الموضوع: أخر الأخبار : Gen.2 FaceLift

انا النهاردة كنت فى توكيل هيونداى وعرفت منهم ان الأسعار هتزيد من اول أغسطس

أنا سألت عند موزعين و قالوا لي زادت فعلا 3000 جنيه للالنترا...
حسبي الله و نعم الوكيل في ده توكيل

المشاركة الأصلية كتبت بواسطة tutankhamoun

السلام عليكم و رحمة الله و بركاته
إلى الأخوة الكرام ........... مجموعة الجين 2 الفاس ليفت
أنا حابب أقول ملحوظة صوغنطوطة

إنتاج بروتون من السيارات ليس كبير و لمك يكن يتوقعوا هذا التهافت على السيارة
لذلك
الإنتاج الجديد أغلبه لم ينزل الأسواق كلها
و خصوصا السوق الإنجليزي الذي مازال يبيعون به السيارة العادية أم 110 حصان بس
يعني السي بي إس نزل ماليزيا و تايلند بس على ما أعتقد
و لسة في تركيا بيبيعوا أم 110 حصان بس
علشان بس ما تظلموس الناس
هما ما كنوش جاهزين و مكنوش متوقعين هايكون عليهم إقبال كبير خصوصا الجين 2
و ربنا معاكوا و يوفقكوا في صفقة كويسة إن شاء الله أيا كانت

أين أنت يا أستاذ توت

المشاركة الأصلية كتبت بواسطة Ahmed Samy

I am in , if you made a lancer group

- مفيش مشكلة بالنسبة لـ الانسـر يا ابوحمــــيد بس التفاصيل بعد لما نخلص من صفقة الجين 2 و نقفل بابها يا بنعم يا بلا و فى الحالتين سيتم نقل التفاصيل الي قسم اللانسر وقتها و معتقدش ان الموضوع هيزيد عن اسبوعين .

- بالنسبة لهيونداي .... مش عارف انا بأمانة مش برتاح مع غبور .... اذا كنا بنقول ان بتوع التوكيلات بيلعبوا بيالبيضة و الحجر ... فيبقي غبور اللي علم الناس دى :p ......... و جهات نظر عشان الناس متزعلش .... لكن برضة اذا اخونا اللى متفائل معاه وصل لشىء كويس لية لأ

- توووووووووووت متجيب قرش و لا اى حاجة يا عم دة انت بقيت اصعب من اشارة فودافون لما تيجي

السلام عليكم جميعا ورحمة الله وبركاته
ياجماعه انا رأيى ان احنا نفضل مع موضوع الجين2 مع البحث ايضا على عروض افضل ولتكن مازدا3 مثلما تقولون ولكن لانغلق موضوع الجين2 نهائيا على امل ان تتغير الأمور قريبا إن شاء الله.

بصوا ياجماعــــة :

- أحنا كان أخر كلام بنا كان كالاتي :
قبلنا الماليزين و منتظرين الرد بعد يومين ، مر اسبوع و نصف و مفيش رد
فبعتنا لهم رد استعجال مع التعبير عن استيئنا على طول فترة التفاوض " من اخر ابريل حتي الان " + انا احنا عملاء و بنطلب و بندعم الماركة و بنعمل لها دعاية فبنتوقع اهتمام اكثر من كدة و إلا يبقي اية الحال مع باقي الناس + و طلبنا سرعه الرد خلال اسبوع من تاريخ الايميل يا نعم : و في الحالة دي يبقي برجاء ارسال مواعيد الاستلام فى مصر و كمان تفاصيل الكماليات فى العربية ، لو لأ : هنبقي شاكرين عشان نعرف طريقنا و نختار بدائلنا اللي طبعا ً مش هتبقي برتون .

