رابطة مالكى الاكسيل-الجزء الثانى

**a7medsh3rawi** · 02-08-2012 05:33 AM

المشاركة الأصلية كتبت بواسطة singary2010

السلام عليكم ورحمة الله وبركاته
الحمد لله انا غيرت التكيف بتاع العربيه بتكيف جديد زيرو لان صرفت كتير على التكيف القديم وللاسف بدون نتيجه ومعظم الصنايعيه بتوع التكيف مش بيرضوا يشتغلوا فى تكيف الاكسيل معرفش ليه
المهم كان نفسى اشغل التكيف ويفضل شغال على طول لكن قبل كده كان كبيره اسبوع ويرجع تانى
هوه بصراحه كلفنى 300 بالمصنعيه بكل حاجه انا سلمته العربيه تانى يوم استلمت العربيه بالتكيف والحمد لله شغال تمام زائد انه مش حمل على العربيه يعنى اكتر من ان ال ار بى ام تعلى لحد الواحد مافيش مافيش كلبشه فى المكنه زى الاول

وعليكم السلام ورحمة الله وبركاته.
الف الف مبروك على التكييف ومش خساره فيه الفلوس .
لان اليومين دول حراره الجو عاليه فعلا والهوا سخن والعربيه ما بعرفش اسوقها الا والتكييف شغال علشان تبقى سواقه رايقه ومستريح فى المشوار.
معلش ممكن نعرف ايه القطع اللى اتغيرت فى العربيه ولو فيها تعب نعرف كمان كل قطعه تمنها كام؟

**singary2010** · 02-08-2012 01:14 PM

المشاركة الأصلية كتبت بواسطة engonear

وعليكم السلام ورحمة الله وبركاته.
الف الف مبروك على التكييف ومش خساره فيه الفلوس .
لان اليومين دول حراره الجو عاليه فعلا والهوا سخن والعربيه ما بعرفش اسوقها الا والتكييف شغال علشان تبقى سواقه رايقه ومستريح فى المشوار.
معلش ممكن نعرف ايه القطع اللى اتغيرت فى العربيه ولو فيها تعب نعرف كمان كل قطعه تمنها كام؟

القطع هى السربنتينه + الكباس+ التلاجه+ الخراطيم كل ده جديد
الحاجه الوحيده القديمه هى المروحه بس الراجل قالى ان مروحتك احسن من الجديده
بالنسبه لموضوع ثمن القطع للاسف انا مسألتش وعايز اقولك انا كمان سبتله الحاجه القديمه مع ان كان فيها حاجات كويسه زى التلاجه مثلا بس للاسف انها مش هتركب عندى تانى خلاص لان الجديد يابانى والقديم كورى فقالى انها مش هتنفع تركب على الجديد وكمان قولت هعمل بيها ايه انا عندى حاجات قديمه فى الجراج مش بعمل بيها حاجه خالص

**ahmedhtaher** · 02-08-2012 03:20 PM

المشاركة الأصلية كتبت بواسطة aboharb

حضرتك عارف مطعم البرنس خش الشارع اللى قدامه وبعدين يمين فى اول شمال اول اسال على يحى بتاع الكربراتير ده مشهور هناك برد ومحل التكيفات اسمه العالميه للتبريد الاسطى سامى اما الميكانيكيه مش هقدر افيدك علشان مفيش حد كويس شفته حتى الان

شركا علي ردك

**mahmahmah31** · 02-08-2012 07:15 PM

المروحة عندي في الأكسل بتشتغل لما مؤشر الحرارة يكون أعلي من المنتصف بقليل هل هذا طبيعي ؟

**mahmahmah31** · 02-08-2012 07:17 PM

المشاركة الأصلية كتبت بواسطة mahmahmah31

المروحة عندي في الأكسل بتشتغل لما مؤشر الحرارة يكون أعلي من المنتصف بقليل هل هذا طبيعي ؟

أنا أول مرة أشارك معكم وانتم جروب محترم أرجو الرد سريعاً علشان الموضوع ده مضايقني مع العلم اني غيرت الترموستات

**a7medsh3rawi** · 02-08-2012 11:47 PM

المشاركة الأصلية كتبت بواسطة mahmahmah31

أنا أول مرة أشارك معكم وانتم جروب محترم أرجو الرد سريعاً علشان الموضوع ده مضايقني مع العلم اني غيرت الترموستات

قبل ما تركب الترموستات لازم تعرف هو بيشغل المراوح على درجه حراره كام لان الاصلى بيشتغل على 85 درجه والطبيعى ان اول ما الحراره توصل للربع او فوق الربع حاجه بسيطه تشتغل المراوح علشان ما تأثرش على الميه وتتبخر .

