكر من سنتين بس ما كملتش الشنطه و بيتعمل عند السروجى عادى انت بتشترى المشمع و هو بيقصه و يخيطه على حسب الصالون او الشنطه و ساعه التابلوه عند اى حد بتاع استيراد تكون عنده نص و بيقطعه
السلام عليكم ورحمة الله بصراحه اجمل واحلى رابطه علشان كل الناس الموجوده فيها ويارب نكون دايما مع بعض ومفيش حاجه تفرقنا باذن الله. نخش فى الموضوع يا اما العيب ان انا عنيد او العيب فى العفشجيه اللى بروحلهم علشان عندى مشكله فى الكبالن وانا بلف شمال او ماشى علطول او دوست على مطب بسمع صوت طقطقه بس مش مستمره يعنى طقطه كوبلن بس مش علطول انا غيرت راس الكوبلن مرتين وبرضوا نفس الطقطه مع العلم انى ما كنتش راضى اغيرهم لان العيب فى الكبالن اللى جوه اللى راكبه فى الفتيس ودورت عليهم ملقتهمش . السؤال الاول : عايز اشترى الكبالن الداخليه اجيبها منين وهل فى حد غيرهم قبل كدا؟ السؤال التانى : كل ما اروح لعفشجى او ميكانيكى يقولى العيب فى اللى بره واللى جوه ما عليهوش ضغط او ما بيبوظش فهل الكلام دا صحيح؟
تم بحمدلله تغير طقم كوبلن كورى بـ 250ج ومصنعية 60ج
لاقيت كوبلن اليمين متفرتك الجلدة متقطعه وكوبلن شمال كان سليم بس كان مهلوك فقلت اغيره بالمرة والكبالن الداخلية الحمدلله سليمة وكان نفسى اخد كوبلن الشمال السليم بس للأسف مكنش عايز يتفك اضطرينا نكسره بالصارووخ وطبعاً زيت الفتيس وقع كله .
أنا عايز أسأل ايه افضل زيت فتيس 140 ولا 90 واجيبه موبيل ولا عادى
تم بحمدلله تغير طقم كوبلن كورى بـ 250ج ومصنعية 60ج
لاقيت كوبلن اليمين متفرتك الجلدة متقطعه وكوبلن شمال كان سليم بس كان مهلوك فقلت اغيره بالمرة والكبالن الداخلية الحمدلله سليمة وكان نفسى اخد كوبلن الشمال السليم بس للأسف مكنش عايز يتفك اضطرينا نكسره بالصارووخ وطبعاً زيت الفتيس وقع كله .
أنا عايز أسأل ايه افضل زيت فتيس 140 ولا 90 واجيبه موبيل ولا عادى
مبروك على الكبالن
افضل زيت للاكسيل 90
و الفتيس بياخد 1.8 لتر و ماتزودش عن كده
و دور على شل الاول لو ملقتش هات موبيل
المفضلات