رابطة مالكى الاكسيل-الجزء الثانى

**magid1010** · 06-07-2012 09:37 AM

المشاركة الأصلية كتبت بواسطة ahmedzizo131

بسم الله الرحمن الرحيم
ماجود
حبيبي
اخبارك اية ؟؟؟؟
يا تري انتى بعت العربية على كام ؟؟؟؟؟

حبيب قلبى زيزو معقوله ابيع العربيه من غير ما اقولكم ده اكيد اللى مطلع الاشاعه دى واحد من الفلول هههههه

الواحد مرتبط عاطفيا بيها دى اول عربيه فى حياتى يا ناس بس هى كل شهرتدلع فى مصارفها اشى بطاريه على كبالن و اهى ماشيه بس فعلا اليومين دول بفكر فى النوبيرا و ربنا يرزق و ارجع واعرف اكمل على تمنها

**ahmedzizo131** · 06-07-2012 10:44 AM

المشاركة الأصلية كتبت بواسطة magid1010

حبيب قلبى زيزو معقوله ابيع العربيه من غير ما اقولكم ده اكيد اللى مطلع الاشاعه دى واحد من الفلول هههههه

الواحد مرتبط عاطفيا بيها دى اول عربيه فى حياتى يا ناس بس هى كل شهرتدلع فى مصارفها اشى بطاريه على كبالن و اهى ماشيه بس فعلا اليومين دول بفكر فى النوبيرا و ربنا يرزق و ارجع واعرف اكمل على تمنها

بسم الله الرحمن الرحيم
ههههههههههههههههههههههههه ه
معلش احنا فى بلد الاشعاعات
و الله و انا كمان نفسي ان شاء الله الخطوة اللى جاية فى لانوس وان بأذن الله

**a7medsh3rawi** · 06-07-2012 02:11 PM

المشاركة الأصلية كتبت بواسطة magid1010

الف شكر يا احمد على المعلومات الجمياه دى فعلا انا لما غيرت الماسوره اللى فى الصوره جبتها ب 40 جنيه و كمان الخرطوم الصغير بعشره جنيه حصل الموضوع ده واضح انه ممكن يكون الافيز اللى جوه ساب اومش مربوط كويس و الف شكر ليك مره تانيه

الشكر لله ... دا واجب عليا لازم افيد كل الاكسلاويه وارد كل الجمايل بتاعتكوا .
بالنسبه لطرف الماسوره لازم يتربط كويس علشان ما يحصلش تسريب وتلاقى الكابينه من جوه مشبره.

المشاركة الأصلية كتبت بواسطة magid1010

بس الله ما شاء الله الكسيت اللى فى الصوره شكله جديد ممكن اعرف نوعه ايه و بكام؟

لا الصوره دى مش بتاعت عربيتى لان ملحقتش اصورها وهى موجوده على النت وقلت استسهل وانزلها.... لكن انا مره كنت واحد بتاع استريوهات ولقيت واحد زيه مكتوب عليه 220ج.

**a7medsh3rawi** · 06-07-2012 02:22 PM

المشاركة الأصلية كتبت بواسطة magid1010

و اهى ماشيه بس فعلا اليومين دول بفكر فى النوبيرا و ربنا يرزق و ارجع واعرف اكمل على تمنها

المشاركة الأصلية كتبت بواسطة ahmedzizo131

و الله و انا كمان نفسي ان شاء الله الخطوة اللى جاية فى لانوس وان بأذن الله

لا بصراحه انا مش مصدق اللى بسمعه منكم معقول اول ما الواحد مننا ربنا يكرمه بقرشين يقوم يبيع ويشترى نوع تانى ... دا بدل ما نقول نركب لها مكنه فيرنا 1600ccبفتيس اوتوماتيك وعفشه وجنوط 17 وكشافات زينون ونقلبها طياره.

**magid1010** · 06-07-2012 03:20 PM

[QUOTE=engonear;3874418264]لا بصراحه انا مش مصدق اللى بسمعه منكم معقول اول ما الواحد مننا ربنا يكرمه بقرشين يقوم يبيع ويشترى نوع تانى ... دا بدل ما نقول نركب لها مكنه فيرنا 1600ccبفتيس اوتوماتيك وعفشه وجنوط 17 وكشافات زينون ونقلبها طياره.[/QUOTههههههههه لا مش ممكن طبعا

**smallpharaoh** · 06-07-2012 07:48 PM

المشاركة الأصلية كتبت بواسطة ahmedzizo131

بسم الله الرحمن الرحيم
الف الف مبروك على تغيير الفتيس
لكن كان ليا استفسار
اية سبب التغيير بعد اذنك ؟؟؟؟؟

