الموضوع: رابطة مالكى الاكسيل-الجزء الثانى

المشاركة الأصلية كتبت بواسطة شريف ناصر

بسم الله الرحمن الرحيم
خير ما أبدء به الكلام كعضو معكم فعال بأذن الله

ثانياً :-
أشتركت أمس ليلاً و لم أنم حتى الأن لقد قرأت الجزء الأول و الثانى قبل أن أبدء التفاعل معكم و أنه ليشرفنى وجودى بينكم من أسلوبكم الراقى فى الحوار و الرد .

نبدء على بركه الله
بالنسبه للأكسيل أنها سيارة محترمه جداً أشتريتها سنه 1996 و انا فى ثانيه ثانوى وهى ثانى سيارة الأولى كانت فيات 128 قعدت معاياً 20 يوم ثم أشتريت الأكسيل بمبلغ 51000 جنيه مصرى + 2500 تأمين طبعاً البركه فى مساعدة الوالد ربنا يجعله بصحته دائماً و حتى سائق أبو غالى لم أجعله يلمسها انا من أنزلتها من على حامله السيارات بنفسي و حتى الأن لا يلمسها غيرى و أخترت اللون النبيتى لأن السيارات الخمسه الأخرى كانت أبيض و أزرق ولم ولن أفرط فيها حتى بأذن الله الأن رغم ان تحت يدى سيارة شيروكى 1999 و أرى ان الأكسيل أفضل من حيث البنزين و قطع الغيار فواحدة 6 سلندر 4100 سي سي و الثانيه 4 سلند 1500 سي سي .
السيارة موديل 1996 gls كامله مانيوال خسمه غيار غير المارشدير 1500 سي سي خليجى رشه خارجى فقط من خمس سنوات نضافه و ياريتنى ما رشيتها لم تكن محتاجه أوى بصراحه بس صديق أقنعنى فبريكه دواخل كامله حتى الفرش الفابريكه موجود مركب عليه فقط كسوة جلد مشيت بها فقط حتى الأن 74 الف كيلو حاله السيارة 98 % و الـ 2 % سأشرحهم لاحقاً طبعاً المرور عامله فى شيراتون على عنوان البطاقه النزهه الجديدة بعيد عن الدوشه و معظمهم هناك أصحابى بالمرور التأخير فقط فى أستلام الرخصه المجددة بيكون نصف ساعه يعنى الموضوع كله ساعه بالكتير أن لم يكن أقل غير معاملتهم المحترمه جداً .
كماليات السيارة :-
4 زجاج كهرباء - باور - تكيف ثلاجه لم أشحنه منذ أشتريتها من 17 سنه ولا مرة - سنتر - وحدتين رفع زجاج امامى - تحكم فى الكاسيت من الدريكسيون بدون تعديل فقط مديلتور يعمل على الكاسيت الأصلى أشتريته من التوفيقيه بـ 75 جنيه من سنتين أعتقد رخص الأن .
من الأخر أنها رابع أولادى أهتم بها جداً و بأذن الله معكم سأضبط الـ 2 % المتبقين بها
لكن قبل ذلك
أود أن أتعرف عليكم و خاصه أن معظمكم من شبراً مثلى أنا من شبراً مصر عند نفق أحمد بدوى ناحيه طرشجى العالمين ( مفيش شبرواى ميعرفهوش ) مهندس نظم معلومات 31 سنه عندى 3 عفاريت أسمى الحقيقى هو المكتوب و أتمنى لو أتعرف على الباقين بالمثل .
و هذة هى صورة السيارة :-
من الجانب

من الأمام


العيوب عندى :-
- الأضاءه ضعيفه جداً أفكر فى لمبات فيلبس رالى أو ماهو أفضل بعد الرجوع لخبرتكم مع تغير كشافين أمامين وهى بها الكتاوت و كل شىء .
- أريد تركيب فوجات للسيارة بدون أن أحفر فى السيارة و أعدل شكلها حاجه تكون مرسومه على شكل الهوايتان الذين فى أسفل الأكصدام لا أعرف ماذا يكون نوعهم لكنى معتمد على خبرتكم .
- السيارة بعد الـ 150 الدريكسيون بيرجرج فى أيدى و محدش يقولى السيارة خفيفه و بتعوم ماشاء الله على هذة النوعيه من السيارات معرفش جبتم كلمه بتعوم و خفيفه دى منين أنا جاى بها من أسكندريه مخليتش حد فى الطريق من شيفورليه ولا لا نوس و لا متسوبيشى فقط البى أم و المرسيدس لم أقدر عليهم و حته هيونداى سوناتا وكنت أنا و زوجتى و بناتى الـ 3 و شنطتين هندباج بالشنطه أى ليس وزن مع ذلك مش معدل بالعفشة أو شىء فقط رافعها بـ 3 زومبه عشان المطبات و هذا شىء لا أشتكى منه حالياً ( المطبات ) لذلك موضوع التعويم و خفيفه موضوع وهم عن خبرة أكثر من 17 سنه بهذة السيارة لذلك عايز أعرف سبب الرجرجه .
- كرسي السائق معوج قليلاً ناحيه الباب مثل الجميع هنا و لا أعرف حد شاطر يعمله عملته مرتين قبل ذلك و لكنه عاد من جديد .
- أفكر فى تركيب سونسور بارك لكنى أريد شىء يكون شكله جذاب و عملى مش يبوظ بعدها بشهر لأنى حركبه ككماليه و منظر للسيارة و لست فى أحتياج له لأنى حافظ أبعاد العربيه جداً و بركن بأضيق الأماكن و هذة ميزة أخرى ليس موجود بالشيروكى .
- أريل كهرباء واحد ابن حلال كسرة من الجذور .

