حسبي الله ونعم الوكيل في الغباء .. 3 مطبات جديدة على الدائري

**adelmof40** · 13-01-2012 12:02 PM

اعتقد في حاجة اسمها مهندسين طرق ( يعرفوا مستوي الميل في الانحناء)
الاصول العامة لاقامة يوتيرن مطب صناعه مهدأت سرعة
لكن في مصر عندنا الاتي
85
مليون
مدرب كورة - طبيب - سباك - ميكانيكي
ايه يعني لما يجي فيهم 85 مليون مهندس طرق
هي فكيكة يعني

**AutoTycoon** · 14-01-2012 12:39 AM

المشاركة الأصلية كتبت بواسطة esam123

المطبات دى معمولة بقالها حوالى اسبوع علشان بيعملو نفق فى المكان دة دلوقتى بعد الحادثة بتاعة الست و عيالها التلاتة جت عربية ملاكى طيرتهم وهما بيعدوا وبعدها جت التريلا فرتكته لقطع صغيرة فخرج اهالى قرية سندنهور قبل بنها ب 3 كيلو تقريبا حرقوا التريلا وقطعوا السريع والسكة الحديد لمدة يوم كامل علشان كدة هيعملو نفق ولحد دة مايحصل عملوا المطبات دى الا انت شوفتها علشان يسكتوا الناس على فكرة المطبات طرية يعنى بعد اسبوعين او ثلاثة اسابيع هتلاقيه هى والاسفلت زى بعض

!!!!!!!!!!!!!!!

بصراحة الطريق دا زفت و الناس بتعدي بمنهى العشوائية حاجة تقرف

**aboharb** · 14-01-2012 12:51 AM

يا جماعه المطابات ده قبل بشتيل 500 متر وده مقصوده وعاملها المقاولين العرب علشان ده منطقة عمل المحور الجديد اللى بيجيب شارع احمد عرابى على نفق تحت المطار وبعدين كوبرى يرمى على الدائرى وهمه قربو يوصلو يعملو النزله والطلعه لانهم خلصو شغل جوه تقريبا وباقى الناس تعقل وتسيبهم يكملوا المشروع اللى هيخف الزحمه شويه من على محور 26 يوليو وميدان لبنان

**Youssef.Awad** · 14-01-2012 02:02 AM

المشاركة الأصلية كتبت بواسطة aboharb

يا جماعه المطابات ده قبل بشتيل 500 متر وده مقصوده وعاملها المقاولين العرب علشان ده منطقة عمل المحور الجديد اللى بيجيب شارع احمد عرابى على نفق تحت المطار وبعدين كوبرى يرمى على الدائرى وهمه قربو يوصلو يعملو النزله والطلعه لانهم خلصو شغل جوه تقريبا وباقى الناس تعقل وتسيبهم يكملوا المشروع اللى هيخف الزحمه شويه من على محور 26 يوليو وميدان لبنان

فعلا النهاردة لقيتهم عاملين تحويلة مكان المطبات فى اتجاه المحور اما اتجاه الزراعى فمطبات بس