اقولك يا باشا لما جبت العربية كان فيها الكوبلن الطويل ركبته بايظه يعنى محنى اوى مشيت عليها ست شهور وقولت اغير الكوبلن لما غيرت بقه تمام اوى السحب ... لكن ظهرت مشكلة ان زيت الفتيس مبيقعدش فيها خالص بيسرب من ناحية الكوبلن الطويل المكيانيكية قالوليلى عايز بلي كرونة داخلى وفعلا انا كنت بمسك الجزء الداخلى فى الفتيس اللى هو المشرشر اللى بيعشق فيه الكوبلن كان فيه بوش جامد اوى يعنى مشممكن ميجبش زيت ده كمان كان فيه زنة كده عند الغيار التالت لما بوصل سرعة 50 المهم مشيت عليه كده سنة ونص من غير زيت هههههههههههه هبل يعنى اصل انا زهقت من المكيانيكة وكلامهم ومكنتش واثق فى كلامهم من اسبوعين كده سمعت اصوات غريبة فى الفتيس ده زائد انه مفيش زيت خالص وانا مطنش سنة ونص وكانت ماشية عادى قولت ارحم العربية واجيبلها فتيس بس هى دى الحكاية ولو فيه اى استفسار تانى انا تحت امرك

**smallpharaoh** · 06-07-2012 07:53 PM

كان ليا استفسار كده يا جماعة انا بركن فى جراج لازق فى سور المترو وهم بيدهنوا السور الحديد اللى فوق نزل على العربية بوية ونقط كتيرة على الكبود بتاع العربية ونشفت مشعارف اشيلها ازاى لو حد عنده فكرة يا ريت من غير ما اضر دهان العربية

**magid1010** · 06-07-2012 08:55 PM

المشاركة الأصلية كتبت بواسطة smallpharaoh

كان ليا استفسار كده يا جماعة انا بركن فى جراج لازق فى سور المترو وهم بيدهنوا السور الحديد اللى فوق نزل على العربية بوية ونقط كتيرة على الكبود بتاع العربية ونشفت مشعارف اشيلها ازاى لو حد عنده فكرة يا ريت من غير ما اضر دهان العربية

ممكن عن طريق ماده اسمها بولش و دى زى ما بتكون بتصنفر البقعع و اساسا استخدامها للخدوش و انا افتكرت تجربه مره و انا لسه بتعلم السواقه حكيت فى عربيه تويوتا كرولا 2011 سوده هههههههههه مش المهم دى المهم انها كانت بتاعه صاحب العماره طبعا الدهان بتاعى الازرق كان على الرفرف ورا كلمت واحد صحبى قالى بمنديل كلينكس و بله ميه و حطه على تراب الشارع و امسح بيه البويه و طبعا و لا الهوا بعد كده بس علشان ضميرى قلتله على الحكه و مافيش حاجه و كده يعنى هههههه

جرب

**smallpharaoh** · 08-07-2012 04:27 AM

المشاركة الأصلية كتبت بواسطة magid1010

ممكن عن طريق ماده اسمها بولش و دى زى ما بتكون بتصنفر البقعع و اساسا استخدامها للخدوش و انا افتكرت تجربه مره و انا لسه بتعلم السواقه حكيت فى عربيه تويوتا كرولا 2011 سوده هههههههههه مش المهم دى المهم انها كانت بتاعه صاحب العماره طبعا الدهان بتاعى الازرق كان على الرفرف ورا كلمت واحد صحبى قالى بمنديل كلينكس و بله ميه و حطه على تراب الشارع و امسح بيه البويه و طبعا و لا الهوا بعد كده بس علشان ضميرى قلتله على الحكه و مافيش حاجه و كده يعنى هههههه :copy of m-s5::copy of m-s5:جرب

الف شكر يا باشا على الاهتمام

**smallpharaoh** · 08-07-2012 04:30 AM

يا رجالة الاكسيل بعد ماغيرت الفتيس حاسس ان صوت الموتور بقى اعلى من الاول مع كل غيار بمعنى لما بعد ال 30 على التانى بسمع صوت الموتور عالى والتالت بعد ال 50 صوت الموتور بيعلى اوى والرابع عند ال 80 بيبقى عالى الخامس تمام بس الفتيس القديم مكنش كدا مكنش صوت الموتور بيعلى عايز اعرف اى واحد فيهم الصح