رابطة مالكى الاكسيل-الجزء الثانى

**Hossam Farouk** · 16-10-2014 10:36 AM

المشاركة الأصلية كتبت بواسطة hamisa08

مشاء لله ممكن نعرف موضوع تعديل الشنطة ليفتح من الداخل عاملة ازاى ؟؟ وهل كان فية لحمات او تعديل فى دراعات الشنطة ؟؟

الملحوظة التانية لمبة فيلبس رالى لازم يركبلها كتاوت من غير الكتاوت مش هتحس بيها اووى وممكن تسيح لقدر لله حاجة عندك

بص يا باشا أنا معملتش تعديل على الشنطة عشان تفتح من الداخل هى العربية أصلاً كده نازلة فول أبشن شنطة وتانك من الداخل بس لما بحثت فى الموضوع ده عرفت شوية حاجات ممكن تفيدك لو انت عندك الشنطة مش مجهزة للفتح من الداخل وهى انك هتجيب مفتاح فتح الشنطة من تابلوه استيراد وهو له مكان موجود فى التابلوه بتاع العربية فى الجنب الشمال عند مفتاح الشفاط بتاع العربية وتركبه وكمان تجيب كالون كهربا استيراد من أى شنطة وتركبه على الشنطة بتاعتك وتوصل الكلام ده كله عند الكهربائى وممكن كمان تركب سنتر فتح وقفل الأبواب بالشنطة ده أنا مركبه عندى بفتح الشنطة بالريموت وده متوافر بالسوق وتمنه حوالى تقريبا 120 إلى 150 جنيه بدون إنذار ونفيش أى تعديل ولا لحامات فى الدراعات لأنها مالهاش دعوة بالموضوع ده خالص أتمنى إنى أكون أفدتك .

**Hossam Farouk** · 16-10-2014 10:55 AM

[QUOTE=hamisa08;3875786952]ممكن صورة للاكصدام او شكل الفوجات ولك جزيل الشكر وبوسه كمان ياعم

كل ماجى أرفع الصور يقولى انهم بيعملوا صيانة فى الموقع هستنى وقت تانى وابعتهالك

**Magoda** · 16-10-2014 11:36 AM

Hossam Farouk
ممكن تقولنا العفشة عندك اخبارها ايه
وتنصحنا بإيه لشد العفشة من قطع غيار لتخفييف الدب والرزع الكتير والمراجيح اللى بنحس بيها
وتقولنا على مكان كويس لتنجيد الكرسى الامامى (سروجى)

**dramyd** · 16-10-2014 11:39 AM

المشاركة الأصلية كتبت بواسطة Hossam Farouk

وانت طيب وبألف صحة وسلامة يا رامى ولو إن الرد متأخر شوية بس أنا بقالى فترة مش بدخل على المنتدى لأنى كنت مطحون فى الشغل وربنا يطمنا عليك وعلى كل الإكسلاوية واللى فى المنتدى يارب وتكونوا فى جميعاً فى أحسن صحة وأحسن حال يارب

حســـــــــــــــــام باشا ... حمدلله على السلامــــــــة

وحشتنا يا راجل ... الحمد لله انك خلصت شغلك على غير ويارب تكون بافضل حال .

**dramyd** · 16-10-2014 11:42 AM

[QUOTE=Hossam Farouk;3875787795]

المشاركة الأصلية كتبت بواسطة hamisa08

ممكن صورة للاكصدام او شكل الفوجات ولك جزيل الشكر وبوسه كمان ياعم

كل ماجى أرفع الصور يقولى انهم بيعملوا صيانة فى الموقع هستنى وقت تانى وابعتهالك

ارفع على نايل موتورز ....
مركز تحميل نايل موتورز

الراجااااااااااالة هنا محتاجنلك ..

**dramyd** · 16-10-2014 11:48 AM

المشاركة الأصلية كتبت بواسطة magoda

تقرير ياسر الكهربائى ( شبرا مصر )

أسعار الشراء و التركيب بتاريخ 11 أكتوبر 2014

1 ازاز كشاف أمامى شمال 35جنيه مع العلم لو كنت جبت الجوز بـ 50ج
2 باغة اشارة أمامى 10ج
شنب 45ج
لمبة 200/260 25ج
انبوبة سيلكون حرارى 10ج
تصليح سنترلوك

المصنعية 20ج بعد مناهده عشان مكنش عايز فلوس أصلاً وقالى خلاص اتفضل انا معملتش حاجه

نبذه عن ياسر الكهربائى دمه زى العثل ... اول ماشفته ارتحتله ... طول وقت الشغل مقضينها هزار ... رااجل فاهم هوه بيعمل ايه ... حد ثقة ... واخيرا اسعاره بلا منافس

ياسر دة اللى مادو قلانا علية ...
الرااااااااااجل دة فعلا مش واخد حقة ياجدعان ....
انا هجبلوووووو شوية حاجات وارحلو ان شاء الله ..

**dramyd** · 16-10-2014 11:49 AM

المشاركة الأصلية كتبت بواسطة hamisa08

مشاء لله ممكن نعرف موضوع تعديل الشنطة ليفتح من الداخل عاملة ازاى ؟؟ وهل كان فية لحمات او تعديل فى دراعات الشنطة ؟؟

الملحوظة التانية لمبة فيلبس رالى لازم يركبلها كتاوت من غير الكتاوت مش هتحس بيها اووى وممكن تسيح لقدر لله حاجة عندك

الموضوووووووع سهل جدددددددى ....
قربة سنتر 25 ج
سلك سماعات 10 ج
مفتاح 3 ج ... ويلالالالالالا عاوززززين نروح لياسر الكهربااااااائى

**شريف ناصر** · 16-10-2014 01:05 PM

المشاركة الأصلية كتبت بواسطة mado83

سيدى الفاضل
بالنسبه لموضوع طنبوره الكرنك
انا عاوزك تفك العجله الشمال وتدور العربيه وتشوف الطنبوره بترف معاك ولا لا
وفى مسمار فى نص الطنبوره بيربط بمفتاح العجل الصليبه اربطه يمكن هيا سايبه ومش مربوطه
وياريت توضح الصوت عامل ازى يعنى صوت تكسير ولا صوت ونه ولا ايه بالظبط

لم أجرب فك العجله و الصوت أثناء المشى عامل زى صوت حكحكه سير على خفيف لكنه مستمر و أشعر معه كما لو كنت راكب سيارة نصف نقل
تحياتى

**Magoda** · 16-10-2014 01:54 PM

هو تغيير فلتر الهواء كل قد ايه انا بقالى فترة كبيرة مغيرتوش ولا نضفته

**hamisa08** · 16-10-2014 01:54 PM

المشاركة الأصلية كتبت بواسطة dramyd

الموضوووووووع سهل جدددددددى ....
قربة سنتر 25 ج
سلك سماعات 10 ج
مفتاح 3 ج ... ويلالالالالالا عاوززززين نروح لياسر الكهربااااااائى

انا شنطة عندى بتفتح بالمفتاح كدة هحتاج اية بقى واحدة واحدة

وشكرا للاستاذ / شريف
تقريبا كدة هحتاج زرار فتح شنطة اللى موجود فى تابلوة حد يعرف سعرة ؟

وكالون اتوماتيك للشنطة حد بردة يعرف سعرة ؟