الموضوع: رابطة مالكى الاكسيل-الجزء الثانى

مادو عايز منك تقرير ضرورى
عن لحام الركب ولو شرخ اسيبة و اكبر دماغى ولا اية ؟؟
وحد سمع او جرب لحام الاريجون ؟؟ اعرف انة غالى بس مش عارف فى حدود كام ؟
واية الحل النهائى لها

المشاركة الأصلية كتبت بواسطة hamisa08

مادو عايز منك تقرير ضرورى
عن لحام الركب ولو شرخ اسيبة و اكبر دماغى ولا اية ؟؟
وحد سمع او جرب لحام الاريجون ؟؟ اعرف انة غالى بس مش عارف فى حدود كام ؟
واية الحل النهائى لها

بص يابرنس هتروح للسمكرى هتقوله عندى كسر فى الركب هينزل تحت العربيه وهيلحمهالك
وهياخد منك بالكتير 120ج
وهتقعد بيها حوالى سنه لو اخدت مطبات كتبره هترجع تفتح تانى وتعملها تانى ودى مش قضيه
حلها اللى لا رجعه فيه بأذن الله انك تروح لميكانيكى يخرجلك الماتور وتوديها للسمكرى يعملك ليها تقويات صاج وانشاء الله ماتفتحش تانى وده انا مش برجحه الا لو انته هتعمل عمره وهتشيل الماتور انما الحل الاولانى قشطه شغال وكلنا بنعمله وده اللى هو الاوكسى استيلين مع الهوا
انما الاريجون ده ماعرفهوش بصراحه
الاهم من كل ده انه حتى لو شرخ اعمله احسن مايبقى كسر
لو ماعندكش حد يعملهولك عدى على ياسر الكهربائى فى عنده سمكرى شاطر وحنين
شوف عاوز ايه ياهاميسا تانى قبل مادخل الغساله علشان انا فى الشغل

المشاركة الأصلية كتبت بواسطة شريف ناصر

السلام عليكم
و السلام على الأخوة المحترمين جميعاً برابطه مالكى الأكسيل و معذرة على التغيب للأنشغال التام و عدم استطاعتى غير الدخول على الفيس من الهاتف .
جزيل تحياتى و أحترامى للجميع
و بأذن الله سأكون عند ياسر الكهربائى غداً فهل أحد من الأخوة سيكون هناك و أتشرف بالتعرف عليه ؟

ياجدعان ياجدعان فى اخبار كده ان واحد صاحبنا هنا فى الرابطه راح ركب مرايات كهربا عند ياسر وماتكلمش ولا عمل تقرير ولا قالنا النتيجه ولا اى حاجه بس انا العصفوره بتقولى لما بعدى عليها
ترجع بالسلامه من المصيف ياكبير:b4_007:

السلام عليكم ورحمة الله وبركاته للرابطه المحترمه
لسه عامل طقم سيرفيس للعربيه وحبيت اعرفكم الاسعار من باب نشر المعلومه
1- فلتر هواء 35
2- فلتر بنزين 25
3- طقم بوجيهات 45
4- بلية كاتينا 70
5- سير كاتينا 75
6- سير باور 20
7- سير دينامو 25
8- سير تكييف 25
9- جوان غطاء تاكيهات 15
10- اويل سي كامه 20
بس عندي سؤال لو سمحتو للي عندو خبره في الماتور ، انا لما روحت اعمل طقم الصيانه ده العربيه كانت مظبوطه معايه وبعد ما الصنايعي غير الحاجات دي العربيه تلتت ولما بساله قالي جابت صباب وقولتلو اني مش جاي بالعربيه كده ، قالي ان الي عمله ملوش دعوه بالصبابات " مباظتش منه يعني " وقالي العربيه هتبات عنده عشان هيفك الوش ويشوف الصباب .
ياريت حد يفدني ضروري في الوضوع ده قبل ما اروح احاسبه النهارده عشان على قد علمي المتواضع ان الكاتينا ليها علاقه بالصبابات لان وهوا بيجرب قالي دور ولما دورت سمعت صوت طرقعه

المشاركة الأصلية كتبت بواسطة mado83

قولنا الترشيح من اين بالظبط
لو من فوق المكنه يبقى جوان تاكيهات
لو من عند بلية الكاتينه يبقى اولسيه الكرنك
حدد بالظبط مكان الترشيح
اما مشكله الحدفه اكشف على الركب ليكون فى كسر وجلب المقصات وطالما الكاوتش جديد يبقى لازم يترصص علشان الرجرجه