**amr_khattab** · 05-08-2012 07:07 PM

السلام عليكم
انا بدور على اكسيل 1300
وقدامى عربيتيين من المفترض انى اخلص فى واحدة منهم بكرة !!!
الازلى فبريكة برة وجوا ما عدا باب فيه حتة بارومة عايزة تتعمل وفيه حتة كدا مزقوقة لجوة "تترد على البارد" وكمان الكبوت فيه تطبيق كدا يكاد لا يذكر والزجاج الامامى محتاج يتغير ومفيهاش رخصة غيرشهرين والعربية فيها باور وسنتر وانذار وزجاج كهرباء
العربية التانية فابريكة جوا وراشة برا بس تحس انها نضيفة بس مفيهاش باور ...فيها سنتر ووحدة رفع بس وفيها رخصة سنة
الاتنين بنفس السعر تقريبا "28" والموديل 96 ومفيهومش تكييف فيا ريت تفيدونى
كمان عايز اعرف سعر الباور للاكسيل لو هركبه يعنى يتكلف كام ؟؟
ارجو الرد بسرع

**wael6** · 06-08-2012 02:05 AM

السلام عليكم ورحمة الله
عربيتي ان شاء الله للبيع
هيونداى اكسيل 1500 cc مو 95 - كورى خليجي - مانيوال -
لون ابيض - فبريكا دواخل -
رشه خوارج - كامله
( زجاج كهربا - وحدات رفع - تكييف شغال - كاوتش جديد بالفعل- موتور بحالة 90-95 % - صيانة دورية
عفشه شبه مجدده بالكامل وبحالة جيده - بطارية جافه جديده -
( طقم كهربا جديد ( مارش ودينامو واسبراتير ) - طقم سيور جديد - صالون جلد جيد جدا )
رخصه سنه سارية باسم المالك
مطلوب 37000 ج قابل للتفاوض البسيط
المعاينه باذن الله تعالى بالمنصورة
01006707167
وشكرا جزيلا

**eldissouky** · 06-08-2012 02:53 AM

السلام عليكم يا رجالة
انا اخدت قرار بتوضيب العربية عشان فيها شوية مشاكل و خايف تكبر ، بس محتاج مساعدتكم ( عشان فعلا مساعدتكم ليها قيمة و فايده كبيرة جدا ) محتاج اسعار قطع الغيار دي و المصنعيات :
مساعد امامي : ؟؟؟
كوبلن : ؟؟؟
طقم كهربا ( بوجيهات + وش اسبراتير ) : ؟؟؟
و عندي مشكلة ف الحرارة بتعلى للنص او اكتر ، و كنت نظفت الريداتير و غيرت الميا و لسه مغير زيت و فلتر ، مع العلم ان المروحة شغالة ، بس انا خايف الحرارة تاثر على حاجة ف الموتور ، و خصوصا انها بحالات ايام تسخن و ايام لأ ، هل ممكن يكون في حاجة بتعلق ؟؟؟ الموتور بيبقى سخن فعلا حتى لو المشوار صغير قيمة 5 دقايق و الجو مش حر .
يا ريت الاقي افادة خصوصا ف الموضوع ده .
شكرا جزيلا .

**ahmedzizo131** · 06-08-2012 08:57 AM

المشاركة الأصلية كتبت بواسطة eldissouky

السلام عليكم يا رجالة
انا اخدت قرار بتوضيب العربية عشان فيها شوية مشاكل و خايف تكبر ، بس محتاج مساعدتكم ( عشان فعلا مساعدتكم ليها قيمة و فايده كبيرة جدا ) محتاج اسعار قطع الغيار دي و المصنعيات :
مساعد امامي : ؟؟؟
كوبلن : ؟؟؟
طقم كهربا ( بوجيهات + وش اسبراتير ) : ؟؟؟
و عندي مشكلة ف الحرارة بتعلى للنص او اكتر ، و كنت نظفت الريداتير و غيرت الميا و لسه مغير زيت و فلتر ، مع العلم ان المروحة شغالة ، بس انا خايف الحرارة تاثر على حاجة ف الموتور ، و خصوصا انها بحالات ايام تسخن و ايام لأ ، هل ممكن يكون في حاجة بتعلق ؟؟؟ الموتور بيبقى سخن فعلا حتى لو المشوار صغير قيمة 5 دقايق و الجو مش حر .
يا ريت الاقي افادة خصوصا ف الموضوع ده .
شكرا جزيلا .

بسم الله الرحمن الرحيم
مساعد امامى كورى 180 ج
كوبلن كورى 100 ج
وش اسبراتير 25 ج