الموضوع: نداء الى خبراء الاوبل

المشاركة الأصلية كتبت بواسطة tananybasha

اول مره اعرف ان فيه اوبل فى السعودية
منورنا يا باشا
1. برمجة المفتاح حطه فى الكونتاكت و اديله سنه واحده و دوس على زرار القفل 5 ثوانى لغاية ما العربية ما تقفل
و بعدين زرار الفتح لغاية ما تفتح كده اتبرمج
2. الباسورد على ضهر الكاسيت او فى الكتالوج بتاع العربية اللى موجود فى التابلوه و خللى بالك لو دخل 10 مرات غلط هتشيلوه ترميه
3. الحرارة ممكن تكون نضافه للدايره و تحط ميه خضرا او حمرا كويسه و تغسل الدايره كويس

شكرا ياباشا على الاهتمام والرد
احب اوضح لحضرتك اولا بالنسبة لدورة المياة تم تنظيفها بالفعل وحطيت مياه خضرا وان لاحظت ان المروحه بتشتغل وتفصل عند 90 ولكن السرعة الضعيفة هل ده يكون عيب فى الترومستاتولا لا وكمان ماهى الحرارة الطبيعية للسيارة

على فكرة بالنسبة للمفتاح هجرب الطريقة الى حضرتك قلتها بس احب اوضح ان الريموت ده بتاع سيارة اختها كنت بفك منها الكمبروسر بتاع المكيف من التشليح هل ممكن يدبرمج عليها لانى نقلت الريموت القديم وركبت ده مكانه لان القديم كان مكسور
واما بالنسبة للكاسيت كان فى الاول مدينى save 7 وبعدين كان فى موقع قريت عليه الرقم وجربته وقعد ينزل بيا تنازلى من 7 الى 3 وبعدين وقف على كده
سؤال اخير ياباشا معلش اذا كنت بتاقل عليك لانى اول مرة اركب اوبل هى السيارة دى كام سى سى لان هنا مش بيكتبوا فى الرخصة اى حاجة تخص الموتور وانا لما سألت الى انا اشترتها منه قالى 1600 cc