الموضوع: عايز اقول كل اللى فى قلبى من السيريون والتوكيل و كلام الأعضاء فى الموقع عنها

أولا كريم منير وباقي الأعضاء الكرام قالو كل اللي ممكن الواحد يقوله ردا على كلام حضرتك
ثانيا ان مش شايف اي مشكلة صراحه لأن كما وضح كريم منير في مسألة الأسعار وقطع الغيار الياباني واسعارها

حضرتك قبل ما تقول قطع غيار غاليه هاتلي اسعار سيارات مثيلة ياباني
لأن طبعا مش معقولة تجيبلي منتج كوري او صيني وتقولي اقارنه بمنتج ياباني
مش هنتكلم عن الجودة والكفاءة والكلام ده بس على الأقل دي صناعه بثمن ودي بثمن وده شئ في العالم كله وليس هنا فقط

ثالثا قطع الغيار اللي انا كاتب اسعارها انا كاتب في اخر الموضوع انها زايده 6% تقريبا على ما اتذكر او 7%
يعني بعمل ابديت عليها بس يظهر حضرتك لم تقرأ الرسالة جيدا

رابعا هناك بعض قطع الغيار اللي اسعارها بتبقى عاليه عن باقي قطع الغيار لوجود اهمية معينه فيها من حيث التصنيع
يعني ممكن تلاقي مواصفاتها غير مواصفات الزجاج العادي
يعني مثلا السيريون حاصلة على درجة امان جيده في تصادم المشاة
يعني من ضمن اختبارات التصدم هناك في السريون عوامل امان عند اصدام احد المشاة بالعربيه
وطبعا ده بيدخل فيه الكبوت والزاجاج الأمامي والأكصدامات

هتقولي وانا مالي
هقولك ده الفرق بين واحد عارف العربيه بتعته مميزاتها ايه او اللي عملوها عملوها ليه وشاريها علشان كده
وواحد عجبته العربيه واشتراها خلاص ولما جه يصلح معجبهوش الأسعار
يعني سؤل لحضرتك انت عاوز زاجاج زي ده او كابوت زي ده يتباع بكام

وعلى فكره شركات تصنيع الزجاج في مصر بتبيعه وعامله بتاع الماتيريا والسيريون والتيريوس
يعني لو رحت عند اي واحد بتاع زجاج هتلاقيها عنده وتقريبا سعره 450 جنيه
تفتكر ان الزجاج ده زي ده
انا لا اظن ابدا

وعالعموم في النهاية
مش كل حاجه سعرها عالي يبقى شغل سرقة وشغل حرامية
راجع اسعار العربيات الياباني المثيلة
راجع امكانيات العربيه وشوف قطعة الغيار اللي انت بتتكلم عليها ما اهميتها في العربيه علشان تعرف فكرة تصنيعها وبعدين تقدر تحكم بالمقارنات مع العربيات المثيلة هيا غالية ولا متوسطة ولا رخيصة
لأن الحكم بدون مقارنة على الأسعار ده اظنه هو اللي حرام

واي استفسارات انا تحت امرك وفي اي وقت