الفكرة جاتلى من سنة وقعدت اقرا فى المنتدى هنا علشان الم كل حاجة عن العربية الجين 2 وكل مميزاتها وكل عيوبها لغاية لما الحمد لله وبفضل الاخوة اللى هنا وارائهم الايجابية وتعليقاتهم على السلبيات لقيت نفسى قررت انى لاوم اشتريها
نزلت مصر اجازة وروحت اشتريتها من واحد اعرفه مستعملة موديل 2007 وكانت عاملة حوالى 12000 كم وماكانش فيها الهوا فعلا
المهم انى سوقتها فى مصر شوية وبعدين سيبتها مع مراتى
تعليقى عليها كان زى ما انا شفت فى المنتدى هنا ومش هاطول فى شرحه لاننا كلنا عارفين عيوبها البسيطة
لكن المشكلة فى استهلاك الوقود الغير طبيعى وفى الاول ما اهتمتش لكن بعد الزيادة اكيد لازم احطه فى الاعتبار وخصوصا انى من الزقازيق ولما بانزل اجازة لازم اروح شركتى فى المعادى كل يوم تقريبا
المهم انا لقيت الاستهلاك عبارة عن 10 لتر لكا 100 كم وطبعا ده انا حسب موقع بروتون وحسب المعادلات اللى حطها العضو المحترم tut
لقيت ان الطبيعى هو من 7 - 7ونص لتر \100 كم
فانا اتعقدت بصراحة وجات زوجتى بتقولى انا بافول التانك الاقى كمبيوتر العربية يكتبلى باقى 424 كم فى التانك ولما تشغل التكييف الاقى الكيلومترات بتقل جدا
انا مش حابب انى احبط نفسى او أكد كلام اصحابى لما عارضونى انى اشترى العربية دى
لأنى مقتنع بنسبة 100% بيها وكفاية انك تكون واحد من ضمن مية راكب عربية مختلفة لوحدك ومش اى اختلاف
فانا اتبع نظرية اسأل استشير قبل ما اعمل اى حاجة
ومش هلاقى احسن من هنا احط فيه تساؤلاتى كلها وانا زوجتى كانت ناوية تروح التوكيل علشان صيانة ال20000 لكن قولتلها استنى لما ناخد رأى الناس الى خلونى اشترى العربية
اعذرونى للاطالة لكن انا مش فى مصر وكنت عايز مشورتكم لربما يكون فى مشكلة عندى فى العربية والا حاجة
وعلى فكرة انا كنت حاطط الموضوع ده بس بشكل مختصر فى موضوع تانى بتاع استهلاك الجين 2 للوقود لكن ما جاليش رد فقولت اعمله لوحده يمكن افيد واستفيد
وشكرا
عماد الحبشى