-----------------------------

الجــــديد :

- اتصلت أمس ب أ / حبيب لمعرفة فية جديد و لا لأ
- رد الاول انة مشغول ،
قلتاة بس دقيقتين ، عايزين بس نعرف الاخبار اية بتاعه صفقة الهاى لاين .......... و كان بداية الانفجار

- انتم بعتوا ايميل لمستر / V " مسئول برتون اللى قابلناة " بتستعجلوة لية و الراجل زعلان انتم ازاى تكلموة بالطريقة دي و يعنى اية عايزين رد فى يومين هو انتم بتتكلموا ازاى ، و المفروض ان المراسلات دي عن طريقي لو سمحتم محدش يراسلة و اللى انتم بتعملوا دة غلط و ها يبوظ الدنيا .
- انا : يا ا / حبيب ، مستر / V هو اللى قال انة هيرد خلال يومين مش احنا ، و كمان حاول يتصل بالشركة الام و احنا قاعدين لكن ماحدش رد ، و هو اللي خد الايملات بتاعتنا و كمان تليفون المهندس / سامح و قال ها يرد فى اقرب فرصة ممكنة ، و كمان احنا متفقين ان تسعير و تسليم العربية معاك و هو بيناقش الامور الفنية معانا يعني لما نتفق على المواصفات بردة ها نرجع لك عشان نتفق على السعر و مواعيد الاستلام .
- حبيب : انت بتتكلم ازاى انتم مش فاهمين حاجة فى صناعه السيارات و انتم كدة بيتلحوا و بتضغطوا على الراجل ؟
- انا : يا ا/حبيب ، انا علاقتي اية بصناعه السيارات انا عايز مواصفات عربية و امكانية الحصول عليها و مواعد يا اة يا لأ ، و ثانيا ً بنضغط و نلح اية ... دة احنا بنتفاوض من ابريل لدلوقت ما عرفنش الا ان العربية هتبقي من غير CPS .... و لا حظ ان في ناس كثير من المجموعه بتاعتنا ابتدت تضايق و تقلق و فى ناس فعلا ً خرجت ، غير الحرج اللى انا و الباشمهندس سامح فية ، فحق الناس دى علينا انهم يبقي فى حاجة اكثر وضوح شوية .
- ا / حبيب ، ما تدخلنيش فى ابريل و الكلام دة .... دة أول خط انتاج و لسة العربية ما نزلتش السوق و انتم بتطلبوها ، و ها يغيروا لسة الماتور و يحطوا قطعه داخلية على موتور Iafm .
- انا : يا أ/حبيب مستر ( v) قال انها نزلت فى تايلاند و ثانيا كدة يبقي احنا اول خط انتاج و كمان مش عارفين ها يطلع امتى .
- ا / حبيب ، بص انا قلتلك ان انا مشغول و مش ها اقدر اتكلم دلوقت و يا ريت محدش يتصل بمستر V و لا يبعت لة ايملات .
- أنا : طيب احنا نعرف الاخبار منين و لا نقول للناس اية .
- أ / حبيب : بعد 3 اسابيع او اربعه ابقى اتصل بى انت او سامح .
- انا : شكرا و اسفين للازعاج .
-----------------------
الخلاصــة :

1 - الماليزين حتى تاريخة معندهمش رد او اى شىء واضح .
2 - اسلوب و طريقة الحوار كانت غير لائقة بالمرة ... و انا كان استحملناها عشان لو حد هيكمل فى الموضوع دة يبقي ادبيا ً مش احنا اللي ضيعناة.
3 - لما نقعد 4 شهور فى مفاوضات مع توكيل + شركة سيارات ... و هما معندهمش رد واضح عن اى حاجة لأ و كمان انتظر 4 اسابيع يبقي اية ( ؟؟؟؟)
4 - الموضوع كدة امامكم اللى عايز يكمل يبعت لنا (سامح + mazagnge) و لما يبقوا يردوا علينا هانبلغكم بالرد
5 - فى انتظـــار تعليقكم على ما سبق .

* ا / الحسينى " تليفونك مغلق .... برجاء الاطلاع على الموضوع و الاتصال بى "
* المغربي " راجع ايميلك .... برجاء الاطلاع على الموضوع و الاتصال بى "