اقتباس المشاركة الأصلية كتبت بواسطة zizo50001 مشاهدة المشاركة
هههه يا راجل حرام عليك لية هو راكب توكتوك
هيغير كل دة
انت عارف ليا واحد قريبى شغال فى شركة عندهم عربيات اوبل فى الشركة موديل 97 و العربية داخلة على 400 الف ومش بتعمل صيانة فى التوكيل تعمل فى مركز كمان مش جامد
المهم مفيش الكلام دة كله
من ان العربية شكلا و كل حاجة اهمال و متبهدله لان فى كذا واحد بيركبها
بس فى اهتمام ب صيانة ميكانيكه بس
علشان كدة بتعيش
ميزه فيكترا بى انها قطع غيار رخيصة و كمليات الcdx
منزلتش لحد النهاردة فى عربيات تانية اغلى منها كمان
انا كان معايا 3 فيكترا بى عملت بواحده 120 الف والتانيه 230 الف والتالته 180 الف ومعايا فيكترا سى عامل بيها 40 الف وانا متكلمتش عن الموتور خالص لأن عمرو ما كان المشكله فى الالمانى ولا الكورى حتى واليابانى المشكله العمر الافتراضى وفى مصر محدش بيهتم بالعربيه بعد ال100 الف كيلو ولا بيعمل صيانات فى التوكيل يعنى مثلاً الاويلسيل بتاع الفيكترا بى ال2000 سى سى لازم يتغير هو وطبب المياه عند 150 الف وانا غيرتهم فى مقار من 4 سنين ب4000 جنيه عشان الموتور لازم يخرج بره والناس قالتلى حرام تدفع كده وبره بنص الثمن وصممت وجابت زيت تانى ومقار خرجو الموتور 3 مرات وبعد كده طلعت صوت فشل جميع العلماء فى مصر عن تفسيرو وبعتها + كل الفيكترا بعد ال150 الف لازم تغير جلب المقصات الخلفى ودى بيتفك فيها المقصات ولازم تروح مخرطه وتركب الجداد والاصلى غالى الى الان.. واتحداك تكون عفشتها وطنابيرها سولام لأنى كنت بغيرهم كل 50 الف واللى بيفكر فى البيع فى عربيه عامله 200 الف ده لمى تبتدى تحتاج الكلام ده خدها وروح الوكيل اكشف هيطلعلك كل ده ضيف عليهم كومبروسر شغال بقالو 10 سنين وسربنتينة تكيف وريداتير الرترتب خلاهم شبكه وتعيش حياتك تزود مياه وانت مش شايف تسريب لأن الخراطيم كلها متصله وتغيرهم فى فك متور وهتلاقى الخراطيم مليانه كبارى وكوليهات بلدى...
الاختيار لك تدفع 77 الف وتصاحب الميكانيكى وتتعرف على كل اهلو وتوصل فى الاخر ل90 الف جنيه ولو فكرت تبيع تسمع 60 ده اختيارك تشترى نفسك وتسيبك من حواديت الالمانى يستحمل لأن والله ما بيستحمل ولا هباب والله كان عندى اكسنت 1500 عملت بيها 180 الف كيلو وكتن بحط فيها زيت تعاون واخرى الصيانات المعتاده سيور كل 40 الف وفلاتر وبس والله عمر ما حصل حاجه وطبعاً الالمانى فى الحوادث اكيد يستحمل بس ده قضاء وقدر يا ما شفت شروكى ومرسيدس معجونين باصحابهم وبالنسبه للثبات ده بما اننا فى المانيا وبنجرى على 200 كل يوم انت اخرك 90 على الدائرى او 120 فى طريق القطاميه غير كده ادفع رادارات براحتك واستهلاك بنزين ومغامره بحياتك....
انا والله مش عارف اقولك ايه براحتك بس المانى يا عامل كيلو متر تحت ال80 الف يا كورى او يابانى جديد هتلاقى ايلانترا وياريس اوتوماتيك وايرباجز واى بى اس فى السبعينان اللى معاك ومش هتصرف بعد كده ومش هتفتح الكبوت غير وانت بتغير زيت دى نصيحه لوجه الله وهتفتكر كلامى بعدين.....
وبالنسبه للى بيقول عربيات عامله 400 الف عادى اسأل صاحبها صرف كام فى ال400 الف دول وجرب كده العربيه بنفسك وهتعرف انك مترضاش تجيب بيها خضار ... وده عن تجارب شخصيه وتجارب اصدقاء والله المستعان