شكرا لحضرتك على الاهتمام

بالنسبه للترشيح انا مش فاهم قوي بس هاحاول اشرح لحضرتك انا لما بفتح الكبوت بيبقى الترشيح في الجزء اللي في الشمال عند الدبرياج والفتيس وكمان الزيت مغرق الكوبلن اللي على شمالي وانا فاتح الكبوت

وبالنسبه للركب دي اكشف عليها ازاي ؟ لو من الكبوت يبقى سليمه لاني مش بشوف اي شروخ حوالين البطاحات

انا مغير من 3 شهور اتنين مساعدين قدام ومقص شمال

انا ركبت الكاوتش عند غطاطي وهو بيرصص قبل ما يركب


وشكرا

المشاركة الأصلية كتبت بواسطة mada6630

السلام عليكم ورحمة الله وبركاته للرابطه المحترمه
لسه عامل طقم سيرفيس للعربيه وحبيت اعرفكم الاسعار من باب نشر المعلومه
1- فلتر هواء 35
2- فلتر بنزين 25
3- طقم بوجيهات 45
4- بلية كاتينا 70
5- سير كاتينا 75
6- سير باور 20
7- سير دينامو 25
8- سير تكييف 25
9- جوان غطاء تاكيهات 15
10- اويل سي كامه 20
بس عندي سؤال لو سمحتو للي عندو خبره في الماتور ، انا لما روحت اعمل طقم الصيانه ده العربيه كانت مظبوطه معايه وبعد ما الصنايعي غير الحاجات دي العربيه تلتت ولما بساله قالي جابت صباب وقولتلو اني مش جاي بالعربيه كده ، قالي ان الي عمله ملوش دعوه بالصبابات " مباظتش منه يعني " وقالي العربيه هتبات عنده عشان هيفك الوش ويشوف الصباب .
ياريت حد يفدني ضروري في الوضوع ده قبل ما اروح احاسبه النهارده عشان على قد علمي المتواضع ان الكاتينا ليها علاقه بالصبابات لان وهوا بيجرب قالي دور ولما دورت سمعت صوت طرقعه

لا الموضوع مش كده هو كده خلف التقسيمه ولا يقسم من جديد علشان كده سمعت صوت طرفعه
انته واثق من الميكانيكى ده ولا ايه ظروفك

المشاركة الأصلية كتبت بواسطة 3bdelr7man

شكرا لحضرتك على الاهتمام

بالنسبه للترشيح انا مش فاهم قوي بس هاحاول اشرح لحضرتك انا لما بفتح الكبوت بيبقى الترشيح في الجزء اللي في الشمال عند الدبرياج والفتيس وكمان الزيت مغرق الكوبلن اللي على شمالي وانا فاتح الكبوت

وبالنسبه للركب دي اكشف عليها ازاي ؟ لو من الكبوت يبقى سليمه لاني مش بشوف اي شروخ حوالين البطاحات

انا مغير من 3 شهور اتنين مساعدين قدام ومقص شمال

انا ركبت الكاوتش عند غطاطي وهو بيرصص قبل ما يركب


وشكرا

الترشيح اللى حضرتك بتقول عليه دهلو هو من فوق وبيوقع على الكوبلن يبقى من جوان وش السليندر اللى فى نص الماتور او انه يكون ترشيح من كاوتشة الكوبلن وده ينقص زيت الفتيس مش زيت الماتور
الركب دى تبان من تحت العربيه يعنى لازم ترفع العربيه علشان تشوف الشروخ او الكسر مابين الجزء اللى ماسك المقص واللى ماسك شاسيه العربيه

المشاركة الأصلية كتبت بواسطة mado83

الترشيح اللى حضرتك بتقول عليه دهلو هو من فوق وبيوقع على الكوبلن يبقى من جوان وش السليندر اللى فى نص الماتور او انه يكون ترشيح من كاوتشة الكوبلن وده ينقص زيت الفتيس مش زيت الماتور
الركب دى تبان من تحت العربيه يعنى لازم ترفع العربيه علشان تشوف الشروخ او الكسر مابين الجزء اللى ماسك المقص واللى ماسك شاسيه العربيه

تمام فهمت حضرتك المهم اصلح الحجات دي فين
وجزاك الله خيرا