الموضوع: أخر الأخبار : Gen.2 FaceLift

احنا بنتفاوض من المنطلق دة يا ابو حمــيد ... و بيني و بينك أسـم المنتدى بيمثل دفعه للامام فى اى تفاوض لان بنجاحة .... مش هيبقي نجاحة قاصر على المجموعهة اللي بتشترى ، بالعكس دة هيبقي خطوة لمجموعات قادمة يعنى احنا بنتكلم على اتفاق بنجاحة قابل للتكرار ، خصوصا ً ان في ناس ما بتحبش تخوض المغامرة الاولي و بالتالى فهايدخلوا فى المجموعه التانية ... و هكــذا .

ربنا يسهل.

[quote=mazagnge;354729]

بص يا أخ اسامة الموضوع بمنتهى البساطة ان اللى انت بتقولة صح .... و كمان اللى احنا بنقولة صح ..... أزاى ؟

فعلا ً الشركة لها اجندتها و لة خطتها اللي ها تمشيها ولكن يُمكن اخذ بعض الاعتبارات فيها ؟
و من ضمن الخطة دي ان مش هاتنزل العربية الهاى لاين فى مصر بنفس مواصفات الخارج ..... هما شايفين ان الطلب مش هيبقي كثير عليها ؟ و جه نظرهم ؟

أحنا بنتفاوض معاهم ان احنا عايزينها العربية هى هى و بنوفر لهم الطلب اللى هما خايفين منة من خلال مجموعه كبيرة من طالبي الشراء
و مثلا ً احنا كنا بنتكلم عن موتور الـ CPS هما رفضين نزولة مصر ... اوك ..... بس احنا عايزين المواصفات الباقــية و كمان سعر كويس
و عموما ً ما تقلقش احنا دلوقت فتحين مجال لنزول عرض جديد للمجموعه جارى التجهيز لعرضة لكن من الرواس لانسر .... فاذا ما منجحش موضوع البرتون ممكن تنضم لينا فى العرض التاني و صدقني مش ها تندم

لان احنا بندور على مواصفات جيدة + سعر خاص و بنقدم مجموعه كبيرة هاتشترى مرة واحدة .... يعنى احسن من اى اجنس بيشترى من التوكيل ... فلا تقلق و ان شاء الله شهر مش بعيد ..... و اى استفسار لا مشكلة و لا اى هدن و لا حاجة دة انت منورنا

لاااااااااااااااااا انا متخيلش اشترى حاجة غير الجين 2 والنبى تشوفولنا سيرة تانية غير دى وخليكوا متفائلين مثل ميعاد استلام الجين 2 الجديدة بموتور السى بى اس واحتمال ينزيلوها للمجموعة كspecial order بسقف بانوراما وGPS..أحلاااام

شوف يا عمونا densfog

ما ينفعش يبقي مشيين مع عرض واحـــد أفرض مثلا ً أنه لا قدر الله العرض بتاع الجين فى الاخـــر طلع مبالغ فية سواء بالنســـبة للسعــر أو من غير الكماليات المطلوبة .... يبقي لازم يكون فية بديل تاني لان احنا ملتزمين أدبيين بالمجموعة اللي معانا و بناء علية أحنا فعلا ً بنمشي في عرض ممتاز من الرواس ميتسوبيشي و في زميل فاضل لنا بيتفاوض مع هيونداى غبور علي I30 وفى النهاية اذا عز العرب ما وصلناش معاه لنتيجة يبقي عندنا اللي نروح لة ( الرواس + غبور ) و نعرف نتكلم معه و المجموعه تبقي عندها فرصة اختيار ، و الموضعيين مبشريين بالخير ..... أتنورت المحكمة يا densfog

يا مزجانجى باشا انا كنت بهزر بس بصراحة انا بفكر لو لاقدر الله الموضوع ما كملش اما استناها لغاية ما تنزل لوحدها فى شهر 5 او اخلص نفسى واشترى الموديل الحالى واظبط الصالون وخلاص وعامة مشكوريين يا جماعة اوى على مجهوداتكم وربنا يجعله فى ميزان حسناتكم وفى انتظار عروضكم الأخرى وبالذات i30 وربنا يحقق املنا الأصلى فى الface lift , وانا رايى مهندس سامح بعد اسبوع او عشرة ايام من تاريخ اخر مقابلة مع الرجل الماليزى يرسل له وللشركة الأم رسالة محتواها انه نتيجة عدم اكتراث الشركة الأم بطلبنا والتسويف فى الرد عليه فاننا سنضطر اسفين للبحث عن بديل أخر فى حالة عدم وصول رد نهائى فى خلال اسبوع وان المجموعة لم تكن قاصرة على هذا العدد فقط بل هى مراه لموقع يؤثر بارائه فى قرارات الشراء لعدد كبير من المشاركين وانهم بدلا من ان يكسبوا مندوبين دعاية مجانيين لهذه السيارة الجديدة فانهم فقدوا جزء من مصداقيتهم عند جزء ليس هين من السوق المصرى , وده رأى شخصى , والسلام عليكم

السلام عليكم
يا جماعه انا مش متابع من الاول بس انا من وقت ما خدت قرار شراء سياره وانا في حيره كل اللي يعجبني بيكون اعلي من الفلوس اللي معايا وبجد انا مقتنع تماما ب gen 2 facelife بس اللي شايفه من اللي بيحصل ان بروتون والوكيل هنا ولا في دماغهم واللي شايفه برضه ان لاول مره اشوف مجموعه زي دي مجتمعه علي سياره والوكيل منفض -
يعني العدد اللي مستني الجديده جين 2 مش هين وعباره عن جزء ممن يريدون هذه التحفه ولكن مين يقدر !!!!
العربيه فيها كل ما يحتاجه شخص من عربيه - شكل - اداء - value for money - من العربيات اللي ممكن تقرب من قلب اللي سايقها وترتبط بيه - انا ناوي اجيب مازدا 3 علي شهر 10 حتي لو بالتقسيط - واتمني بجد ان العربيه دي يكون فيها خبر كويس قبل كده عشان اوفر الفرق في السعر ده
انا عارف ان في فرق طبعا بين مازدا وجين 2 بس بصراحه انا شايف ان اللي عايزه من العربيه بلاقيه في العربيتيين دول وانا شايف في الاتنين نفسي وشوفت جين 2 الحاليه وfacelife وفي فرق شاسع خصوصا في الصالون وانا مستني معاكم وبضم صوتي لصوتكم ويا اخ justs ومزجانجي يا ريت تضيفوا اسمي للقائمه اللي منتظره
اخوكم د.خالد السيد
ولو في طريقه اخري لحجز facelife قلولي
السلام عليكم