الموضوع: أخر الأخبار : Gen.2 FaceLift

استاذ حبيب كلمني النهارده ، بعد ما الشركة ردو عليه ، وبيقول انهم عاوزين ينزلو ال Iafm ، وانهم ممكن ينزلولناالمجموعة دي بفرش جلد ، وبيقول ان ده عشان عنصر التكلفه ، رغم انه بيقول ان سعرها هيزيد بالمصري 10000 زي محنا كنا عاملين حسابنا ( عادي يعني ) ، المهم انا قلت للاستاذ حبيب اننا عاوزينها هاي لاين زي بره بالظبط وان الناس كده هتحجز اي حاجه تاني ، فقالي خلا انا بكره مش في الشركه وبعد بكره هكلمهم تلفونيا واحاول معاهم تاني ، فأنا اقترحت عليه اني ابعتلهم ايميل انا كمان بالاشارة لاميله السابق خاصة انه كان قيلهم اسمي بصفتي قائد الفريق ، وهشرحلهم اننا مش هنحجز غير الهاي لاين واننا على استعداد لتحمل الزيادة في التكلفة ، ايه رأيكم

هوه كل اللي قالهولي انها بالنسبة للـوتوماتيك هتزيد 10000 ده من كلام الشركه بره ، وانا دلوقتي بكتبلهم ايميل اوضحلهم اننا قابلين الزياده دي وكده هيكون كويس جدا ، وكمان عشان نبقه ربطنا كلام اننا عاملين حسابنا على كده مش اكتر ، وكمان هأكد عليه اننا عاوزينها بكل حاجه ، وكمان اننا لو ما جاتش هاي لاين زي بره بالظبط هنشتري حاجه تانيه ، وهضيف الجزئيه بتاعت الدعايه اللي انت قولت عليها دي كمان

يا حبيبي لسه اصلا ما وصلناش لكلام نهائي ، انا ببعت الايميل دلوقتي ولما يردو عليه وعلى حبيب الرد النهائي ، هنعرف هما اصلا هينزلوهلنا ولا لأ وبكام بالظبط

انا مش فاهم حاجة
يعني هما عاوزين ينزلوا لينا الهاي لاين بموتور ميديم لاين
بسعر 95 الف جنيه للمانيوال ولا ايه

يعنى الخلاصة إن حبيب هينزل الميديوم لاين عادى لكن الدفعة بتاعتنا هتبقى نفس موتور الميديوم لاين + الكماليات المحذوفة من الميديوم لاين (فرامل ABS&EBD) والفرش الجلد والحوارات دى لكن من غير موتور ال CPS وكل دة هيكون بسعر 10 آلاف جنيه زيادة عن الميديوم لاين يعنى 95ألف مانيوال / 100 ألف أوتوماتيك ، ونتيجة لتقليل عنصر التكلفة فهينزلوها بموتور الميديوم لاين لأن ال CPS هيكون أغلى من 10 آلاف ...

يعنى من الآخر اللى هتنزل نفس اللى احنا عاوزنها لكن بدون موتور ال CPS وهتكون بموتور IAFM اللى هو Already أحسن من الموتور الحالى.

مش هو دة الكلام؟ دة اللى انا فهمته.

ايه يا رجالة رأيكوا ايه ؟

بس من كلام استاذ حبيب
حيبقى فرش جلد بس
مفيش اي كماليات
على فكرة انا بدات اصاب بحالة احباط