جزيل تحياتى و أحترامى للجميع لقد أطلت عليكم

و أتمنى لو أرى صور سيارات الأعضاء أيضاً
هذا رقم هاتفى 01117917908 لو حد عايز مساعدة فلدى
- ميكانيكى السيارة معى منذ أشتريتها جار لي و هو يعمل أصلاً بتوكيل شركه فولكس واجن و هو بارع كلمه قليه عليه و أسعارة معقوله و أحياناً أزيد شويه لكنه ليس طماع و يشتغل بضمير و هذة أهم نقطه لديه التقييم مليار % بسبب السعر و الضمير و الخبرة و يعمل بيدة فقط مع مساعد واحد أبنه .
- كهربائى لدى واحد شاطر لكنى أتمنى لو أجد من هو أشطر منه بشبرا فهو مثلاً 90 % عيبوبه المواعيد و لدى واحد أخر أشطر منه التقييم مليار % لكن هناك عيبين به أنه أولاً بعين شمس و ليس شبراً ثانياً المواعيد ليس تقصير منه و لكنه أساساً فنى مرسيدس و لذلك هناك طوابير بالدور عليه و أخبرة قبلها بثلاث أيام أنى قادم له .مميزاته أمين جداً يعمل بضمير جداً جداً و لو أحضر له قطعه غيار غير المضبوطه يرفض تركيبها و يقولك وديها لحد تانى أعدنى شهرين أدور له على ذراع نور معين عشان يركبه هذا الكلام من 4 سنوات السعر يرضى بقليه و المزاج عندة فى الشغل أهم شىء و هذا ميزة و عيب بنفس الوقت ممكن يقول لك عدى بعد أسبوع و ممكن يعملها فى ساعتها هو و مزاجه الشيروكى رحت بيها مرة و كان مزاجه رائق غير لي خراطيم التكيف و ضبط الكاسيت و غير لي الفوانيس و بقول له المصنعيه كام قال لي 10 جنيه بس ذهلت و أعطيته 20 و 5 للمساعد مع أنى كنت متوقع يقول لي 100 لأنه أشتغل فى العربيه ساعتين غير أنه بعت المساعد لشركه خراطيم للكبس .
- عفشجى لا أعرف أحد كل من تعاملت معهم أو بمعنى أصح وقعت معهم حراميه و نصابين و بدون ضمير نهائياً .

يا باشا انت نورت الرابطة ويشرفنى شخصياً انك تكون معانا فى نفس الرابطة زى ما أنا متشرف بكل أعضاء الرابطة الكرام وحقيقى سوف تستفاد من الرابطة جداً وسوف تفيدنا أنت كمان بخبرتك مع الإكسيل وخصوصا انك من الملاك القدام للسيارة وأكيد عارف كل صغيرة وكبيرة فيها بحكم السنين اللى انت قضيتها مع العربية ديه وانا معاك جداً جداً فى ان العربية ديه ممتازة جداً لأنى مجربها بقالى سنتين لحد دلوقتى والحمد لله وما شاء الله ولا قوة إلا بالله لم أشتكى منها فى أى حاجة سوى بعض الأشياء البسيطة ومعاك كمان فى موضوع ان العربية بتعوم أنا بمشى بعربيتى فى أغلب الأحوال على الطرق السرية من 120 إلى 150 كم/س لم والسيارة فى منتهى الثبات فأكيد اللى العربية بتعوم منه أكيد فيها حاجة مش مظبوطة فى العفشة بتاعتها ومعاك كمان فى إن العربية ممتازة من حيث الصيانة وقطع الغيار وعموماً أى عربية طول ما انت ايدك فيها وصيانتك فى وقتها أكيد هتفضل عربية ممتازة وربنا يارب يباركلك فيها ويكفيك شرها ويخليلك أولادك أنا أخوك حسام فاروق مصمم جرافيك ومن الجيزة واتشرف بمعرفتك