الموضوع: أخر الأخبار : Gen.2 FaceLift

بورت ظهر يا منززززززززززززززز
اية يا عم أحنا أفتكرناك بتاخد دورة تدريبية على قانون المرور الجديد
حمد الله بالسلامة ......... و لا تقلق يا ولدى فطريقك جينا ً ... جينا ً ...جينا ً يااااااااااا ولدي

المشاركة الأصلية كتبت بواسطة justs

ردا على احبائي ورفاق الكفاح جميعا ، اليكم اخر انباء البديل المقترح في حالة عدم ايجابية بروتون ، وذلك حتى حينه:

الرد المبدأي بخصوص المازدا :

أولا انا كان كلامي معاه اننا 8 وده رقم تقديري مني وقلتله انه ممكن يزيد ، وهوه كلمني بالليل وقالي ان الموجود في الخليج مودلين فقط،

الأول : اللي هوه اعلى مواصفات بكل الكماليات وهي كاتالي :

تكييف تاتش - باورستيرنج - سنترلوك - زجاج كهربائى - مرايات كهربائيه -
2 ايرباج - ABS- EBD- راديو cd كاسيت -فوج لايت ( فوانيس شبوره ) - زينون -حساسات نور ومطر - طاره مالتى فانكشن - عتب نيكل داخلى - جنوط سبور 16 بوصه - فتحه سقف - سبويلر

ودي سعرها بعد الخصم : 130000 ( مش عارف لو العدد اكتر ممكن تقل شويه مع المفاوضات ولا لأ )

والثاني : لسه مش متأكد من مواصفاته بس هوه غالبا :

تكييف - باورستيرنج - سنترلوك - زجاج كهربائى - مرايات كهربائيه -2 ايرباج - ABS- EBD - مالتي فانكشن - راديو cd كاسيت

ودي سعرها بعد الخصم : ( 117000 ) ( سعر مبدأي قابل للتفاوض اعتقد يوصل ل 115000 )

وأنا ان شاء الله اتفقت معاه اني هقابله النهارده ، للتأكد من مواصفات الموديل الثاني ، ومعرفة التفاصيل والسعر النهائي ،

والعربيات هتاخد شهر من تاريخ الحجز ، وطبعا العربيات خليجي ، وعلى فكره كل اللي موجود في مصر خليجي ، وبالنسبة لقطع الغيار ميقتش قليلة زي الأل وسهل نجيبها ، وعلى فكره العربية من غير ضمان بس هوه قالي لو عاوزني اجبلك ضمان سونستا او سمارت كار ممكن عادي ( بس اعتقد هيأثر على السعر ) ،

تقييمي الشخصي ، ان العروض دي ممتازه بفرق حوالي 15000 عن السعر في مصر ، واعتقد ممكن كمان ناخج خصم اكتر لو العدد اكتر من اللي قولتهوله ، وعلى فكره هوه راجل محترم وبلدياتي من الفيوم ( انا اصلا من الفيوم على فكره وعايش ما بين الفيوم والقاهره )،

يا ريت الناس تقول رايها ايه ، عشان انا المفروض هقابله النهارده ، عشان اجيب اخر الكلام والمواصفات بالظبط ، لأن ده اعتقد انه البديل الأمثل سواء في العربية ( وفعلا يا جماعة عربية فوق الممتازة) او في الأسعار ،


والله ولي التوفيق

كلام جميل يا باشا ويناسبني بس بعد ما أتأكد من النقاط التالية وإللي أرجوا منك إنك تثيرها مع الراجل علشان الأمور تكون واضحة:
1. المواصفات الكاملة للنوع الثاني وبخاصة التيب ترونيك وفوانيس الضباب والـEBD.والأسعاربعد الخصم لو عددنا وصل 15 مثلاً. لأن الأسعار الجديدة دي ممكن تزود عدد الراغبين في تصوري (عندي واحد صحبي بيشاور عقله ينضم لنا).
2. نوع البنزين اللازم لها إيه (بوضوح)؟
3. إيه إللي يقدر يقدمه للمقيمين في المحافظات من حيث نظام الشراء والترخيص والضمان (الضمان إللي إقترحه يصلح للقاهرة فقط) وقطع الغيار أو يرشدنا لأماكن توفرها وهو أكيد حيكون عنده نصائح مفيدة من واقع خبرته.وهل له فرع في الإسكندرية يمكن التعامل من خلاله؟
4. مع إحترامي الكامل ليك والذي أكدته أكثر من مرة وللراجل المحترم صاحب العرض وده كلام مش مفروض أنه يزعل حد إحنا دلوقتي مش ح نتعامل مع توكيل مشهور زي عز العرب أو غبور فياريت نعرف أكتر عن الجهة إللي بنتعامل معها وإللي حنحجز فيها إن شاء الله. وما هي قيمة الحجز للموديلين.
وربنا يوفقنا للفيه الخير.

يا جماعة انا ممكن اكون معاكم في المازدا بس نفسي استلمها الاسبوع الجي..
بالنسبة لموضوع Ebd انا سألت في سمارت و بيقولوا ان فيها Abs& Ebd و الله أعلم.

سؤال بس هو ايه اعلى سعر اعادة البيع للجين 2 ؟ عشان لو جبتها دلوقتي و فكرت أبيعها على السنة الجاية؟